ਪ੍ਰਗਿਆਨੰਦਾ ਨੇ ਕੀਤਾ ਵੱਡਾ ਉਲਟਫੇਰ, ਨਾਕਾਮੁਰਾ ਨੂੰ ਕੀਤਾ ਬਾਹਰ, ਗੁਕੇਸ਼ ਅਤੇ ਹਰਿਕਾ ਨੂੰ ਵੀ ਅਗਲੇ ਦੌਰ ''ਚ

ਬਾਕੂ, ਅਜ਼ਰਬਾਈਜਾਨ (ਨਿਕਲੇਸ਼ ਜੈਨ)- ਭਾਰਤ ਦੇ ਚਾਰ ਹੋਰ ਖਿਡਾਰੀ ਫੀਡੇ ਵਿਸ਼ਵ ਕੱਪ ਸ਼ਤਰੰਜ ਦੇ ਚੌਥੇ ਦੌਰ ਵਿੱਚ ਟਾਈਬ੍ਰੇਕ ਮੈਚਾਂ ਤੋਂ ਬਾਅਦ ਫਾਈਨਲ ਗੇੜ ਵਿੱਚ ਪਹੁੰਚ ਗਏ ਹਨ। ਭਾਰਤ ਦੇ ਆਰ ਪ੍ਰਗਿਆਨੰਦਾ ਨੇ ਆਖਰੀ 16 ਵਿੱਚ ਥਾਂ ਬਣਾਉਣ ਲਈ ਲਗਾਤਾਰ ਦੋ ਤੇਜ਼ ਗੇਮਾਂ ਵਿੱਚ ਵਿਸ਼ਵ ਦੇ ਦੂਜੇ ਨੰਬਰ ਦੇ ਖਿਡਾਰੀ ਹਿਕਾਰੂ ਨਾਕਾਮੁਰਾ ਨੂੰ ਹਰਾ ਕੇ ਸਭ ਤੋਂ ਵੱਡਾ ਉਲਟਫੇਰ ਕੀਤਾ ਅਤੇ ਹੁਣ ਉਸ ਦਾ ਸਾਹਮਣਾ ਹੰਗਰੀ ਦੇ ਫਰੈਂਕ ਬੇਕਰਸ ਨਾਲ ਹੋਵੇਗਾ। ਭਾਰਤ ਦੇ ਚੋਟੀ ਦੇ ਖਿਡਾਰੀ ਡੀ ਗੁਕੇਸ਼ ਨੇ ਤੇਜ਼ ਟਾਈਬ੍ਰੇਕ 'ਚ ਨੂੰ 1.5-0.5 ਨਾਲ ਹਰਾ ਕੇ ਅਗਲੇ ਦੌਰ ਵਿੱਚ ਥਾਂ ਬਣਾਈ ਜਿੱਥੇ ਉਸ ਦਾ ਸਾਹਮਣਾ ਚੀਨ ਦੇ ਹੋਊ ਵਾਂਗ ਨਾਲ ਹੋਣ ਦੀ ਸੰਭਾਵਨਾ ਹੈ। 

ਇਸ ਦੇ ਨਾਲ ਹੀ ਨਿਹਾਲ ਸਰੀਨ ਵਿਸ਼ਵ ਦੇ 5ਵੇਂ ਨੰਬਰ ਦੇ ਖਿਡਾਰੀ ਯਾਨ ਨੇਪੋਮਨੀਸ਼ੀ ਤੋਂ ਹਾਰ ਕੇ ਵਿਸ਼ਵ ਕੱਪ ਤੋਂ ਬਾਹਰ ਹੋ ਗਏ ਹਨ। ਇਸ ਲਈ ਹੁਣ ਪੁਰਸ਼ ਵਰਗ ਵਿੱਚ ਚਾਰ ਭਾਰਤੀ ਖਿਡਾਰੀ ਗੁਕੇਸ਼, ਵਿਦਿਤ, ਅਰਜੁਨ ਅਤੇ ਪ੍ਰਗਿਆਨੰਦ ਆਖਰੀ 16 ਵਿੱਚ ਨਜ਼ਰ ਆਉਣਗੇ। ਮਹਿਲਾ ਵਰਗ ਵਿੱਚ ਭਾਰਤ ਲਈ ਬੁਰੀ ਖ਼ਬਰ ਹੈ ਕਿਉਂਕਿ ਦੇਸ਼ ਦੀ ਚੋਟੀ ਦੀ ਖਿਡਾਰਨ ਕੋਨੇਰੂ ਹੰਪੀ ਜਾਰਜੀਆ ਦੀ ਬੇਲਾ ਖੋਟੇਨਾਸ਼ਵਿਲੀ ਤੋਂ ਟਾਈਬ੍ਰੇਕ ਵਿੱਚ 2-0 ਨਾਲ ਹਾਰ ਕੇ ਵਿਸ਼ਵ ਕੱਪ ਤੋਂ ਬਾਹਰ ਹੋ ਗਈ। ਹਾਲਾਂਕਿ ਹਰਿਕਾ ਦ੍ਰੋਣਾਵਲੀ ਨੇ ਫਰਾਂਸ ਦੀ ਐਲੀਨ ਰੋਬਰਸ ਨੂੰ ਟਾਈਬ੍ਰੇਕ 'ਚ ਹਰਾ ਕੇ ਆਖਰੀ 8 'ਚ ਜਗ੍ਹਾ ਬਣਾ ਲਈ ਹੈ।