AUS ਦੌਰੇ 'ਤੇ ਖਿਡਾਰੀਆਂ ਨੂੰ ਨਸਲੀ ਵਤੀਰੇ ਦਾ ਸਾਹਮਣਾ ਕਰਨਾ ਪਿਆ ਸੀ : ਪ੍ਰਿੰਸ

ਜੋਹਾਨਸਬਰਗ– ਸਾਬਕਾ ਕ੍ਰਿਕਟਰ ਐਸ਼ਵੇਲ ਪ੍ਰਿੰਸ ਨੇ ਦੱਖਣੀ ਅਫਰੀਕਾ ਦੀ ਪ੍ਰਣਾਲੀ ਵਿਚ 'ਕਮੀਆਂ' ਦਾ ਜ਼ਿਕਰ ਕਰਦੇ ਹੋਏ ਦਾਅਵਾ ਕੀਤਾ ਕਿ 2005 ਵਿਚ ਆਸਟਰੇਲੀਆ ਦੌਰੇ 'ਤੇ ਰਾਸ਼ਟਰੀ ਟੀਮ ਦੇ ਕਈ ਖਿਡਾਰੀਆਂ ਨੂੰ ਨਸਲੀ ਵਤੀਰੇ ਦਾ ਸਾਹਮਣਾ ਕਰਨਾ ਪਿਆ ਸੀ। ਕੁਝ ਮੈਚਾਂ ਵਿਚ ਦੱਖਣੀ ਅਫਰੀਕਾ ਦੀ ਅਗਵਾਈ ਕਰਨ ਵਾਲੇ ਇਸ ਸਾਬਕਾ ਬੱਲੇਬਾਜ਼ ਨੇ ਕਿਹਾ ਕਿ ਇਸਦੀ ਸ਼ਿਕਾਇਤ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਖੇਡ ਜਾਰੀ ਰੱਖਣ ਲਈ ਕਿਹਾ ਗਿਆ ਸੀ। ਪ੍ਰਿੰਸ ਨੇ ਟਵਿਟਰ 'ਤੇ ਕਿਹਾ,''ਪੂਰੀ ਤਰ੍ਹਾਂ ਨਾਲ ਮਾਈਕਲ ਹੋਲਡਿੰਗ ਤੋਂ ਉਤਸ਼ਾਹਿਤ।''

There’s so much more, this is only the tip of the iceberg. Maybe it was meant to be saved for a book one day, but the time is right here, right now! How’s it all going to fix itself, I don’t have the answers. BUT IT WILL REQUIRE TOUGH HONEST UNCOMFORTABLE CONVERSATION.

— Ashwell Prince (@ashyp_5) July 10, 2020

ਉਸ ਨੇ ਕਿਹਾ,''ਕੁਝ ਦੱਖਣੀ ਅਫਰੀਕੀ ਪ੍ਰਸ਼ੰਸਕਾਂ ਨੇ ਇਸ ਹਫਤੇ ਸੋਸ਼ਲ ਮੀਡੀਆ 'ਤੇ ਜੋ ਕੁਝ ਵੀ ਪੜ੍ਹਿਆ ਹੈ, ਉਸ ਤੋਂ ਉਹ ਹੈਰਾਨ ਤੇ ਨਿਰਾਸ਼ ਹੋ ਸਕਦੇ ਹਨ। ਸੱਚ ਕਿਹਾ ਜਾਵੇ ਤਾਂ ਘੱਟ ਤੋਂ ਘੱਟ 10 ਸਾਲ ਤਕ ਟੀਮ ਦੇ ਨਾਲ ਜਿਹੜਾ ਸਮਾਂ ਮੈਂ ਬਿਤਾਇਆ ਸੀ, ਉਥੇ ਕੋਈ ਏਕਤਾ ਨਹੀਂ ਸੀ। ਆਸਟਰੇਲੀਆ ਦੌਰੇ 'ਤੇ 2005 ਵਿਚ ਸਾਡੇ ਨਾਲ ਕਈਆਂ ਨੇ ਬਾਊਂਡਰੀ ਲਾਈਨ ਕੋਲ ਨਸਲਵਾਦੀ ਟਿਪਣੀਆਂ ਦਾ ਸਾਹਮਣਾ ਕੀਤਾ ਸੀ।'' ਉਸ ਨੇ ਕਿਹਾ,''ਲੰਚ ਦੇ ਸਮੇਂ ਜਦੋਂ ਅਸੀਂ ਇਸ ਬਾਰੇ ਵਿਚ ਟੀਮ ਕਪਤਾਨ ਨੂੰ ਦੱਸਿਆ ਤਾਂ ਸਾਨੂੰ ਕਿਹਾ ਗਿਆ ਕਿ ਭੀੜ ਵਿਚ ਕੁਝ ਹੀ ਲੋਕ ਅਜਿਹਾ ਹੁੰਦੇ ਹਨ ਜ਼ਿਆਦਾ ਨਹੀਂ। ਚਲੋ ਵਾਪਸ (ਮੈਦਾਨ ਵਿਚ) ਚਲਦੇ ਹਾਂ।''