IND vs AUS: ਰਹਾਨੇ ਦਾ ਇਹ ਸੈਂਕੜਾ ਇਤਿਹਾਸ ਦੇ ਸਭ ਤੋਂ ਮਹੱਤਵਪੂਰਨ ਸੈਂਕੜਿਆਂ ’ਚੋਂ ਇਕ : ਗਾਵਸਕਰ
12/28/2020 6:24:50 PM
ਸਪੋਰਟਸ ਡੈਸਕ— ਆਸਟਰੇਲੀਆ ਖ਼ਿਲਾਫ਼ ਦੂਜੇ ਟੈਸਟ ਮੈਚ ’ਚ ਭਾਰਤੀ ਟੀਮ ਦੀ ਅਗਵਾਈ ਕਰ ਰਹੇ ਕਾਰਜਵਾਹਕ ਕਪਤਾਨ ਅਜਿੰਕਯ ਰਹਾਨੇ ਦੀ ਕਾਫ਼ੀ ਸ਼ਲਾਘਾ ਹੋ ਰਹੀ ਹੈ। ਸਾਬਕਾ ਭਾਰਤੀ ਕਪਤਾਨ ਸੁਨੀਲ ਗਾਵਸਕਰ ਨੇ ਵੀ ਹਾਲ ਹੀ ’ਚ ਰਹਾਨੇ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਉਹ ਸ਼ਾਂਤ ਤੇ ਠੰਢੇ ਹਨ ਪਰ ਉਹ ਆਪਣੀ ਰਣਨੀਤੀ ਦੇ ਨਾਲ ਹਮਲਾਵਰ ਹਨ।
ਇਹ ਵੀ ਪੜ੍ਹੋ : Cricket Quiz : ਸਚਿਨ ਤੇਂਦੁਲਕਰ ਬਾਰੇ ਕਿੰਨਾ ਜਾਣਦੇ ਹੋ ਤੁਸੀਂ, ਪਰਖੋ ਆਪਣਾ ਕ੍ਰਿਕਟ ਗਿਆਨ
ਗਾਵਸਕਰ ਨੇ ਰਹਾਨੇ ਦੀ ਸੈਂਕੜੇ ਵਾਲੀ ਪਾਰੀ ਦੇ ਬਾਰੇ ’ਚ ਗੱਲ ਕਰਦੇ ਹੋਏ ਕਿਹਾ ਕਿ ਬਾਕਸਿੰਗ ਡੇ ਟੈਸਟ ’ਚ ਅਜਿੰਕਯ ਰਹਾਨੇ ਦਾ ਸੈਂਕੜਾ ਭਾਰਤੀ ਕ੍ਰਿਕਟ ਦੇ ਇਤਿਹਾਸ ’ਚ ਸਭ ਤੋਂ ਮਹੱਤਵਪੂਰਨ ਸੈਂਕੜਿਆਂ ’ਚੋਂ ਇਕ ਬਣਨ ਵਾਲਾ ਹੈ। ਰਹਾਨੇ ਨੇੇ ਦੂਜੇ ਟੈਸਟ ਦੇ ਦੂਜੇ ਦਿਨ ਸੈਂਕੜੇ ਵਾਲੀ ਪਾਰੀ ਖੇਡੀ ਤੇ ਟਿਕੇ ਰਹੇ ਹਾਲਾਂਕਿ ਤੀਜੇ ਦਿਨ ਉਨ੍ਹਾਂ ਨੂੰ ਰਨ ਆਊਟ ਹੋ ਕੇ ਆਪਣਾ ਵਿਕਟ ਗੁਆਉਣਾ ਪਿਆ।
ਇਹ ਵੀ ਪੜ੍ਹੋ : DRS ਨਿਯਮ ਦੀ ਇਸ ਵਿਵਸਥਾ ’ਤੇ ਸਚਿਨ ਨੇ ਚੁੱਕੇ ਸਵਾਲ, ਤੀਜੇ ਦਿਨ AUS ਨੂੰ ਦੋ ਵਾਰ ਮਿਲਿਆ ਇਸ ਦਾ ਫ਼ਾਇਦਾ
ਉਨ੍ਹਾਂ ਨੇ ਟੈਸਟ ਕ੍ਰਿਕਟ ’ਚ 12ਵਾਂ ਸੈਂਕੜਾ ਲਾਉਂਦੇ ਹੋਏ ਪਹਿਲੀ ਇਨਿੰਗ ’ਚ 112 ਦੌੜਾਂ ਬਣਾਈਆਂ। ਗਾਵਸਕਰ ਨੇ ਕਿਹਾ ਕਿ ਰਹਾਨੇ ਦੀ ਸ਼ਾਨਦਾਰ ਪਾਰੀ ਨੇ ਆਸਟਰੇਲੀਆਈ ਖ਼ੇਮੇ ਨੂੰ ਸੰਦੇਸ਼ ਦਿੱਤਾ ਕਿ ਵਿਜ਼ਿਟਰਸ ਸਿਰਫ਼ ਡਿੱਗਣਗੇ ਨਹੀਂ ਸਗੋਂ ਫਿਰ ਤੋਂ ਵਾਪਸੀ ਕਰਨਗੇ। ਗਾਵਸਕਰ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਇਹ ਸੈਂਕੜਾ ਭਾਰਤੀ ਕ੍ਰਿਕਟ ਦੇ ਇਤਿਹਾਸ ’ਚ ਸਭ ਤੋਂ ਮਹੱਤਵਪੂਰਨ ਸੈਂਕੜਿਆਂ ’ਚੋਂ ਇਕ ਹੋਣ ਵਾਲਾ ਹੈ। ਉਨ੍ਹਾਂ ਕਿਹਾ ਕਿ ਮਹੱਤਵਪੂਰਨ ਹੈ ਕਿਉਂਕਿ ਉਹ ਆਪਣਾ ਚਰਿੱਤਰ ਦਿਖਾ ਰਹੇ ਹਨ।
ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੇ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
