ਜਨਮ ਦਿਨ ''ਤੇ ਹਰਿਦੁਆਰ ਪਹੁੰਚਿਆ ਕੋਹਲੀ, ਸੋਸ਼ਲ ਮੀਡੀਆ ''ਤੇ ਵਧਾਈਆਂ ਦਾ ਲੱਗਾ ਤਾਂਤਾ

ਨਵੀਂ ਦਿੱਲੀ - ਭਾਰਤੀ ਕ੍ਰਿਕਟ ਟੀਮ ਦਾ ਕਪਤਾਨ ਵਿਰਾਟ ਕੋਹਲੀ ਆਪਣਾ 30ਵਾਂ ਜਨਮ ਦਿਨ ਮਨਾਉਣ ਲਈ ਦੇਵਭੂਮੀ ਦੇ ਨਾਂ ਨਾਲ ਪ੍ਰਸਿੱਧ ਧਾਰਮਿਕ ਸ਼ਹਿਰ ਹਰਿਦੁਆਰ 'ਚ ਹੈ ਤੇ ਉਥੇ ਹੀ ਉਸ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ਰਾਹੀਂ ਉਸ ਨੂੰ ਵਧਾਈ ਦੇ ਰਹੇ ਹਨ।

ਸ਼ਾਨਦਾਰ ਬੱਲੇਬਾਜ਼ੀ ਦੇ ਦਮ 'ਤੇ ਕਈ ਰਿਕਾਰਡ ਆਪਣੇ ਨਾਂ ਕਰਨ ਵਾਲਾ ਕੋਹਲੀ ਹਰਿਦੁਆਰ ਵਿਚ ਪਤਨੀ ਅਨੁਸ਼ਕਾ ਸ਼ਰਮਾ ਨਾਲ ਗਿਆ ਹੈ। ਕੋਹਲੀ ਨੂੰ ਸਭ ਤੋਂ ਪਹਿਲਾਂ ਵਧਾਈ ਦੇਣ ਵਾਲਿਆਂ 'ਚ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਵੀ ਸ਼ਾਮਲ ਹੈ। ਉਸ ਨੇ ਟਵੀਟ ਕੀਤਾ, ''ਆਉਣ ਵਾਲੇ ਸਾਲਾਂ ਵਿਚ ਤੁਹਾਡੀ ਸਫਲਤਾ ਤੇ ਖੁਸ਼ੀ ਦੀ ਕਾਮਨਾ ਕਰਦਾ ਹਾਂ। ਜਨਮ ਦਿਨ ਦੀਆਂ ਸ਼ੁੱਭਕਾਮਨਾਵਾਂ ਕੋਹਲੀ।''
ਅਨੁਸ਼ਕਾ ਨੇ ਟਵਿਟਰ 'ਤੇ ਲਿਖਿਆ, ''ਇਨ੍ਹਾਂ ਦੇ ਜਨਮ ਲਈ ਪ੍ਰਮਾਤਮਾ ਦਾ ਧੰਨਵਾਦ।''

Wishing you a lot of success and happiness in the year ahead. Happy Birthday, @imvkohli! pic.twitter.com/HcXX88rXJn

— Sachin Tendulkar (@sachin_rt) November 5, 2018

ਬੀ. ਸੀ. ਸੀ. ਆਈ. ਨੇ ਵੀ ਕੋਹਲੀ ਨੂੰ ਵਧਾਈ ਦਿੰਦਿਆਂ ਟਵੀਟ ਕੀਤਾ, ''ਕਈ ਮੈਚ ਜੇਤੂ ਪਾਰੀਆਂ ਖੇਡਣ ਵਾਲੇ ਭਾਰਤੀ ਟੀਮ ਦੇ ਕਪਤਾਨ ਤੇ ਰਨ ਮਸ਼ੀਨ ਵਿਰਾਟ ਕੋਹਲੀ ਨੂੰ ਜਨਮ ਦਿਨ ਦੀਆਂ ਸ਼ੁੱਭਕਾਮਨਾਵਾਂ।''

#HappyBirthdayVirat

Wishes galore for the Indian captain from the team as he celebrates his 30th Birthday. Here's to many more match-winning moments and 🏆🏆 in the cabinet.

Full video here - https://t.co/MCnjtfoIuD pic.twitter.com/Yr83r8LPyS

— BCCI (@BCCI) November 5, 2018

ਵੀ. ਵੀ. ਐੱਸ. ਲਕਸ਼ਮਣ ਨੇ ਟਵਿਟਰ 'ਤੇ ਲਿਖਿਆ, ''ਵਿਰਾਟ ਕੋਹਲੀ ਨੂੰ ਆਉਣ ਵਾਲੇ ਸਾਲਾਂ 'ਚ ਢੇਰ ਸਾਰੀਆਂ ਸਫਲਤਾਵਾਂ ਮਿਲਣ।'

Wishing @imVkohli lots of success and fulfilment in the coming year. #HappyBirthdayVirat pic.twitter.com/2zuTK0mpOz

— VVS Laxman (@VVSLaxman281) November 5, 2018

ਸਾਬਕਾ ਧਮਾਕੇਦਾਰ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਆਪਣੇ ਪੁਰਾਣੇ ਅੰਦਾਜ਼ ਵਿਚ ਟਵੀਟ ਕੀਤਾ, ''ਇਸ ਧਨਤੇਰਸ 'ਤੇ ਮੇਰੀਆਂ ਸ਼ੁੱਭਕਾਮਨਾਵਾਂ ਹਨ ਕਿ ਅਗਲਾ ਇਕ ਸਾਲ ਤੁਹਾਡੇ ਲਈ 'ਰਨਤੇਰਸ' ਬਣਿਆ ਰਹੇ। ਜਨਮ ਦਿਨ ਦੀ ਵਧਾਈ।''

On this Dhanteras, wish you a year that is again filled with Runteras. #HappyBirthdayVirat pic.twitter.com/f09gppLZON

— Virender Sehwag (@virendersehwag) November 5, 2018

ਸਾਬਕਾ ਖਿਡਾਰੀ ਮੁਹੰਮਦ ਕੈਫ ਨੇ ਟਵੀਟ ਕੀਤਾ, ''ਹੱਥ ਦੀ ਜਾਦੂਈ ਛੜੀ ਨਾਲ ਸਾਨੂੰ ਸਾਰਿਆਂ ਨੂੰ ਖੁਸ਼ ਕਰਨ ਵਾਲਾ, ਇਕ ਅਜਿਹਾ ਇਨਸਾਨ ਜਿਹੜਾ ਪ੍ਰਦਰਸ਼ਨ ਵਿਚ ਨਿਰੰਤਰਤਾ ਨੂੰ ਨਵੀਂ ਪਰਿਭਾਸ਼ਾ ਦੇ ਰਿਹਾ ਹੈ ਤੇ ਜਿਸ ਵਿਚ ਚੰਗਾ ਕਰਨ ਦੀ ਭੁੱਖ ਹੈ, ਮੇਰੀਆਂ ਸ਼ੁੱਭਕਮਨਾਵਾਂ ਹਨ ਕਿ ਆਉਣ ਵਾਲਾ ਸਮਾਂ ਤੁਹਾਡੇ ਲਈ ਸਰਵਸ੍ਰੇਸ਼ਠ ਹੋਵੇ।''

With a magic stick in his hand, he brings us all to a standstill. A man who is redefining consistency and hunger to do well, wish you the very best times ahead @imVkohli and have a#HappyBirthdayVirat pic.twitter.com/WffHL4VBKj

— Mohammad Kaif (@MohammadKaif) November 4, 2018

ਕੋਹਲੀ ਹਾਲ ਹੀ ਵਿਚ ਵਨ ਡੇ 'ਚ ਸਭ ਤੋਂ ਵੱਧ ਤੇਜ਼ੀ ਨਾਲ 10 ਹਜ਼ਾਰ ਦੌੜਾਂ ਬਣਾਉਣ ਦਾ ਰਿਕਾਰਡ ਆਪਣੇ ਨਾਂ ਕੀਤਾ ਹੈ। ਪਹਿਲਾਂ ਇਹ ਰਿਕਾਰਡ ਤੇਂਦੁਲਕਰ ਦੇ ਨਾਂ ਸੀ, ਜਿਸ ਨੇ 259 ਮੈਚਾਂ ਵਿਚ ਇਹ ਰਿਕਾਰਡ ਬਣਾਇਆ ਸੀ, ਜਦਕਿ ਕੋਹਲੀ ਨੇ ਇਹ ਅੰਕੜਾ ਸਿਰਫ 205 ਮੈਚਾਂ 'ਚ ਛੂਹ ਲਿਆ।