BWF ਨੇ ਜਾਰੀ ਕੀਤਾ ਸੋਧਿਆ ਕੈਲੰਡਰ, 5 ਮਹੀਨੇ ''ਚ ਖੇਡੇ ਜਾਣਗੇ 22 ਟੂਰਨਾਮੈਂਟ
05/23/2020 12:48:38 AM
ਨਵੀਂ ਦਿੱਲੀ— ਬੈਡਮਿੰਟਨ ਵਰਲਡ ਫੈਡਰੇਸ਼ਨ (ਬੀ. ਡਬਲਯੂ. ਐੱਫ.) ਨੇ ਸੋਧਿਆ ਅੰਤਰਰਾਸ਼ਟਰੀ ਕੈਲੰਡਰ ਦਾ ਐਲਾਨ ਕੀਤਾ ਹੈ। ਇਸ ਦੇ ਅਨੁਸਾਰ ਓਲੰਪਿਕ ਕੁਆਲੀਫਾਇੰਗ ਇੰਡੀਆ ਓਪਨ ਬੈਡਮਿੰਟਨ ਟੂਰਨਾਮੈਂਟ ਹੁਣ ਅੱਠ ਤੋਂ 13 ਦਸੰਬਰ ਤਕ ਆਯੋਜਿਤ ਕੀਤਾ ਜਾਵੇਗਾ। ਬੀ. ਡਬਲਯੂ. ਐੱਫ. ਨੇ ਕਿਹਾ ਹੈ ਕਿ ਵਿਸ਼ਵ ਟੂਰ ਸੁਪਰ 500 ਟੂਰਨਾਮੈਂਟ ਦਾ ਆਯੋਜਨ ਅੱਠ ਤੋਂ 13 ਦਸੰਬਰ ਨੂੰ ਕਰਾਇਆ ਜਾਵੇਗਾ। ਇਸ ਪ੍ਰਤੀਯੋਗਿਤਾ ਤੋਂ ਪਹਿਲਾਂ 11 ਤੋਂ 16 ਅਗਸਤ ਤਕ ਹੈਦਰਾਬਾਦ ਓਪਨ ਤੇ ਲਖਨਊ 'ਚ 17 ਤੋਂ 22 ਨਵੰਬਰ ਤਕ ਸੈਅਦ ਮੋਦੀ ਅੰਤਰਰਾਸ਼ਟਰੀ ਟੂਰਨਾਮੈਂਟ ਖੇਡਿਆ ਜਾਵੇਗਾ। ਬੀ. ਡਬਲਯੂ. ਐੱਫ. ਦੇ ਅਨੁਸਾਰ 5 ਮਹੀਨੇ ਦੇ ਸਮੇਂ 'ਚ 22 ਤੋਂ ਟੂਰਨਾਮੈਂਟ ਖੇਡੇ ਜਾਣਗੇ।
#BWF has announced a revamped tournament calendar for 2020. This provides the framework for badminton’s potential return when it is safe and logistically possible.#HSBCBWFbadminton #WorldTour #badmintonhttps://t.co/sryvlbYZZ2
— BWF (@bwfmedia) May 22, 2020
ਵਿਸ਼ਵ ਬੈਡਮਿੰਟਨ ਮਹਾਸੰਘ ਦੇ ਸੋਧੇ ਕੈਲੰਡਰ ਤੋਂ ਕਈ ਸੀਨੀਅਰ ਖਿਡਾਰੀਆਂ ਨੇ ਨਾਖੁਸ਼ੀ ਜਤਾਈ ਹੈ। ਲੰਡਨ ਓਲੰਪਿਕ ਦੀ ਕਾਂਸੀ ਤਮਗਾ ਜੇਤੂ ਸਾਈਨਾ ਨੇਹਵਾਲ ਨੇ ਟਵੀਟ ਕਰ ਕਿਹਾ ਕਿ ਅਗਸਤ ਤੋਂ ਦਸੰਬਰ ਤੱਕ ਪੰਜ ਮਹੀਨੇ 'ਚ 22 ਟੂਰਨਾਮੈਂਟ ਖੇਡੇ ਜਾਣਗੇ। ਲਗਾਤਾਰ ਪੰਜ ਮਹੀਨੇ ਦੀ ਯਾਤਰਾ, ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਸਮੇਂ ਅੰਤਰਰਾਸ਼ਟਰੀ ਯਾਤਰਾ ਦੇ ਲਈ ਕੀ ਦਿਸ਼ਾ-ਨਿਰਦੇਸ਼ ਹੋਣਗੇ।