ਹੁੱਕਾ ਬਾਰ 'ਚ ਮਜ਼ੇ ਕਰਦੀ ਹੋਈ ਨਜ਼ਰ ਆਈ ਸ਼ਮੀ ਦੀ ਪਤਨੀ ਹਸੀਨ ਜਹਾਂ, Video ਹੋਈ ਵਾਇਰਲ
Monday, Jun 08, 2020 - 01:43 PM (IST)
ਸਪੋਰਟਸ ਡੈਸਕ : ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਦੀ ਪਤਨੀ ਹਸੀਨ ਜਹਾਂ ਦੇ ਨਾਲ ਉਸ ਦਾ ਵਿਵਾਦ ਕਾਫੀ ਸਮੇਂ ਤੋਂ ਚੱਲ ਰਿਹਾ ਹੈ। ਇਸ ਵਿਵਾਦ ਦੇ ਬਾਅਦ ਤੋਂ ਹਸੀਨ ਜਹਾਂ ਅਕਸਰ ਸੋਸ਼ਲ ਮੀਡੀਆ 'ਤੇ ਸ਼ਮੀ ਨੂੰ ਨਿਸ਼ਾਨੇ 'ਤੇ ਲੈਂਦੀ ਰਹਿੰਦੀ ਹੈ। ਪਿਛਲੇ ਕੁਝ ਸਮੇਂ ਤੋਂ ਹਸੀਨ ਜਹਾਂ ਆਪਣੇ ਇੰਸਟਾਗ੍ਰਾਮ ਤੋਂ ਕਾਫੀ ਵੀਡੀਓ ਅਪਲੋਡ ਕਰਦੀ ਰਹਿੰਦੀ ਹੈ। ਹਾਲਾਂਕਿ ਇਨ੍ਹਾਂ ਵੀਡੀਓ ਤੇ ਤਸਵੀਰਾਂ ਕਾਰਨ ਉਸ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਟ੍ਰੋਲ ਹੋਣਾ ਪੈਂਦਾ ਹੈ।
2 ਦਿਨ ਪਹਿਲਾਂ ਹਸੀਨ ਜਹਾਂ ਨੇ ਇਕ ਪੁਰਾਣੀ ਨਿਊਡ ਤਸਵੀਰ ਸ਼ੇਅਰ ਕੀਤੀ ਸੀ, ਜਿਸ ਵਿਚ ਉਸ ਦੇ ਨਾਲ ਸ਼ਮੀ ਵੀ ਹਨ। ਉਸ ਨੇ ਕੈਪਸ਼ਨ ਦੇ ਜ਼ਰੀਏ ਇਕ ਵਾਰ ਫਿਰ ਆਪਣੇ ਪਤੀ ਮੁਹੰਮਦ ਸ਼ਮੀ 'ਤੇ ਗੰਭੀਰ ਦੋਸ਼ ਲਗਾਏ। ਜਿਸ ਦਾ ਜਵਾਬ ਦਿੰਦਿਆਂ ਸ਼ਮੀ ਨੇ ਕਿਹਾ ਕਿ ਉਹ ਪਹਿਲਾਂ ਦੋਸ਼ ਸਾਬਤ ਕਰ ਕੇ ਵਿਖਾਏ।
ਹੁਣ ਇਸੇ ਕੜੀ ਵਿਚ ਹਸੀਨ ਜਹਾਂ ਨੇ ਇਕ ਹੋਰ ਵੀਡੀਓ ਅਪਲੋਡ ਕਰ ਰਹੀ ਹੈ। ਇਸ ਵੀਡੀਓ ਵਿਚ ਉਹ ਆਪਣੀਆਂ ਸਹੇਲੀਆਂ ਨਾਲ ਰੱਜ ਕੇ ਮਸਤੀ ਕਰਦੀ ਦਿਸ ਰਹੀ ਹੈ।ਇਸ ਵੀਡੀਓ ਵਿਚ ਉਸ ਦੀ ਸਹੇਲੀ ਹੁੱਕਾ ਪੀਂਦੇ ਦਿਸ ਰਹੀ ਹੈ ਅਤੇ ਹਸੀਨ ਜਹਾਂ ਗਾਣੇ ਧੁੰਨ 'ਤੇ ਡਾਂਸ ਕਰ ਰਹੀ ਹੈ। ਇਸ ਵੀਡੀਓ ਦੀ ਕੈਪਸ਼ਨ ਵਿਚ ਹਸੀਨ ਜਹਾਂ ਨੇ ਲਿਖਿਆ ਕਿ ਤੁਸੀਂ ਉਸ ਸਮੇਂ ਮੁਸਕਰਾ ਸਕਦੇ ਹੋ ਜਦੋਂ ਤੁਸੀਂ ਪੁਰੀ ਤਰ੍ਹਾਂ ਨਾਲ ਟੁੱਟ ਚੁੱਕੇ ਹੋਵੋ ਤਾਂ ਯਕੀਨ ਜਾਣੋ ਦੁਨੀਆ ਵਿਚ ਤੁਹਾਨੂੰ ਕੋਈ ਕਦੇ ਨਹੀਂ ਤੋੜ ਸਕਦਾ। ਕੁਦਰਤ ਦਾ ਕਾਨੂੰਨ ਹੈ, ਜਿਸ ਪੇੜ ਦਾ ਫਲ਼ ਮਿੱਠਾ ਹੋਵੇ, ਲੋਕ ਪੱਥਰ ਵੀ ਉਸ ਨੂੰ ਹੀ ਮਾਰਦੇ ਹਨ।
ਦੱਸ ਦਈਏ ਕਿ ਮੁਹੰਮਦ ਸ਼ਮੀ ਤੇ ਹਸੀਨ ਜਹਾਂ ਵਿਚਾਲੇ ਵਿਵਾਦ ਦੀ ਸ਼ੁਰੂਆਤ 2 ਸਾਲ ਪਹਿਲਾਂ ਹੋਈ ਸੀ। ਹਸੀਨ ਜਹਾਂ ਨੇ ਸ਼ਮੀ ਖਿਲਾਫ ਘਰੇਲੂ ਹਿੰਸਾ ਦੇ ਦੋਸ਼ ਲਾਏ ਸੀ। ਉਸ ਨੇ ਇੱਥੇ ਤਕ ਕਿਹਾ ਸੀ ਕਿ ਸ਼ਮੀ ਦਾ ਪਰਿਵਾਰ ਉਸ ਨੂੰ ਜਾਨੋਂ ਮਾਰਨਾ ਚਾਹੁੰਦਾ ਹੈ। ਉਸ ਨੇ ਸ਼ਮੀ 'ਤੇ ਦੂਜੀਆਂ ਮਹਿਲਾਵਾਂ ਨਾਲ ਅਫੇਅਰ ਦੇ ਦੋਸ਼ ਵੀ ਲਾਏ ਸੀ ਅਤੇ ਕੁਝ ਚੈਟ ਦੇ ਸਕ੍ਰੀਨ ਸ਼ਾਟ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕੀਤੇ ਸੀ।
