ਲਾਕਡਾਊਨ ਵਿਚ ਸਹਿਵਾਗ ਬਣੇ ਸੰਨੀ ਦਿਓਲ, ਕਿਹਾ- ਇਨ੍ਹਾਂ ਹੱਥਾਂ ਨੇ ਹੱਥਿਆਰ ਛੱਡੇ... (Video)
04/07/2020 2:16:40 PM
ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਦੇ ਧਾਕੜ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਕੋਰੋਨਾ ਵਾਇਰਸ ਕਾਰਨ ਆਪਣੇ ਘਰ ਵਿਚ ਕੁਆਰੰਟਾਈਨ ਸਮਾਂ ਗੁਜ਼ਾਰ ਰਹੇ ਹਨ। ਵੀਰੂ ਲਾਕਡਾਊਨ ਵਿਚ ਜ਼ਰਾ ਵੀ ਬੋਰ ਨਹੀਂ ਹੁੰਦੇ, ਨਾ ਹੀ ਆਪਣੇ ਪ੍ਰਸ਼ੰਸਕਾਂ ਨੂੰ ਹੋਣ ਦਿੰਦੇ ਹਨ। ਇਨ੍ਹੀਂ ਦਿਨੀਂ ਉਹ ਪਰਿਵਾਰ ਦੇ ਨਾਲ ਪੂਰੀ ਮਸਤੀ ਦੇ ਨਾਲ ਸਮਾਂ ਬਿਤਾ ਰਹੇ ਹਨ। ਅਜਿਹੇ ’ਚ ਅਸੀਂ ਨਹੀਂ ਸਗੋਂ, ਖੁਦ ਵੀਰੂ ਦਾ ਸੋਸ਼ਲ ਅਕਾਊਂਟ ਗਵਾਹੀ ਦਿੰਦਾ ਹੈ। ਸਹਿਵਾਗ ਅਕਸਰ ਆਪਣੇ ਸੋਸ਼ਲ ਅਕਾਊਂਟ ’ਤੇ ਕੁਝ ਨਾ ਕੁਝ ਮਸਤੀ ਕਰਨ ਵਾਲੇ ਟਵੀਟ ਕਰਦੇ ਰਹਿੰਦੇ ਹਨ। ਇੰਸਟਾਗ੍ਰਾਮ ’ਤੇ ਉਸ ਨੇ ਇਕ ਨਵੀਂ ਪੋਸਟ ਪਾਈ ਹੈ। ਇਸ ਵਿਚ ਉਹ ਕ੍ਰਿਕਟਰ ਦੇ ਰੁਪ ’ਚ ਬਾਲੀਵੁੱਡ ਅਦਾਕਾਰ ਸਨੀ ਦਿਓਲ ਦੀ ਐਕਟਿੰਗ ਕਰਦੇ ਦਿਸ ਰਹੇ ਹਨ। ਸਹਿਵਾਗ ਸਿਰ ’ਤੇ ਕੈਪ ਅਤੇ ਹੱਥ ਵਿਚ ਬੱਲਾ ਫੜੇ ਦਿਸ ਰਹੇ ਹਨ।
In haathon ne sirf hathyaar chhode hain, Chalana nahi bhoole #goodtimeswillcome #stayhome
A post shared by Virender Sehwag (@virendersehwag) on Apr 6, 2020 at 10:02pm PDT
ਬੈਕਗ੍ਰਾਊਂਡ ਵਿਚ ਸਨੀ ਦਿਓਲ ਦਾ ਡਾਇਲਾਗ ਚਲ ਰਿਹਾ ਹੈ, ਜਿਸ ਦੀ ਲਿਪਸਿੰਗ ਵੀਰੂ ਕਰ ਰਹੇ ਹਨ। ਬੱਲਾ ਚਲਾਉਂਦੇ ਹੋਏ ਵੀਰੂ ਸਨੀ ਪਾਜੀ ਦੀ ਲਿਪਸਿੰਗ ਕਰਦੇ ਕਹਿ ਰਹੇ ਹਨ, ‘ਇਨ੍ਹਾਂ ਹੱਥਾ ਨੇ ਸਿਰਫ ਹੱਥਿਆਰ ਛੱਡੇ ਹਨ ਪਰ ਚਲਾਉਣਾ ਨਹੀਂ ਭੁੱਲੇ’। ਇਹ ਡਾਇਲਾਗ ਸਨੀ ਦਿਓਲ ਦੀ ਫਿਲਮ ਜੀਤ ਦਾ ਹੈ। ਦੱਸ ਦੱਸਈਏ ਕਿ ਵੀਰੂ ਦਾ ਇਹ ਪੰਸਦੀਦਾ ਡਾਇਲਾਗ ਹੈ, ਜਿਸ ਨੂੰ ਉਹ ਅਕਸਰ ਆਪਣੇ ਸੋਸ਼ਲ ਅਕਾਊਂਟ ’ਤੇ ਪਹਿਲਾਂ ਵੀ ਕਈ ਵਾਰ ਦਸ ਚੁੱਕੇ ਹਨ।
ਇਸ ਤੋਂ ਪਹਿਲਾਂ ਸਾਲ 2018 ਵਿਚ ਉਸ ਨੇ ਆਪਣੇ ਟਵਿੱਟਰ ’ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਸੀ ਅਤੇ ਨਾਲ ਹੀ ਇਕ ਵੀਡੀਓ ਵੀ ਪੋਸਟ ਕੀਤੀ ਸੀ। ਤਦ ਉਸ ਨੇ ਫ੍ਰੈਂਡਲੀ ਟੂਰਨਾਮੈਂਟ ਦੀ ਵੀਡੀਓ ਪੋਸਟ ਕੀਤੀ ਸੀ, ਜਿਸ ਵਿਚ ਸਹਿਵਾਗ ਛੱਕਾ ਲਾਉਂਦੇ ਦਿਸ ਰਹੇ ਸੀ। ਇਸ ਵੀਡੀਓ ਦੀ ਪੋਸਟ ’ਤੇ ਉਸ ਨੇ ਲਿਖਿਆ ਸੀ ਕਿ ਉਸੂਲ ਤਦ ਵੀ ਓਹੀ ਸੀ, ਹੁਣ ਵੀ ਓਹੀ ਹੈ। ਸ਼ੁੱਭ ਕੰਮ ਵਿਚ ਦੇਰੀ ਕਿਉਂ। ਐਂਟਰਟੇਨਮੈਂਟ, ਐਂਟਰਟੇਨਮੈਂਟ, ਐਂਟਰਟੇਨਮੈਂਟ। ਖੋਲ ਕੇ ਕਾਫੀ ਮਜ਼ਾ ਆਇਆ। ਜਦਿਕ ਤਸਵੀਰ ’ਤੇ ਉਸ ਨੇ ਸਨੀ ਦਿਓਲ ਦਾ ਡਾਇਲਾਗ ਦੋਹਰਾਇਆ ਸੀ ਕਿ ਹੱਥਿਆ ਛੱਡੇ ਹਨ ਪਰ ਚਲਾਉਣਾ ਨਹੀਂ ਭੁੱਲੇ।
