ਰੀਗਾ ਇੰਟਰਨੈਸ਼ਨਲ ਸ਼ਤਰੰਜ ਟੂਰਨਾਮੈਂਟ : ਭਾਰਤ ਦੇ ਐੱਸ. ਐੱਲ. ਨਾਰਾਇਨਣ ਬਣੇ ਉਪ ਜੇਤੂ

ਰੀਗਾ, ਲਾਤਵੀਆ (ਨਿਕਲੇਸ਼ ਜੈਨ)— ਰੀਗਾ ਯੂਨੀਵਰਸਿਟੀ ਕੌਮਾਂਤਰੀ ਸ਼ਤਰੰਜ ਟੂਰਨਾਮੈੀਂਟ ’ਚ ਭਾਰਤ ਦੇ ਐੱਸ. ਐੱਲ. ਨਾਰਾਇਨਣ ਨੇ ਬਿਹਤਰ ਟਾਈਬ੍ਰੇਕ ਦੇ ਆਧਾਰ ’ਤੇ ਦੂਜਾ ਸਥਾਨ ਹਾਸਲ ਕੀਤਾ ਹੈ। 7.5 ਅੰਕ ਬਣਾ ਕੇ ਜਰਮਨੀ ਦੇ ਅਲੈਕਜ਼ੈਂਡਰ ਡੋਨਚੇਂਕੋ ਜੇਤੂ ਬਣੇ। ਨਾਰਾਇਨਣ ਨੇ ਕੁਲ ਖੇਡੇ 9 ਰਾਊਂਡ ’ਚ 7 ਅੰਕ ਬਣਾਏ ਤੇ ਅਜੇਤੂ ਰਹਿੰਦੇ ਹੋਏ 2718 ਰੇਟਿੰਗ ਦਾ ਪ੍ਰਦਰਸ਼ਨ ਕੀਤਾ। ਆਖ਼ਰੀ ਰਾਊਂਡ ’ਚ ਉਨ੍ਹਾਂ ਨੇ ਕ੍ਰਮਵਾਰ ਲਾਤਵੀਆ ਦੇ ਇਗੋਰ ਕੋਵਾਲੇਂਕੋ ਅਤੇ ਇਜ਼ਰਾਇਲ ਦੇ ਸਮਿਰਨ ਜੀਆ ਨਾਲ ਡਰਾਅ ਖੇਡਿਆ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਰੇਟਿੰਗ ’ਚ 12 ਮਹੱਤਵਪੂਰਨ ਅੰਕ ਜੋੜੇ। 

ਲੁਥੀਆਨਾ ਦੇ ਟਾਮਸ ਲੋਰੂਸਸ ਦੇ ਹੰਗਰੀ ਦੇ ਕਾਂਟੋਰ ਗੇਰਗੇਲਯ 7 ਅੰਕ ਬਣਾ ਕੇ ਕ੍ਰਮਵਾਰ ਤੀਜੇ ਤੇ ਚੌਥੇ ਸਥਾਨ ’ਤੇ ਰਹੇ। ਭਾਰਤ ਦੇ ਮੁਰਲੀ ਕਾਰਤੀਕੇਨ  ਨੇ ਵੀ ਅੰਤਿਮ ਦੋ ਰਾਊਡ ’ਚ ਸ਼ਾਨਦਾਰ ਜਿੱਤ ਦੇ ਨਾਲ 7 ਅੰਕ ਬਣਾਏ ਤੇ ਟਾਈਬ੍ਰੇਕ ਦੇ ਆਧਾਰ ’ਤੇ ਉਹ ਪੰਜਵੇਂ ਸਥਾਨ ’ਤੇ ਰਹੇ। ਅਰਜੁਨ ਕਲਿਆਣ ਚੋਟੀ ਦੇ 10 ’ਚ ਜਗ੍ਹਾ ਬਣਾਉਣ ਵਾਲੇ ਤੀਜੇ ਭਾਰਤੀ ਰਹੇ ਤੇ 6.5 ਅੰਕ ਬਣਾ ਕੇ ਅੱਠਵਾਂ ਸਥਾਨ ਹਾਸਲ ਕੀਤਾ। ਹੋਰਨਾਂ ਭਾਰਤੀ ਖਿਡਾਰੀਆਂ ’ਚ 6.5 ਅੰਕ ਬਣਾ ਕੇ ਪ੍ਰਣਵ ਆਨੰਦ 11ਵੇਂ, ਪ੍ਰਗਿਆਨੰਧ 13ਵੇਂ, ਐੱਸ. ਪੀ. ਸੇਥੁਰਮਨ 16ਵੇਂ, 6 ਅੰਕ ਬਣਾ ਕੇ ਅਰਜੁਨ ਐਰੀਗਾਸੀ 17ਵੇਂ ਤੇ ਨਿਹਾਲ ਸਰੀਨ 18ਵੇਂ ਸਥਾਨ ’ਤੇ ਰਹੇ।

inal Ranking after 9 Rounds