ਕ੍ਰਿਕਟ ਦੇ ਮੈਦਾਨ 'ਚ ਗੂੰਜੀਆਂ ਕਿਲਕਾਰੀਆਂ, Live ਮੈਚ 'ਚ ਹਜ਼ਾਰਾਂ ਦਰਸ਼ਕਾਂ ਵਿਚਾਲੇ ਮਹਿਲਾ ਨੇ ਦਿੱਤਾ ਬੱਚੇ ਨੂੰ ਜਨਮ

ਸਪੋਰਟਸ ਡੈਸਕ- ਦੱਖਣੀ ਅਫਰੀਕਾ ਖਿਲਾਫ 3 ਮੈਚਾਂ ਦੀ ਦੁਵੱਲੀ ਵਨ ਡੇ ਸੀਰੀਜ਼ 3-0 ਨਾਲ ਜਿੱਤ ਕੇ ਪਾਕਿਸਤਾਨ ਨੇ ਉਸੇ ਦੇ ਘਰ 'ਤੇ ਕਲੀਨ ਸਵੀਪ ਕਰਕੇ ਇਤਿਹਾਸ ਰਚ ਦਿੱਤਾ ਹੈ। ਜੋਹਾਨਸਬਰਗ ਦੇ ਵਾਂਡਰਰਸ ਸਟੇਡੀਅਮ 'ਚ ਜਿੱਥੇ ਪਾਕਿਸਤਾਨ ਦਾ ਵਿਸ਼ਵ ਰਿਕਾਰਡ ਬਣਿਆ ਹੈ, ਉੱਥੇ ਹੀ ਇਸ ਮੈਚ ਦੌਰਾਨ ਇਕ ਬੱਚੇ ਨੇ ਵੀ ਜਨਮ ਲਿਆ ਹੈ। ਅੰਤਰਰਾਸ਼ਟਰੀ ਕ੍ਰਿਕਟ ਦੇ ਇਤਿਹਾਸ ਵਿੱਚ ਸ਼ਾਇਦ ਇਹ ਪਹਿਲਾ ਮੌਕਾ ਹੈ, ਜਦੋਂ ਕਿਸੇ ਮਹਿਲਾ ਨੇ ਮੈਚ ਦੌਰਾਨ ਸਟੇਡੀਅਮ ਵਿੱਚ ਬੱਚੇ ਨੂੰ ਜਨਮ ਦਿੱਤਾ ਹੈ। ਇੰਨਾ ਹੀ ਨਹੀਂ ਇਸ ਪਿੰਕ ਵਨਡੇ ਮੈਚ ਦੌਰਾਨ ਇਕ ਹੋਰ ਨਾ ਭੁੱਲਣ ਵਾਲੀ ਘਟਨਾ ਵਾਪਰੀ। ਜਦੋਂ ਹਜ਼ਾਰਾਂ ਦਰਸ਼ਕਾਂ ਦੇ ਸਾਹਮਣੇ ਪ੍ਰੇਮੀ ਜੋੜੇ ਦੀ ਮੰਗਣੀ ਹੋ ਗਈ। ਇੱਕੋ ਮੈਚ ਵਿੱਚ ਵਾਪਰੀਆਂ ਇਹ ਦੋ ਦਿਲ ਨੂੰ ਛੂਹ ਲੈਣ ਵਾਲੀਆਂ ਘਟਨਾਵਾਂ ਮੈਚ ਨਾਲੋਂ ਵੀ ਵੱਧ ਚਰਚਾ ਦਾ ਵਿਸ਼ਾ ਬਣੀਆਂ ਹੋਈਆਂ ਹਨ।

