ਟ੍ਰਾਈਡੈਂਟ ਓਪਨ ’ਚ ਹਿੱਸਾ ਲੈਣਗੇ ਚੋਟੀ ਦੇ ਗੋਲਫਰ

ਚੰਡੀਗੜ੍ਹ– ਟ੍ਰਾਈਡੈਂਟ ਗਰੁੱਪ ਤੇ ਪ੍ਰੋਫੈਸ਼ਨਲ ਗੋਲਫ ਟੂਰ ਆਫ ਇੰਡੀਆ (ਪੀ. ਜੀ. ਟੀ. ਆਈ.), ਜਿਹੜੀ ਭਾਰਤ ਵਿਚ ਪੇਸ਼ੇਵਰ ਗੋਲਫ ਦੀ ਅਧਿਕਾਰਤ ਮਨਜ਼ੂਰਸ਼ੁਦਾ ਸੰਸਥਾ ਹੈ, ਨੇ ਅੱਜ ਸਾਂਝੇ ਤੌਰ ’ਤੇ ਟ੍ਰਾਈਡੈਂਟ ਓਪਨ ਗੋਲਫ ਟੂਰਨਾਮੈਂਟ ਦੇ ਉਦਘਾਟਨੀ ਸੈਸ਼ਨ ਦਾ ਐਲਾਨ ਕੀਤਾ ਜਿਹੜਾ 11 ਤੋਂ 14 ਨਵੰਬਰ 2024 ਤੱਕ ਵੱਕਾਰੀ ਚੰਡੀਗੜ੍ਹ ਗੋਲਫ ਕਲੱਬ ਵਿਚ ਆਯੋਜਿਤ ਕੀਤਾ ਜਾਵੇਗਾ। ਇਸ ਟੂਰਨਾਮੈਂਟ ਦੀ ਇਨਾਮੀ ਰਾਸ਼ੀ ਇਕ ਕਰੋੜ ਰੁਪਏ ਹੈ। ਇਸ ਟੂਰਨਾਮੈਂਟ ਤੋਂ ਪਹਿਲਾਂ 8 ਨਵੰਬਰ ਨੂੰ ਐੱਮ. ਐੱਮ. ਈਵੈਂਟ ਤੇ 9 ਨਵੰਬਰ ਨੂੰ ਪ੍ਰੋ ਐੱਮ. ਈਵੈਂਟ ਹੋਵੇਗਾ। ਇਸ ਟੂਰਨਾਮੈਂਟ ਦਾ ਟਾਈਟਲ ਸਪਾਂਸਰ ਟ੍ਰਾਈਡੈਂਟ ਗਰੁੱਪ ਵੱਲੋਂ ਸਮਰਥਿਤ ਕੀਤਾ ਜਾ ਰਿਹਾ ਹੈ।

ਟ੍ਰਾਈਡੈਂਟ ਗਰੁੱਪ ਇਕ ਭਾਰਤੀ ਵਪਾਰਕ ਗਰੁੱਪ ਤੇ ਵਿਸ਼ਵ ਪੱਧਰੀ ਖਿਡਾਰੀ ਗਰੁੱਪ ਹੈ, ਜਿਸਦੀ ਅਗਵਾਈ ਗਤੀਸ਼ੀਲ ਰਾਜਿੰਦਰ ਗੁਪਤਾ, ਸੰਸਦ ਮੈਂਬਰ (ਰਾਜ ਸਭਾ) ਤੇ ਮੁਖੀ ਕਰਦੇ ਹਨ। ਲੁਧਿਆਣਾ, ਪੰਜਾਬ ਵਿਚ ਮੁੱਖ ਦਫਤਰ ਵਾਲਾ ਟ੍ਰਾਈਡੈਂਟ ਭਾਰਤ ਤੇ ਵਿਦੇਸ਼ਾਂ ਵਿਚ ਘਰੇਲੂ ਕੱਪੜਾ ਉਦਯੋਗ ਦੇ ਸਭ ਤੋਂ ਵੱਡੇ ਖਿਡਾਰੀਆਂ ਵਿਚੋਂ ਇਕ ਹੈ। ਇਸ ਟੂਰਨਾਮੈਂਟ ਵਿਚ 2025 ਪੀ. ਜੀ. ਟੀ. ਆਈ. ਰੈਂਕਿੰਗ ਲੀਡਰ ਵਰਗੇ ਪ੍ਰਮੁੱਖ ਭਾਰਤੀ ਪੇਸ਼ੇਵਰ ਯੁਵਰਾਜ ਸੰਧੂ, ਅਰਜੁਨ ਪ੍ਰਸਾਦ, ਸ਼ੌਰੀਯਾ ਭੱਟਾਚਾਰੀਆ, ਅੰਗਦ ਚੀਮਾ, ਓਮ ਪ੍ਰਕਾਸ਼ ਚੌਹਾਨ ਤੇ ਮਨੂ ਗੰਡਾਸ ਸ਼ਾਮਲ ਹੋਣਗੇ।

ਇਹ 72 ਹੋਲ ਸਟ੍ਰੋਕ ਪਲੇਅ ਟੂਰਨਾਮੈਂਟ ਹੈ, ਜਿਸ ਵਿਚ 123 ਪੇਸ਼ੇਵਰ ਤੇ 3 ਸ਼ੌਕੀਆ ਖਿਡਾਰੀਆਂ ਸਮੇਤ 126 ਖਿਡਾਰੀ ਹਿੱਸਾ ਲੈਣਗੇ। ਕੱਟ ਪਹਿਲੇ 36 ਹੋਲ ਤੋਂ ਬਾਅਦ ਲਾਗੂ ਹੋਵੇਗਾ। ਟਾਪ-50 ਖਿਡਾਰੀ ਤੇ ਟਾਈ ਖਿਡਾਰੀ ਅੱਧੇ ਰਸਤੇ ਵਿਚ ਕੱਟ ਹਾਸਲ ਕਰਨਗੇ ਤੇ ਅਗਲੇ 36 ਹੋਲ ਤਕ ਖੇਡਣਾ ਜਾਰੀ ਰੱਖਣਗੇ।