ਤਸਨੀਮ ਕੁਆਰਟਰ ਫਾਈਨਲ ''ਚ, ਵਰੁਣ ਹੋਇਆ ਬਾਹਰ

12/14/2019 11:40:36 AM

ਸੁਰਾਬਾਇਆ— ਭਾਰਤ ਦੀ ਤਸਨੀਮ ਮੀਰ ਨੇ ਏਸ਼ੀਆਈ ਬੈਡਮਿੰਟਨ ਜੂਨੀਅਰ ਚੈਂਪੀਅਨਸ਼ਿਪ 'ਚ ਸ਼ੁੱਕਰਵਾਰ ਨੂੰ ਇੱਥੇ ਲੜਕੀਆਂ ਦੇ ਅੰਡਰ-15 ਵਰਗ ਦੇ ਕੁਆਰਟਰ ਫਾਈਨਲ 'ਚ ਪ੍ਰਵੇਸ਼ ਕੀਤਾ ਪਰ ਵਰੁਣ ਕਪੂਰ ਲੜਕਿਆਂ ਦੇ ਅੰਡਰ-17 ਵਰਗ ਤੋਂ ਬਾਹਰ ਹੋ ਗਏ ਹਨ। ਗੁਜਰਾਤ ਦੀ ਤਸਨੀਮ ਨੇ ਮਲੇਸ਼ੀਆ ਦੀ ਬੇਨ ਸੀ ਚਾਨ ਨੂੰ ਸਿਰਫ 20 ਮਿੰਟਾਂ 'ਚ 21-6, 21-16 ਨਾਲ ਹਰਾਇਆ। ਉਨ੍ਹਾਂ ਦਾ ਅਗਲਾ ਮੁਕਾਬਲਾ ਜਾਪਾਨ ਦੀ ਮਾਇਆ ਤਾਗੁਚੀ ਨਾਲ ਹੋਵੇਗਾ।
PunjabKesari
ਲੜਕਿਆਂ ਦੇ ਅੰਡਰ-17 ਸਿੰਗਲ 'ਚ ਮਹਾਰਾਸ਼ਟਰ ਦੇ ਵਰੂਣ ਕਪੂਰ ਨੂੰ ਇੰਡੋਨੇਸ਼ੀਆ ਦੇ ਰਾਇਨਾਲਡੀ ਓਕਟਾਵਿਨੋਰ ਰਿਜ਼ਕੀ ਖਿਲਾਫ 19-21, 21-23 ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਅਸਮ ਦੇ ਤਨਮਯ ਵਿਕਾਸ ਬਰੂਆ ਨੇ ਹਾਲਾਂਕਿ ਅੰਡਰ-15 'ਚ ਡੈਨਮਾਰਕ ਦੇ ਫਾਰੇਲ ਸਤਾਰੀਆ ਨੂੰ 24-22, 21-15 ਨਾਲ ਹਰਾਇਆ। ਬਰੂਆ ਨੇ ਲਕਸ਼ ਸ਼ਰਮਾ ਦੇ ਨਾਲ ਅੰਡਰ-15 ਡਬਲਜ਼ 'ਚ ਥਾਈਲੈਂਡ ਦੇ ਤਨਾਕੋਰਨ ਮੀਚਾ ਅਤੇ ਟਾਈਨਕੁਨ ਤਿਆਨਚਾਨ ਨੂੰ 21-18, 21-17 ਨਾਲ ਹਰਾ ਕੁਆਰਟਰ ਫਾਈਨਲ 'ਚ ਜਗ੍ਹਾ ਬਣਾਈ। ਲੋਕੇਸ਼ ਰੈੱਡੀ ਅਤੇ ਅੰਕਿਤ ਮੰਡਲ ਦੀ ਜੋੜੀ ਵੀ ਅੰਤਿਮ ਅੱਠ 'ਚ ਪਹੁੰਚ ਗਈ ਹੈ।


Tarsem Singh

Content Editor

Related News