ਸ਼ਾਈ ਹੋਪ ਨੇ ਪੂਰੀ ਲੜੀ ''ਚ ਬਹੁਤ ਆਸਾਨੀ ਨਾਲ ਬਣਾਈਆਂ ਦੌੜਾਂ : ਸ਼੍ਰੇਅਸ ਅਈਅਰ

ਬੈਂਗਲੁਰੂ : ਭਾਰਤੀ ਟੀ-20 ਕਪਤਾਨ ਸ਼੍ਰੇਅਸ ਅਈਅਰ ਨੇ ਮੰਨਿਆ ਕਿ ਵੈਸਟਇੰਡੀਜ਼ ਖਿਲਾਫ਼ 2-2 ਨਾਲ ਬਰਾਬਰ ਰਹੀ ਟੀ-20 ਲੜੀ ਵਿੱਚ ਵੈਸਟਇੰਡੀਜ਼ ਦੇ ਕਪਤਾਨ ਸ਼ਾਈ ਹੋਪ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਬਹੁਤ ਆਸਾਨੀ ਨਾਲ ਦੌੜਾਂ ਬਣਾਈਆਂ। ਅਈਅਰ ਨੇ ਕਿਹਾ ਕਿ ਦੂਜੇ ਅਤੇ ਚੌਥੇ ਮੈਚ ਵਿੱਚ ਖਰਾਬ ਗੇਂਦਬਾਜ਼ੀ ਕਾਰਨ ਭਾਰਤ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਦਕਿ ਪੂਰੀ ਲੜੀ ਦੌਰਾਨ ਟੀਮ ਦੀ ਬੱਲੇਬਾਜ਼ੀ ਸ਼ਾਨਦਾਰ ਰਹੀ।

ਲੜੀ ਦੇ 'ਪਲੇਅਰ ਆਫ਼ ਦ ਸੀਰੀਜ਼' ਚੁਣੇ ਗਏ ਸ਼ਾਈ ਹੋਪ ਨੇ 4 ਟੀ-20 ਪਾਰੀਆਂ ਵਿੱਚ 261 ਦੌੜਾਂ ਬਣਾਈਆਂ, ਜਿਨ੍ਹਾਂ ਵਿੱਚੋਂ 204 ਦੌੜਾਂ ਦੋ ਮੈਚਾਂ ਵਿੱਚ ਮਹਿਜ਼ 95 ਗੇਂਦਾਂ 'ਤੇ ਬਣਾਈਆਂ ਸਨ। ਇਸ ਤੋਂ ਪਹਿਲਾਂ ਵਨਡੇ ਲੜੀ ਵਿੱਚ ਵੀ ਹੋਪ ਨੇ 3 ਪਾਰੀਆਂ 'ਚ 278 ਦੌੜਾਂ ਬਣਾਈਆਂ ਸਨ। ਹੋਪ ਨੇ ਆਪਣੀ ਸਫਲਤਾ ਦਾ ਸਿਹਰਾ ਆਪਣੀ ਤਿਆਰੀ ਅਤੇ ਖੁਦ 'ਤੇ ਭਰੋਸੇ ਨੂੰ ਦਿੱਤਾ। ਇਸ ਤੋਂ ਇਲਾਵਾ ਸ਼ਰਫੇਨ ਰਦਰਫੋਰਡ, ਸ਼ਮਾਰ ਜੋਸਫ ਅਤੇ ਰੋਸਟਨ ਚੇਜ਼ ਨੇ ਵੀ ਵੈਸਟਇੰਡੀਜ਼ ਦੀ ਵਾਪਸੀ ਵਿੱਚ ਅਹਿਮ ਭੂਮਿਕਾ ਨਿਭਾਈ।