ਵਿਦਿਤ ਗੁਜਰਾਤੀ ਨੇ 6ਵੇਂ ਦੌਰ ''ਚ ਖੇਡਿਆ ਡਰਾਅ, ਪ੍ਰਾਗ ਟੂਰਨਾਮੈਂਟ ''ਚ ਚੋਟੀ ''ਤੇ

ਪ੍ਰਾਗ : ਭਾਰਤੀ ਗ੍ਰੈਂਡਮਾਸਟਰ ਵਿਦਿਤ ਗੁਜਰਾਤੀ ਨੇ ਇੱਥੇ ਪ੍ਰਾਗ ਸ਼ਤਰੰਜ ਟੂਰਨਾਮੈਂਟ ਦੇ ਮਾਸਟਰਸ ਵਰਗ ਦੇ 6ਵੇਂ ਦੌਰ ਵਿਚ ਰੂਸ ਦੇ ਨਿਕਿਤਾ ਵਿਤਿਯੁਗੋਵ ਨਾਲ ਡਰਾਅ ਖੇਡ ਕੇ ਆਪਣੀ ਇਕ ਅੰਕ ਦੀ ਬੜ੍ਹਤ ਬਰਕਰਾਰ ਰੱਖੀ ਹੈ। ਉਸ ਦੇ 4.5 ਅੰਕ ਹਨ ਅਤੇ ਉਹ ਵਿਤਿਯੁਗੋਵ ਅਤੇ ਚੋਟੀ ਦਰਜਾ ਪ੍ਰਾਪਤ ਜਾਨ ਕ੍ਰਿਸਤੋਫ ਡੁਡਾ ਤੋਂ ਉੱਪਰ ਬਣੇ ਹਏ ਹਨ, ਜਿਸ ਦੇ 3.5 ਅੰਕ ਹਨ। ਵਿਦਿਤ ਅਤੇ ਰੂਸੀ ਗ੍ਰੈਂਡਮਾਸਟਰ ਨੇ 39 ਚਾਲਾਂ ਬਾੱਦ ਅੰਕ ਵੰਡਣ 'ਤੇ ਸਹਿਮਤੀ ਬਣਾਈ। ਗੁਜਰਾਤੀ ਦੇ ਹਮਵਤਨ ਨੂੰ 6 ਮੈਚਾਂ ਵਿਚ ਅਪਣੇ 5ਵੇਂ ਡਰਾਅ ਨਾਲ ਸਬਰ ਕਰਨਾ ਪਿਆ, ਜਿਸਦੇ 2.5 ਅੰਕ ਹਨ। ਉਸ ਨੇ ਹੇਠਲੀ ਰੈਂਕਿੰਗ 'ਤੇ ਕਾਬਿਜ਼ ਸਪੇਨ ਦੇ ਜੀ. ਐੱਮ. ਡੇਵਿਡ ਏਂਟਨ ਗੁਜਾਰੋ ਨਾਲ 30 ਚਾਲਾਂ ਤੋਂ ਬਾਅਦ ਅੰਕ ਵੰਡੇ। ਗੁਜਰਾਤੀ ਅਤੇ ਹਰੀਕ੍ਰਿਸ਼ਣਾ ਹੁਣ 7ਵੇਂ ਦੌਰ ਵਿਚ ਇਕ-ਦੂਜੇ ਦੇ ਆਮੋ-ਸਾਹਮਣੇ ਹੋਣਗੇ।