ਨਿੱਜੀ ਪ੍ਰਾਪਤੀਆਂ ਮੇਰੇ ਲਈ ਮਾਇਨੇ ਨਹੀਂ ਰੱਖਦੀਆਂ, ਵਿਰਾਟ ਕੋਹਲੀ ਨੇ ਮੈਚ ਜਿਤਾਉਣ ਮਗਰੋਂ ਸਭ ਕੁਝ ਕੀਤਾ ਸਪੱਸ਼ਟ

ਸਪੋਰਟਸ ਡੈਸਕ : ਵਿਰਾਟ ਕੋਹਲੀ ਨੇ ਇਕ ਵਾਰ ਫਿਰ ਆਪਣੀ ਬੇਮਿਸਾਲ ਬੱਲੇਬਾਜ਼ੀ ਨਾਲ ਭਾਰਤ ਨੇ ਚੈਂਪੀਅਨਸ ਟਰਾਫੀ 2025 ਦੇ ਸੈਮੀਫਾਈਨਲ 'ਚ ਆਸਟ੍ਰੇਲੀਆ ਨੂੰ 4 ਵਿਕਟਾਂ ਨਾਲ ