ਸ਼ੰਘਾਈ ਮਾਸਟਰਜ਼: ਸਟੇਫਾਨੋਸ ਸਿਤਸਿਪਾਸ ਨੇ ਦਰਜ ਕੀਤੀ 400ਵੀਂ ਟੂਰ-ਲੈਵਲ ਜਿੱਤ

ਸ਼ੰਘਾਈ : ਗ੍ਰੀਸ ਦੇ ਸਟਾਰ ਟੈਨਿਸ ਖਿਡਾਰੀ ਸਟੇਫਾਨੋਸ ਸਿਤਸਿਪਾਸ ਨੇ ਰੋਲੇਕਸ ਸ਼ੰਘਾਈ ਮਾਸਟਰਜ਼ ਵਿੱਚ ਆਪਣੀ 400ਵੀਂ ਟੂਰ-ਲੈਵਲ ਜਿੱਤ ਦਰਜ ਕਰ ਲਈ ਹੈ। ਉਨ੍ਹਾਂ ਨੇ ਹਾਰਡ-ਕੋਰਟ ਈਵੈਂਟ ਦੇ ਦੂਜੇ ਦੌਰ 'ਚ 18ਵੀਂ ਸੀਡ ਪ੍ਰਾਪਤ ਲੂਸੀਆਨੋ ਡਾਰਡੇਰੀ ਨੂੰ 6-3, 6-4 ਨਾਲ ਹਰਾ ਕੇ ਤੀਜੇ ਦੌਰ ਵਿੱਚ ਆਪਣੀ ਜਗ੍ਹਾ ਪੱਕੀ ਕੀਤੀ। 28 ਸਾਲਾ ਸਿਤਸਿਪਾਸ 400 ਜਿੱਤਾਂ ਦਰਜ ਕਰਨ ਵਾਲੇ 9ਵੇਂ ਸਰਗਰਮ ਪੁਰਸ਼ ਖਿਡਾਰੀ ਅਤੇ 1990 ਤੋਂ ਬਾਅਦ ਜਨਮੇ 5ਵੇਂ ਖਿਡਾਰੀ ਬਣ ਗਏ ਹਨ।

ਜ਼ਿਕਰਯੋਗ ਹੈ ਕਿ ਸਿਤਸਿਪਾਸ ਨੇ 2017 ਵਿੱਚ ਸ਼ੰਘਾਈ ਵਿੱਚ ਹੀ ਕਰੇਨ ਖਾਚਾਨੋਵ ਨੂੰ ਹਰਾ ਕੇ ਆਪਣੀ ਪਹਿਲੀ ਟੂਰ-ਲੈਵਲ ਜਿੱਤ ਹਾਸਲ ਕੀਤੀ ਸੀ। ਆਪਣੇ ਕਰੀਅਰ ਵਿੱਚ 13 ਖਿਤਾਬ ਜਿੱਤਣ ਵਾਲੇ ਸਿਤਸਿਪਾਸ ਦਾ ਅਗਲਾ ਮੁਕਾਬਲਾ ਅਮਰੀਕਾ ਦੇ 11ਵੀਂ ਸੀਡ ਟੇਲਰ ਫ੍ਰਿਟਜ਼ ਨਾਲ ਹੋਵੇਗਾ।