ਓਲੰਪਿਕ ਆਯੋਜਕਾਂ ਲਈ ਸਮੱਸਿਆ ਬਣਿਆ ਮੋਰੀ

ਟੋਕੀਓ– ਮੁਲਤਵੀ ਹੋਈਆਂ ਟੋਕੀਓ ਓਲੰਪਿਕ ਨੂੰ ਮਹਾਮਾਰੀ ਤੋਂ ਇਲਾਵਾ ਇਕ ਹੋਰ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਹੜਾ ਸਥਾਨਕ ਆਯੋਜਨ ਕਮੇਟੀ ਦਾ ਮੁਖੀ ਯੋਸ਼ਿਰੋ ਮੋਰੀ ਹੈ। ਮੋਰੀ ਨੇ ਲਗਭਗ ਇਕ ਹਫਤਾ ਪਹਿਲਾਂ ਜਾਪਾਨ ਓਲੰਪਿਕ ਕਮੇਟੀ ਦੀ ਮੀਟਿੰਗ ਵਿਚ ਮਹਿਲਾਵਾਂ ਦੇ ਪ੍ਰਤੀ ਇਤਰਾਜ਼ਯੋਗ ਟਿੱਪਣੀ ਕੀਤੀ ਸੀ। ਮੋਰੀ ਨੇ ਕਿਹਾ ਸੀ ਕਿ ਮਹਿਲਾਵਾਂ ਕਾਫੀ ਬੋਲਦੀਆਂ ਹਨ। ਇਸ 83 ਸਾਲਾ ਸਾਬਕਾ ਪ੍ਰਧਾਨ ਮੰਤਰੀ ਨੂੰ ਇਸ ਤੋਂ ਬਾਅਦ ਮੁਆਫੀ ਮੰਗਣ ਲਈ ਮਜ਼ਬੂਰ ਹੋਣਾ ਪਿਆ ਸੀ ਪਰ ਇਸ ਦੇ ਬਾਵਜੂਦ ਉਸਦੇ ਅਸਤੀਫੇ ਦੀ ਮੰਗ ਜਾਰੀ ਹੈ। 
ਉਸ ਦੇ ਅਸਤੀਫੇ ਦੀ ਮੰਗ ਨਾਲ ਓਲੰਪਿਕ ਪ੍ਰਤੀ ਸਮਰਥਨ ਕਮਜ਼ੋਰ ਪਿਆ ਹੈ ਤੇ ਸਵਾਲ ਉੱਠਣ ਲੱਗੇ ਹਨ ਕਿ ਆਖਰੀ ਕਿਉਂ ਜਾਪਾਨ ਵਿਚ ਰਾਜਨੀਤਿਕ ਤੇ ਨਿਰਦੇਸ਼ਕ ਮੰਡਲ ਵਿਚ ਉਮਰਦਰਾਜ਼ ਪੁਰਸ਼ਾਂ ਦਾ ਦਬਦਬਾ ਹੈ। ਸਥਾਨਕ ਆਯੋਜਨ ਕਮੇਟੀ ਨੇ ਵੀ ਐਤਵਾਰ ਨੂੰ ਅਜੀਬ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਸੀ ਕਿ ਉਹ ਵਿਲੱਖਣਤਾਵਾਂ ਦਾ ਸਮਰਥਨ ਕਰਦਾ ਹੈ। ਇਸ ਕਮੇਟੀ ਵਿਚ ਵੀ ਪੁਰਸ਼ਾਂ ਦਾ ਦਬਦਬਾ ਹੈ ਤੇ ਅਗਵਾਈ ਭੂਮਿਕਾ ਵਿਚ ਕੁਝ ਹੀ ਮਹਿਲਾਵਾਂ ਹਨ।

ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।