ਅਸਗਰ ਅਫਗਾਨ ਦੇ ਸੰਨਿਆਸ ''ਤੇ ਭਾਵੁਕ ਹੋਏ ਰਾਸ਼ਿਦ ਖ਼ਾਨ, ਟਵੀਟ ਕਰਕੇ ਆਖੀ ਇਹ ਗੱਲ

ਆਬੂ ਧਾਬੀ- ਅਫਗਾਨਿਸਤਾਨ ਦੇ ਸਟਾਰ ਸਪਿਨਰ ਰਾਸ਼ਿਦ ਖ਼ਾਨ ਨੇ ਐਤਵਾਰ ਨੂੰ ਕਿਹਾ ਕਿ ਸਾਬਕਾ ਕਪਤਾਨ ਅਸਗਰ ਅਫ਼ਗਾਨ ਉਨ੍ਹਾਂ ਦੇ ਮੇਂਟੋਰ ਰਹੇ ਹਨ ਤੇ ਟੀ-20 ਵਰਲਡ ਕੱਪ ਦੇ ਦਰਮਿਆਨ ਉਨ੍ਹਾਂ ਦੇ ਸੰਨਿਆਸ ਲੈਣ ਦੇ ਫ਼ੈਸਲੇ ਨੂੰ ਸਵੀਕਾਰ ਕਰਨਾ ਉਨ੍ਹਾਂ ਲਈ ਮੁਸ਼ਕਲ ਹੈ। ਅਫਗਾਨਿਸਤਾਨ ਨੇ ਨਾਮੀਬੀਆ 'ਤੇ 62 ਦੌੜਾਂ ਦੀ ਸ਼ਾਨਦਾਰ ਜਿੱਤ ਨਾਲ ਆਪਣੇ ਸਾਬਕਾ ਕਪਤਾਨ ਨੂੰ ਚੰਗੀ ਵਿਦਾਈ ਦਿੱਤੀ ਤੇ ਟੂਰਨਾਮੈਂਟ 'ਚ ਸੈਮੀਫ਼ਾਈਨਲ ਦੀਆਂ ਉਮੀਦਾਂ ਜ਼ਿੰਦਾ ਰੱਖੀਆਂ।

Its pretty hard to accept legendary @MAsgharAfghan’s retirement. He has been a mentor to me & all the youngsters in the side. I am short of words to thank him for his exemplary service to @ACBofficials. His achievement &sacrifices r unmatched. U will b dearly missed bro #respect pic.twitter.com/c2eIkPYSJP

— Rashid Khan (@rashidkhan_19) October 31, 2021

ਰਾਸ਼ਿਦ ਨੇ ਟਵੀਟ ਕੀਤਾ ਕਿ ਮਹਾਨ ਖਿਡਾਰੀ ਅਸਗਰ ਅਫਗਾਨ ਦੇ ਸੰਨਿਆਸ ਦੇ ਫ਼ੈਸਲੇ ਨੂੰ ਸਵੀਕਾਰ ਕਰਨਾ ਕਾਫ਼ੀ ਮੁਸ਼ਕਲ ਹੈ। ਉਹ ਮੇਰੇ ਤੇ ਟੀਮ ਦੇ ਕਈ ਨੌਜਵਾਨ ਖਿਡਾਰੀਆਂ ਦੇ ਮੇਂਟੋਰ ਰਹੇ ਹਨ। ਉਨ੍ਹਾਂ ਦੀਆਂ ਉਪਲੱਬਧੀਆਂ ਤੇ ਕੁਰਬਾਨੀਆਂ ਦੀ ਬਰਾਬਰੀ ਨਹੀਂ ਕੀਤੀ ਜਾ ਸਕਦੀ ਹੈ। ਤੁਹਾਡੀ ਕਾਫ਼ੀ ਕਮੀ ਮਹਿਸੂਸ ਹੋਵੇਗੀ ਵੀਰ ਜੀ।