ਸਾਊਦੀ ਅਰਬ ''ਚ ਲੱਗੇਗਾ ਫੁੱਟਬਾਲ ਦਾ ਮਹਾਕੁੰਭ, ਮਿਲ ਗਈ ਵਰਲਡ ਕੱਪ ਦੀ ਮੇਜ਼ਬਾਨੀ

ਰਿਆਦ : ਫੁੱਟਬਾਲ ਫੈਨਜ਼ ਲਈ ਇਕ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਹੁਣ ਫੁੱਟਬਾਲ ਦਾ ਮਹਾਕੁੰਭ ਸਾਊਦੀ ਅਰਬ 'ਚ ਵੀ ਦੇਖਣ ਨੂੰ ਮਿਲੇਗਾ। ਦੱਸਣਯੋਗ ਹੈ ਕਿ ਫੈਡਰੇਸ਼ਨ ਇੰਟਰਨੈਸ਼ਨਲ ਫੁੱਟਬਾਲ ਐਸੋਸੀਏਸ਼ਨ (FIFA) ਨੇ 2030 ਅਤੇ 2034 ਫੀਫਾ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰਨ ਦਾ ਐਲਾਨ ਕੀਤਾ ਹੈ।

ਫੀਫਾ ਨੇ ਫੁੱਟਬਾਲ ਵਿਸ਼ਵ ਕੱਪ 2034 ਦੀ ਮੇਜ਼ਬਾਨੀ ਸਾਊਦੀ ਅਰਬ ਨੂੰ ਦਿੱਤੀ ਹੈ। ਇਸ ਤੋਂ ਇਲਾਵਾ 2030 ਫੀਫਾ ਵਿਸ਼ਵ ਕੱਪ ਦਾ ਵੀ ਐਲਾਨ ਕਰ ਦਿੱਤਾ ਗਿਆ ਹੈ। 2030 ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਸਪੇਨ, ਪੁਰਤਗਾਲ ਅਤੇ ਮੋਰੱਕੋ ਨੂੰ ਸਾਂਝੇ ਤੌਰ 'ਤੇ ਦਿੱਤੀ ਗਈ ਹੈ। ਇਹ ਐਲਾਨ ਫੀਫਾ ਦੇ ਪ੍ਰਧਾਨ ਗਿਆਨੀ ਇਨਫੈਂਟੀਨੋ ਨੇ ਕੀਤਾ ਹੈ।

ਕਤਰ ਵਰਲਡ ਕੱਪ 'ਚ ਅਰਜਨਟੀਨਾ ਬਣੀ ਸੀ ਚੈਂਪੀਅਨ
ਦੱਸਣਯੋਗ ਹੈ ਕਿ ਫੁੱਟਬਾਲ ਵਿਸ਼ਵ ਕੱਪ ਦਾ ਆਯੋਜਨ ਸਿਰਫ 2 ਸਾਲ ਪਹਿਲਾਂ ਯਾਨੀ 2022 ਵਿਚ ਕਤਰ ਵਿਚ ਹੋਇਆ ਸੀ। ਇਕ ਵਾਰ ਫਿਰ ਤੋਂ ਇਹ ਟੂਰਨਾਮੈਂਟ ਕਿਸੇ ਅਰਬ ਦੇਸ਼ ਵਿਚ ਹੋਣ ਜਾ ਰਿਹਾ ਹੈ। ਲਿਓਨਲ ਮੇਸੀ ਦੀ ਕਪਤਾਨੀ ਵਿਚ ਅਰਜਨਟੀਨਾ ਕਤਰ ਵਿਸ਼ਵ ਕੱਪ ਵਿਚ ਧੂਮ ਮਚਾ ਰਿਹਾ ਸੀ। ਇਸ ਟੀਮ ਨੇ ਖਿਤਾਬ ਵੀ ਜਿੱਤਿਆ।

