ਭਾਰਤ ਦੇ ਪਾਵਰਲਿਫਟਰ ਲਲਿਤ ਪਟੇਲ ਨੇ IBBF ਵਿਸ਼ਵ ਚੈਂਪੀਅਨਸ਼ਿਪ ''ਚ ਜਿੱਤੇ ਤਿੰਨ ਸੋਨ ਤਮਗੇ

ਅਹਿਮਦਾਬਾਦ- ਗੁਜਰਾਤ ਦੇ 56 ਸਾਲਾ ਪਾਵਰਲਿਫਟਰ ਲਲਿਤ ਪਟੇਲ ਨੇ ਥਾਈਲੈਂਡ ਦੇ ਪੱਟਾਇਆ ਵਿੱਚ ਹੋਈ IBBF ਵਿਸ਼ਵ ਪਾਵਰਲਿਫਟਿੰਗ ਚੈਂਪੀਅਨਸ਼ਿਪ ਵਿੱਚ ਤਿੰਨ ਸੋਨ ਤਮਗੇ ਜਿੱਤੇ। ਮਾਸਟਰ ਟੂ ਸ਼੍ਰੇਣੀ (83-93 ਕਿਲੋਗ੍ਰਾਮ) ਵਿੱਚ ਚੁਣੌਤੀ ਦੇਣ ਵਾਲੇ ਪਟੇਲ ਨੇ 10 ਤੋਂ 12 ਮਈ ਵਿਚਕਾਰ ਹੋਏ ਮੁਕਾਬਲੇ ਵਿੱਚ 'ਬੈਂਚ ਪ੍ਰੈਸ', 'ਡੈੱਡਲਿਫਟ' ਅਤੇ 'ਸਕੁਐਟ' ਮੁਕਾਬਲਿਆਂ ਵਿੱਚ ਸਿਖਰਲਾ ਸਥਾਨ ਪ੍ਰਾਪਤ ਕੀਤਾ। 

ਪਟੇਲ ਗਲੋਬਲ ਮੁਕਾਬਲੇ ਦੀ ਤਿਆਰੀ ਲਈ ਪਿਛਲੇ ਅੱਠ ਮਹੀਨਿਆਂ ਤੋਂ ਸਖ਼ਤ ਸਿਖਲਾਈ ਲੈ ਰਿਹਾ ਸੀ। ਉਸਨੇ ਸਿਰਫ਼ ਪੰਜ ਸਾਲ ਪਹਿਲਾਂ ਪਾਵਰਲਿਫਟਿੰਗ ਸ਼ੁਰੂ ਕੀਤੀ ਸੀ। ਸ਼ਾਕਾਹਾਰੀ ਖੁਰਾਕ ਦੀ ਪਾਲਣਾ ਕਰਨ ਵਾਲੇ ਪਟੇਲ ਨੇ ਕਿਹਾ, "ਉਮਰ ਅਤੇ ਖੁਰਾਕ ਸਫਲਤਾ ਵਿੱਚ ਕੋਈ ਰੁਕਾਵਟ ਨਹੀਂ ਹਨ।" ਪਟੇਲ ਨੇ ਰਾਜ ਪੱਧਰ 'ਤੇ 18 ਅਤੇ ਰਾਸ਼ਟਰੀ ਪੱਧਰ 'ਤੇ 12 ਤਮਗੇ ਜਿੱਤੇ ਹਨ। ਉਹ ਹੁਣ ਨੌਜਵਾਨ ਖਿਡਾਰੀਆਂ ਨੂੰ ਕੋਚਿੰਗ ਦੇਣ ਦੇ ਨਾਲ-ਨਾਲ 'ਬਾਡੀ ਬਿਲਡਿੰਗ' ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਾ ਚਾਹੁੰਦਾ ਹੈ।