ਇਹ ਵੀ ਪੜ੍ਹੋ : IND vs AUS ਸੀਰੀਜ਼ ਛੱਡ ਕੇ ਭਾਰਤ ਪਰਤਿਆ ਇਹ ਕ੍ਰਿਕਟਰ, ਸਭ ਨੂੰ ਕੀਤਾ ਹੈਰਾਨ

ਵਾਂਡਰਰਜ਼ ਸਟੇਡੀਅਮ ਵਿੱਚ ਮੈਚ ਦੌਰਾਨ ਗੂੰਜੀਆਂ ਕਿਲਕਾਰੀਆਂ
ਜੋਹਾਨਸਬਰਗ ਦੇ ਵਾਂਡਰਰਜ਼ ਸਟੇਡੀਅਮ 'ਚ ਪਾਕਿਸਤਾਨ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਖੇਡਿਆ ਗਿਆ ਵਨਡੇ ਮੈਚ ਬੱਚੇ ਦੇ ਜਨਮ ਕਾਰਨ ਯਾਦਗਾਰ ਬਣ ਗਿਆ ਹੈ। ਹੋਇਆ ਇੰਝ ਕਿ ਇਕ ਗਰਭਵਤੀ ਔਰਤ ਆਪਣੇ ਪਤੀ ਨਾਲ ਮੈਚ ਦੇਖਣ ਲਈ ਵਾਂਡਰਰਸ ਪਹੁੰਚੀ। ਮੈਚ ਦੌਰਾਨ ਮਹਿਲਾ ਨੂੰ ਅਚਾਨਕ ਜਣੇਪੇ ਦਾ ਦਰਦ ਸ਼ੁਰੂ ਹੋ ਗਿਆ।
ਔਰਤ ਨੂੰ ਤੁਰੰਤ ਹਸਪਤਾਲ ਲਿਜਾਣਾ ਸੰਭਵ ਨਹੀਂ ਸੀ, ਇਸ ਲਈ ਉਸ ਨੇ ਸਟੇਡੀਅਮ ਦੀ ਮੈਡੀਕਲ ਸਹੂਲਤ ਵਿੱਚ ਹੀ ਬੱਚੇ ਨੂੰ ਜਨਮ ਦਿੱਤਾ। ਬੱਚੇ ਦੇ ਜਨਮ ਤੋਂ ਬਾਅਦ, ਸਕਰੀਨ 'ਤੇ ਇੱਕ ਭਾਵਨਾਤਮਕ ਸੰਦੇਸ਼ ਪੇਸ਼ ਕੀਤਾ ਗਿਆ ਸੀ... ਮਿਸਟਰ ਅਤੇ ਸ਼੍ਰੀਮਤੀ ਰਬੇਂਗ, ਬਲਰਿੰਗ ਵਿੱਚ ਤੁਹਾਡੇ ਸਿਹਤਮੰਦ ਪੁੱਤਰ ਦੇ ਜਨਮ 'ਤੇ ਵਧਾਈਆਂ। ਇਹ ਇੱਕ ਦੁਰਲੱਭ ਅਤੇ ਦਿਲ ਨੂੰ ਛੂਹਣ ਵਾਲਾ ਪਲ ਸੀ, ਜਿਸ ਨੇ ਸਟੇਡੀਅਮ ਵਿੱਚ ਮੌਜੂਦ ਹਰ ਦਰਸ਼ਕ ਨੂੰ ਜੋਸ਼ ਨਾਲ ਭਰ ਦਿੱਤਾ। ਇਹ ਉਹ ਚੀਜ਼ ਹੈ ਜੋ ਪਹਿਲਾਂ ਕਦੇ ਨਹੀਂ ਸੁਣੀ ਗਈ।

‼️History made as woman gives birth at Wanderers Cricket Stadium while another couple got engaged during the Pink Day ODI‼️👩🏽‍🍼💍

The Rabeng’s were assisted by the Medics and gave birth to a baby boy at 17:20 in JHB

The Proteas need 309 runs to win and avoid a series whitewash pic.twitter.com/VhAlVPhLtd

— Xoli Zondo (MBA) (@XoliswaZondo) December 22, 2024

ਗੋਡੇ 'ਤੇ ਬੈਠ ਕੇ ਪ੍ਰੇਮਿਕਾ ਨੂੰ ਕੀਤਾ ਪ੍ਰਪੋਜ਼ 
ਤੁਹਾਨੂੰ ਦੱਸ ਦੇਈਏ ਕਿ ਪਾਕਿਸਤਾਨ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਇਹ ਮੈਚ ਉਸ ਸਮੇਂ ਹੋਰ ਵੀ ਯਾਦਗਾਰ ਬਣ ਗਿਆ ਜਦੋਂ ਮੈਚ ਦੌਰਾਨ ਇਕ ਦਰਸ਼ਕ ਨੇ ਆਪਣੀ ਪ੍ਰੇਮਿਕਾ ਨੂੰ ਪ੍ਰਪੋਜ਼ ਕਰ ਦਿੱਤਾ। ਉਸਨੇ ਗੋਡੇ ਦੇ ਭਾਰ ਬੈਠ ਕੇ ਇੱਕ ਅੰਗੂਠੀ ਪੇਸ਼ ਕੀਤੀ ਅਤੇ ਪ੍ਰੇਮਿਕਾ ਨੇ ਖੁਸ਼ੀ ਨਾਲ ਸਵੀਕਾਰ ਕਰ ਲਿਆ। ਇਸ ਤੋਂ ਬਾਅਦ ਦਰਸ਼ਕਾਂ ਵਿਚ ਖੁਸ਼ੀ ਦੀ ਲਹਿਰ ਦੌੜ ਗਈ ਅਤੇ ਤਾੜੀਆਂ ਦੀ ਗੂੰਜ ਸ਼ੁਰੂ ਹੋ ਗਈ। ਇਸ ਰੋਮਾਂਟਿਕ ਸੀਨ ਨੂੰ ਦਰਸ਼ਕਾਂ ਨੇ ਆਪਣੇ ਫੋਨ 'ਤੇ ਰਿਕਾਰਡ ਵੀ ਕੀਤਾ।

ਇਹ ਵੀ ਪੜ੍ਹੋ : ਰੋਹਿਤ ਸ਼ਰਮਾ ਦੇ ਸਭ ਤੋਂ ਵੱਡੇ ਦੁਸ਼ਮਣ ਨੇ ਵੀ ਲੈ ਲਿਆ ਸੰਨਿਆਸ, ਸ਼ਾਨਦਾਰ ਕਰੀਅਰ ਨੂੰ ਲੱਗਿਆ ਵਿਰਾਮ

ਪਾਕਿਸਤਾਨ ਅਫਰੀਕਾ ਨੂੰ ਉਸੇ ਦੀ ਜ਼ਮੀਨ 'ਚ ਵਨਡੇ ਸੀਰੀਜ਼ 3-0 ਨਾਲ ਹਰਾਉਣ ਵਾਲੀ ਪਹਿਲੀ ਟੀਮ ਬਣ ਗਈ 
ਪਾਕਿਸਤਾਨ ਨੇ ਵਾਂਡਰਰਸ ਸਟੇਡੀਅਮ 'ਚ ਖੇਡੇ ਗਏ ਤੀਜੇ ਵਨਡੇ 'ਚ ਦੱਖਣੀ ਅਫਰੀਕਾ ਖਿਲਾਫ 36 ਦੌੜਾਂ ਨਾਲ ਇਤਿਹਾਸਕ ਜਿੱਤ ਦਰਜ ਕੀਤੀ ਹੈ। ਇਸ ਦੇ ਨਾਲ ਹੀ ਪਾਕਿਸਤਾਨ ਦੀ ਟੀਮ ਦੁਵੱਲੀ ਵਨਡੇ ਸੀਰੀਜ਼ 'ਚ ਦੱਖਣੀ ਅਫਰੀਕਾ ਨੂੰ ਉਸ ਦੀ ਧਰਤੀ 'ਤੇ 3-0 ਨਾਲ ਹਰਾਉਣ ਵਾਲੀ ਦੁਨੀਆ ਦੀ ਪਹਿਲੀ ਟੀਮ ਬਣ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8