ਅਜੀਤੇਸ਼ ਤਾਈਫੋਂਗ ਓਪਨ ਗੋਲਫ ਵਿੱਚ ਸਰਵਸ੍ਰੇਸ਼ਠ ਭਾਰਤੀ ਗੋਲਫਰ

ਤਾਈਪੇ- ਅਜੀਤੇਸ਼ ਸੰਧੂ ਤਾਈਵਾਨ ਗਲਾਸ ਤਾਈਫੋਂਗ ਓਪਨ ਵਿੱਚ ਭਾਰਤੀਆਂ ਵਿੱਚ ਚੌਥੇ ਅਤੇ ਆਖਰੀ ਦੌਰ ਵਿੱਚ 71 ਦਾ ਕਾਰਡ ਬਣਾਉਣ ਤੋਂ ਬਾਅਦ ਸਾਂਝੇ 22ਵੇਂ ਸਥਾਨ ਦੇ ਨਾਲ ਭਾਰਤੀ ਖਿਡਾਰੀਆਂ 'ਚ ਚੋਟੀ 'ਤੇ ਰਹੇ। ਐਸ. ਚਿੱਕਰੰਗੱਪਾ (70) ਸਾਂਝੇ ਤੌਰ 'ਤੇ 24ਵੇਂ ਸਥਾਨ 'ਤੇ ਰਹੇ। 

ਥਾਈਲੈਂਡ ਦੇ ਏਕਾਫਾਰਿਤ ਵੂ ਨੇ ਅੰਤਿਮ ਦੌਰ ਵਿੱਚ ਸਥਾਨਕ ਖਿਡਾਰੀ ਹੰਗ ਚਿਏਨ-ਯਾਓ ਨੂੰ ਦੋ ਸ਼ਾਟਾਂ ਨਾਲ ਹਰਾ ਕੇ ਆਪਣੇ ਪਹਿਲੇ ਸੀਜ਼ਨ ਵਿੱਚ ਏਸ਼ੀਅਨ ਟੂਰ 'ਤੇ ਆਪਣਾ ਪਹਿਲਾ ਖਿਤਾਬ ਜਿੱਤਿਆ। 26 ਸਾਲਾ ਵੂ ਨੇ ਪਾਰ-72 ਕੋਰਸ 'ਤੇ ਪੰਜ-ਅੰਡਰ-ਪਾਰ 67 ਦਾ ਸਕੋਰ ਬਣਾਇਆ, ਕੁੱਲ 20 ਅੰਡਰ ਪਾਰ ਨਾਲ ਸਮਾਪਤ ਕੀਤਾ। ਭਾਰਤ ਦੇ ਖਾਲਿਨ ਜੋਸ਼ੀ (71) 42ਵੇਂ ਸਥਾਨ 'ਤੇ ਰਹੇ, ਜਦੋਂ ਕਿ ਵਿਰਾਜ ਮਦੱਪਾ (72) ਸਾਂਝੇ ਤੌਰ 'ਤੇ 53ਵੇਂ ਸਥਾਨ 'ਤੇ ਰਹੇ। ਪੁਖਰਾਜ ਸਿੰਘ ਗਿੱਲ (72) ਸਾਂਝੇ ਤੌਰ 'ਤੇ 56ਵੇਂ ਸਥਾਨ 'ਤੇ ਰਹੇ।