ਰੋਨਾਲਡੋ ਨੇ ਆਪਣੀ ਪਾਰਟਨਰ ਜਾਰਜੀਨਾ ਨਾਲ ਕੀਤੀ ਮੰਗਣੀ

ਵਾਸ਼ਿੰਗਟਨ- ਸਟਾਰ ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਅਤੇ ਉਨ੍ਹਾਂ ਦੀ ਲੰਬੇ ਸਮੇਂ ਦੀ ਪਾਰਟਨਰ ਜਾਰਜੀਨਾ ਰੋਡਰਿਗਜ਼ ਦੀ ਮੰਗਣੀ ਹੋ ਗਈ ਹੈ। ਜਾਰਜੀਨਾ 31 ਸਾਲ ਦੀ ਹੈ। ਉਸਨੇ ਸੋਮਵਾਰ ਨੂੰ ਇੰਸਟਾਗ੍ਰਾਮ 'ਤੇ ਆਪਣੀ ਉਂਗਲੀ 'ਤੇ ਇੱਕ ਵੱਡੀ ਅੰਗੂਠੀ ਵਾਲੀ ਤਸਵੀਰ ਨਾਲ ਖੁਸ਼ਖਬਰੀ ਦਾ ਐਲਾਨ ਕੀਤਾ। 

ਜਾਰਜੀਨਾ ਨੇ ਸਪੈਨਿਸ਼ ਵਿੱਚ ਤਸਵੀਰ ਦਾ ਕੈਪਸ਼ਨ ਦਿੱਤਾ, "ਹਾਂ ਅਸੀਂ ਮੰਗਣੀ ਕਰ ਲਈ ਹੈ। ਇਹ ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਖੂਬਸੂਰਤ ਪਲ ਹੈ।" ਜਾਰਜੀਨਾ ਅਤੇ 40 ਸਾਲਾ ਰੋਨਾਲਡੋ ਦੀਆਂ ਦੋ ਧੀਆਂ ਹਨ। ਉਸਨੇ ਰੋਨਾਲਡੋ ਦੇ ਹੋਰ ਤਿੰਨ ਬੱਚਿਆਂ ਦੀ ਪਰਵਰਿਸ਼ ਵਿੱਚ ਵੀ ਮਦਦ ਕੀਤੀ ਹੈ। ਜਾਰਜੀਨਾ ਨੇ 2022 ਵਿੱਚ ਜੁੜਵਾਂ ਬੱਚਿਆਂ ਨੂੰ ਜਨਮ ਦਿੱਤਾ ਸੀ ਪਰ ਇੱਕ ਮੁੰਡੇ ਦੀ ਮੌਤ ਹੋ ਗਈ। ਰੋਨਾਲਡੋ 2016 ਵਿੱਚ ਜਾਰਜੀਨਾ ਨੂੰ ਮਿਲਿਆ ਸੀ ਜਦੋਂ ਉਹ ਮੈਡਰਿਡ ਵਿੱਚ ਇੱਕ ਸਟੋਰ ਵਿੱਚ ਕੰਮ ਕਰਦੀ ਸੀ। ਰੀਅਲ ਮੈਡਰਿਡ ਅਤੇ ਮੈਨਚੇਸਟਰ ਯੂਨਾਈਟਿਡ ਦਾ ਸਾਬਕਾ ਸਟਾਰ ਰੋਨਾਲਡੋ ਹੁਣ ਸਾਊਦੀ ਅਰਬ ਵਿੱਚ ਅਲ-ਨਾਸਰ ਲਈ ਖੇਡਦਾ ਹੈ।