IPL ਦੇ ''ਇਮਪੈਕਟ ਪਲੇਅਰ'' ਨਿਯਮ ''ਤੇ ਸ਼ੁਭਮਨ ਗਿੱਲ ਨੇ ਜਤਾਈ ਚਿੰਤਾ, ਕਿਹਾ- ਇਹ ਖੇਡ ਦੇ ਹੁਨਰ ਨੂੰ ਕਰ ਰਿਹਾ ਹੈ ਘੱਟ

ਸਪੋਰਟਸ ਡੈਸਕ: ਗੁਜਰਾਤ ਟਾਈਟਨਸ ਦੇ ਕਪਤਾਨ ਸ਼ੁਭਮਨ ਗਿੱਲ ਨੇ ਆਈ.ਪੀ.ਐੱਲ. ਵਿੱਚ ਲਾਗੂ 'ਇਮਪੈਕਟ ਪਲੇਅਰ' ਨਿਯਮ 'ਤੇ ਆਪਣੀ ਚਿੰਤਾ ਜ਼ਾਹਰ ਕਰਦਿਆਂ ਕਿਹਾ ਹੈ ਕਿ ਇਹ ਨਿਯਮ ਖੇਡ ਵਿੱਚੋਂ ਹੁਨਰ ਅਤੇ ਚੁਣੌਤੀ ਦੀ ਅਹਿਮੀਅਤ ਨੂੰ ਘਟਾ ਰਿਹਾ ਹੈ। ਮੁੰਬਈ ਵਿੱਚ ਹੋਈ ਆਈ.ਪੀ.ਐੱਲ. ਕਪਤਾਨਾਂ ਦੀ ਮੀਟਿੰਗ ਦੌਰਾਨ ਗਿੱਲ ਸਮੇਤ ਕਈ ਕਪਤਾਨਾਂ ਨੇ ਬੀ.ਸੀ.ਸੀ.ਆਈ. (BCCI) ਨੂੰ ਇਸ ਨਿਯਮ ਦੀ ਸਮੀਖਿਆ ਕਰਨ ਦੀ ਮੰਗ ਕੀਤੀ ਹੈ।
ਗਿੱਲ ਨੇ ਕਿਹਾ ਕਿ ਕ੍ਰਿਕਟ ਅਸਲ ਵਿੱਚ 11 ਖਿਡਾਰੀਆਂ ਦੀ ਖੇਡ ਹੈ ਅਤੇ ਇੱਕ ਵਾਧੂ ਬੱਲੇਬਾਜ਼ ਜਾਂ ਗੇਂਦਬਾਜ਼ ਜੋੜਨ ਨਾਲ ਖਿਡਾਰੀ ਦੇ ਅਸਲ ਕੌਸ਼ਲ (ਸਕਿੱਲ) ਦਾ ਮਹੱਤਵ ਘੱਟ ਜਾਂਦਾ ਹੈ। ਉਨ੍ਹਾਂ ਅਨੁਸਾਰ, ਜੇਕਰ ਮੁੱਖ ਬੱਲੇਬਾਜ਼ ਜਲਦੀ ਆਊਟ ਹੋ ਜਾਣ ਤਾਂ ਟੀਮ ਨੂੰ ਚੰਗੇ ਸਕੋਰ ਤੱਕ ਪਹੁੰਚਾਉਣ ਲਈ ਰਣਨੀਤੀ ਅਤੇ ਹੁਨਰ ਦੀ ਲੋੜ ਹੁੰਦੀ ਹੈ, ਪਰ ਇਸ ਵਾਧੂ ਖਿਡਾਰੀ ਕਾਰਨ ਖੇਡ ਦਾ ਝੁਕਾਅ ਇੱਕਪਾਸੜ ਹੋ ਗਿਆ ਹੈ। ਗਿੱਲ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਲਈ ਇੱਕ ਸਪਾਟ ਪਿੱਚ 'ਤੇ 220 ਦੌੜਾਂ ਦਾ ਪਿੱਛਾ ਕਰਨ ਨਾਲੋਂ ਇੱਕ ਚੁਣੌਤੀਪੂਰਨ ਪਿੱਚ 'ਤੇ 160 ਜਾਂ 180 ਦੌੜਾਂ ਦਾ ਪਿੱਛਾ ਕਰਨਾ ਜ਼ਿਆਦਾ ਰੋਮਾਂਚਕ ਹੈ।
ਜ਼ਿਕਰਯੋਗ ਹੈ ਕਿ ਇਸ ਨਿਯਮ 'ਤੇ ਪਹਿਲਾਂ ਵੀ ਰੋਹਿਤ ਸ਼ਰਮਾ, ਹਾਰਦਿਕ ਪੰਡਯਾ ਅਤੇ ਅਕਸ਼ਰ ਪਟੇਲ ਵਰਗੇ ਭਾਰਤੀ ਖਿਡਾਰੀ ਇਤਰਾਜ਼ ਜਤਾ ਚੁੱਕੇ ਹਨ। ਇਹ ਨਿਯਮ 2023 ਵਿੱਚ ਲਾਗੂ ਕੀਤਾ ਗਿਆ ਸੀ ਅਤੇ ਇਸ ਨੂੰ 2027 ਤੱਕ ਵਧਾਇਆ ਗਿਆ ਹੈ। ਬੀ.ਸੀ.ਸੀ.ਆਈ. ਇਸ 'ਤੇ ਅੰਤਿਮ ਫੈਸਲਾ 2027 ਤੋਂ ਬਾਅਦ ਹੀ ਲੈ ਸਕੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e