ਰੋਹਿਤ ਨੂੰ ਭਾਰਤ-ਏ ਦੇ ਚਾਰ ਦਿਨਾ ਮੈਚ ਤੋਂ ਆਰਾਮ

ਨਵੀਂ ਦਿੱਲੀ— ਭਾਰਤ ਦੇ ਚੋਟੀਕ੍ਰਮ ਦੇ ਬੱਲੇਬਾਜ਼ ਰੋਹਿਤ ਸ਼ਰਮਾ ਨੂੰ ਨਿਊਜ਼ੀਲੈਂਡ-ਏ ਵਿਰੁੱਧ ਪਹਿਲੇ ਚਾਰ ਦਿਨਾ ਮੈਚ ਤੋਂ ਆਰਾਮ ਦਿੱਤਾ ਗਿਆ ਹੈ। ਰੋਹਿਤ ਨੂੰ ਇਸ ਮੈਚ ਲਈ ਭਾਰਤ-ਏ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਸੀ ਪਰ ਹਾਲ ਹੀ ਉਸਦੇ ਰੁਝੇਵਿਆਂ ਨੂੰ ਦੇਖਦੇ ਹੋਏ ਬੀ. ਸੀ. ਸੀ. ਆਈ. ਦੀ ਮੈਡੀਕਲ ਟੀਮ  ਨੇ ਮੈਨੇਜਮੈਂਟ ਤੇ ਸੀਨੀਅਰ ਚੋਣ ਮਕੇਟੀ ਨਾਲ ਵਿਚਾਰ-ਵਟਾਂਦਰਾ ਕਰਨ ਤੋਂ ਬਾਅਦ ਉਸ ਨੂੰ ਇਸ ਮੈਚ ਤੋਂ ਆਰਾਮ ਦੇਣ ਦਾ ਫੈਸਲਾ ਕੀਤਾ।  ਹਾਲ ਹੀ ਵਿਚ ਵੈਸਟਇੰਡੀਜ਼ ਵਿਰੁੱਧ ਟੀ-20 ਸੀਰੀਜ਼ ਵਿਚ ਕਪਤਾਨੀ ਸੰਭਾਲਣ ਵਾਲਾ ਰੋਹਿਤ ਹੁਣ ਭਾਰਤ ਦੀ ਟੀ-20 ਟੀਮ ਨਾਲ 16 ਨਵੰਬਰ ਨੂੰ ਆਸਟਰੇਲੀਆ ਰਵਾਨਾ ਹੋਵੇਗਾ।