ਫੀਫਾ ਵਿਸ਼ਵ ਕੱਪ 2022 ਦਾ ਫਾਈਨਲ ਅਰਜਨਟੀਨਾ ਅਤੇ ਫਰਾਂਸ ਵਿਚਾਲੇ 3-3 ਨਾਲ ਬਰਾਬਰ ਰਿਹਾ। ਇਸ ਤੋਂ ਬਾਅਦ ਪੈਨਲਟੀ ਸ਼ੂਟਆਊਟ ਹੋਇਆ, ਜਿਸ ਵਿਚ ਅਰਜਨਟੀਨਾ ਨੇ 4-2 ਨਾਲ ਜਿੱਤ ਦਰਜ ਕੀਤੀ। ਅਰਜਨਟੀਨਾ ਨੇ ਇਤਿਹਾਸ ਵਿਚ ਆਪਣਾ ਤੀਜਾ ਵਿਸ਼ਵ ਕੱਪ ਖਿਤਾਬ ਜਿੱਤਿਆ ਹੈ।

ਇਹ ਵੀ ਪੜ੍ਹੋ : 'INDIA ਜਿੱਤੀ ਤਾਂ ਲਾਹ ਦੇਵਾਂਗੀ ਕੱਪੜੇ', ਮਸ਼ਹੂਰ ਭਾਰਤੀ ਮਾਡਲ ਨੇ ਆਪ ਦੱਸੀ ਅਸਲੀਅਤ

ਅਗਲੇ 3 ਫੀਫਾ ਵਿਸ਼ਵ ਕੱਪ ਇਸ ਤਰ੍ਹਾਂ ਹੋਣੇ ਹਨ
2026 ਵਿਸ਼ਵ ਕੱਪ : ਅਮਰੀਕਾ, ਕੈਨੇਡਾ ਅਤੇ ਮੈਕਸੀਕੋ ਦੁਆਰਾ ਸਾਂਝੇ ਤੌਰ 'ਤੇ ਟੂਰਨਾਮੈਂਟ ਦੀ ਮੇਜ਼ਬਾਨੀ ਕੀਤੀ ਜਾਵੇਗੀ
2030 ਵਿਸ਼ਵ ਕੱਪ : ਇਸਦੀ ਮੇਜ਼ਬਾਨੀ ਸਪੇਨ, ਪੁਰਤਗਾਲ ਅਤੇ ਮੋਰੱਕੋ ਨੇ ਸਾਂਝੇ ਤੌਰ 'ਤੇ ਕੀਤੀ ਸੀ।
2034 ਵਿਸ਼ਵ ਕੱਪ : ਇਹ ਵਿਸ਼ਵ ਕੱਪ ਸਾਊਦੀ ਅਰਬ ਵਿਚ ਹੋਵੇਗਾ

ਕਤਰ ਦੀ ਸਫਲਤਾ ਤੋਂ ਅੱਗੇ ਆਇਆ ਸਾਊਦੀ ਅਰਬ
ਕਤਰ ਦੀ ਸਫਲਤਾ ਤੋਂ ਬਾਅਦ ਸਾਊਦੀ ਅਰਬ ਨੂੰ ਆਪਣੇ ਦੇਸ਼ 'ਚ ਫੁੱਟਬਾਲ ਨੂੰ ਉਤਸ਼ਾਹਿਤ ਕਰਨ ਲਈ ਕਾਫੀ ਉਤਸ਼ਾਹ ਮਿਲਿਆ ਹੈ। ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਲਈ ਸਾਊਦੀ ਨੇ ਪਿਛਲੇ 2-3 ਸਾਲਾਂ 'ਚ ਫੁੱਟਬਾਲ 'ਤੇ ਕਾਫੀ ਪੈਸਾ ਖਰਚ ਕੀਤਾ ਹੈ। ਇਸ 'ਚ ਕ੍ਰਿਸਟੀਆਨੋ ਰੋਨਾਲਡੋ ਵਰਗੇ ਮਹਾਨ ਖਿਡਾਰੀ ਨੂੰ ਸਾਊਦੀ ਅਰਬ ਲੀਗ 'ਚ ਸ਼ਾਮਲ ਕਰਕੇ ਉਸ ਨੂੰ 200 ਮਿਲੀਅਨ ਡਾਲਰ ਦਾ ਸਾਲਾਨਾ ਕਰਾਰ ਦੇਣਾ ਵੱਡਾ ਨਿਵੇਸ਼ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8