ਸਿੰਗਾਪੁਰ ਓਪਨ ''ਚ ਭਾਰਤੀ ਚੁਣੌਤੀ ਖਤਮ

ਸਿੰਗਾਪੁਰ— ਸੌਰਭ ਵਰਮਾ ਸਣੇ ਭਾਰਤ ਦੇ ਬਾਕੀ ਬੈਡਮਿੰਟਨ ਖਿਡਾਰੀ ਸਿੰਗਾਪੁਰ ਓਪਨ ਤੋਂ ਵੀਰਵਾਰ ਨੂੰ ਬਾਹਰ ਹੋ ਗਏ। ਵਰਮਾ ਵੀਅਤਨਾਮ ਦੇ ਤਿਏਨ ਮਿਨ੍ਹ ਏਂਗੁਏਨ ਤੋਂ 21-18, 15-21, 11-21 ਨਾਲ ਹਾਰ ਗਏ। ਰਿਤੂਪਰਣਾ ਦਾਸ ਨੂੰ ਇੰਡੋਨੇਸ਼ੀਆ ਦੀ ਯੂਲੀਆ ਯੋਸੇਫਿਨ ਸੁਸ਼ਾਂਤੋ ਨੇ 15-21, 21-13, 21-16 ਨਾਲ ਹਰਾਇਆ।

ਮਿਕਸਡ ਡਬਲਜ਼ 'ਚ ਭਾਰਤ ਦੇ ਸਾਤਵਿਕ ਸਾਈ ਰਾਜ ਰਾਂਕੀਰੈੱਡੀ ਅਤੇ ਅਸ਼ਵਿਨੀ ਪੋਨੱਪਾ ਨੂੰ ਹਾਂਗਕਾਂਗ ਦੇ ਸਤਵਾਂ ਦਰਜਾ ਪ੍ਰਾਪਤ ਲੀ ਚੁਨ ਹੇਈ ਅਤੇ ਚਾਊ ਹੋਈ ਵਾਹ ਨੇ 21-14, 16-21, 21-14 ਨਾਲ ਹਰਾਇਆ। ਰੁਤਵਿਕਾ ਸ਼ਿਵਾਨੀ ਨੂੰ ਜਾਪਾਨ ਦੀ ਪੰਜਵਾਂ ਦਰਜਾ ਪ੍ਰਾਪਤ ਸਯਾਕਾ ਤਾਕਾਹਾਸ਼ੀ ਨੇ 21-8, 21-15 ਨਾਲ ਹਰਾਇਆ। ਸ਼ੁਭਾਂਕਰ ਡੇ ਨੂੰ ਚੀਨੀ ਤਾਈਪੇ ਦੇ ਚੋਟੀ ਦਾ ਦਰਜਾ ਪ੍ਰਾਪਤ ਤਿਏਨ ਚੇਨ ਚੋਊ ਨੇ 21-13, 21-14 ਨਾਲ ਹਰਾਇਆ।