ਮੈਦਾਨ ਵਿਚਾਲੇ CAPTAIN ਨਾਲ ਲੜ ਪਿਆ ਗੇਂਦਬਾਜ ਤੇ ਫਿਰ ਬੱਲੇਬਾਜ਼ ਦਾ ਕਰ 'ਤਾ ਕੰਮ ਤਮਾਮ

ਸਪੋਰਟਸ ਡੈਸਕ- ਵੈਸਟਇੰਡੀਜ਼ ਦੀ ਟੀਮ ਇੰਗਲੈਂਡ ਖਿਲਾਫ ਤੀਜਾ ਵਨਡੇ ਜਿੱਤਣ 'ਚ ਬੇਸ਼ੱਕ ਸਫਲ ਰਹੀ ਪਰ ਮੈਚ ਦੌਰਾਨ ਕੁਝ ਅਜਿਹਾ ਹੋਇਆ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਦਰਅਸਲ, ਇਹ ਘਟਨਾ ਇੰਗਲੈਂਡ ਦੀ ਬੱਲੇਬਾਜ਼ੀ ਦੌਰਾਨ ਚੌਥੇ ਓਵਰ ਵਿੱਚ ਦੇਖਣ ਨੂੰ ਮਿਲੀ। ਵਿਰੋਧੀ ਟੀਮ ਲਈ ਅਲਜ਼ਾਰੀ ਜੋਸੇਫ ਨੇ ਇਹ ਓਵਰ ਸੁੱਟਿਆ। ਇਸ ਤੋਂ ਪਹਿਲਾਂ ਅਲਜ਼ਾਰੀ ਨੂੰ ਕਪਤਾਨ ਸ਼ਾਈ ਹੋਪ ਨਾਲ ਮੈਦਾਨ 'ਤੇ ਲੰਬੀ ਚਰਚਾ ਕਰਦੇ ਦੇਖਿਆ ਗਿਆ। ਉਸ ਦੀਆਂ ਗੱਲਾਂ ਤੋਂ ਸਾਫ਼ ਸੀ ਕਿ ਉਹ ਫੀਲਡਿੰਗ ਦੀ ਚਰਚਾ ਕਰ ਰਹੇ ਸਨ। ਪਰ ਕਪਤਾਨ ਨੇ ਉਸ ਮੁਤਾਬਕ  ਮੁਤਾਬਕ ਫੀਲਡਿੰਗ ਦਾ ਪ੍ਰਬੰਧ ਨਹੀਂ ਕੀਤਾ। ਨਤੀਜਾ ਇਹ ਹੋਇਆ ਕਿ ਉਹ ਮੈਦਾਨ ਦੇ ਵਿਚਕਾਰ ਹੀ ਗੁੱਸੇ ਵਿਚ ਆ ਗਿਆ।

ਸਫ਼ਲਤਾ ਹਾਸਲ ਕਰਨ ਦੇ ਬਾਵਜੂਦ ਅਲਜ਼ਾਰੀ ਦਾ ਗੁੱਸਾ ਸ਼ਾਂਤ ਨਹੀਂ ਹੋਇਆ
ਅਲਜ਼ਾਰੀ ਜੋਸੇਫ ਨੇ ਆਪਣੇ ਓਵਰ ਦੀ ਚੌਥੀ ਗੇਂਦ 'ਤੇ ਜਾਰਡਨ ਕਾਕਸ ਦੇ ਰੂਪ 'ਚ ਸਫਲਤਾ ਹਾਸਿਲ ਕੀਤੀ ਪਰ ਇਸ ਦੇ ਬਾਵਜੂਦ ਉਨ੍ਹਾਂ ਦਾ ਗੁੱਸਾ ਸ਼ਾਂਤ ਨਹੀਂ ਹੋਇਆ। ਜਦੋਂ ਖਿਡਾਰੀ ਜਸ਼ਨ ਮਨਾਉਣ ਲਈ ਉਸ ਕੋਲ ਆਏ ਤਾਂ ਉਹ ਅਚਾਨਕ ਗੁੱਸੇ ਵਿਚ ਆ ਗਿਆ ਅਤੇ ਆਪਣੇ ਦੋਵੇਂ ਹੱਥ ਚੁੱਕ ਕੇ ਗੁੱਸਾ ਜ਼ਾਹਰ ਕੀਤਾ। ਹੱਦ ਹੋ ਗਈ ਜਦੋਂ ਉਹ ਓਵਰ ਖਤਮ ਹੁੰਦੇ ਹੀ ਮੈਦਾਨ ਛੱਡ ਕੇ ਚਲਾ ਗਿਆ। ਪਰ ਉਹ ਜ਼ਿਆਦਾ ਦੇਰ ਤੱਕ ਮੈਦਾਨ ਤੋਂ ਬਾਹਰ ਨਹੀਂ ਰਿਹਾ। ਕੋਚ ਡੈਰੇਨ ਸੈਮੀ ਦੇ ਮਨਾਉਣ ਤੋਂ ਬਾਅਦ, ਉਹ ਦੁਬਾਰਾ ਵਾਪਸ ਆਇਆ ਅਤੇ ਟੀਮ ਲਈ ਬਹੁਤ ਕਿਫਾਇਤੀ ਗੇਂਦਬਾਜ਼ੀ ਕੀਤੀ।

Gets angry! 😡
Bowls a wicket maiden 👊
Leaves 🤯

An eventful start to the game for Alzarri Joseph! 😬#WIvENGonFanCode pic.twitter.com/2OXbk0VxWt

— FanCode (@FanCode) November 6, 2024

ਅਲਜ਼ਾਰੀ ਨੇ ਗੁੱਸੇ 'ਚ 148 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਗੇਂਦ ਸੁੱਟੀ
ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਜਿਸ ਗੇਂਦ 'ਤੇ ਅਲਜ਼ਾਰੀ ਨੇ ਜਾਰਡਨ ਨੂੰ ਸਫਲਤਾ ਹਾਸਲ ਕੀਤੀ। ਇਹ 148 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਸੀ। ਇਕ ਤਰ੍ਹਾਂ ਨਾਲ ਅਲਜ਼ਾਰੀ ਦਾ ਗੁੱਸਾ ਕੈਰੇਬੀਆਈ ਟੀਮ ਲਈ ਫਾਇਦੇਮੰਦ ਰਿਹਾ। ਉਸ ਨੇ ਪਿਛਲੇ ਮੈਚ ਵਿੱਚ ਆਪਣੀ ਟੀਮ ਲਈ ਕੁੱਲ 10 ਓਵਰ ਸੁੱਟੇ ਸਨ। ਇਸ ਦੌਰਾਨ ਉਸ ਨੇ ਇੱਕ ਮੇਡਨ ਓਵਰ ਗੇਂਦਬਾਜ਼ੀ ਕਰਦੇ ਹੋਏ 45 ਦੌੜਾਂ ਦਿੱਤੀਆਂ ਅਤੇ 2 ਵਿਕਟਾਂ ਲਈਆਂ।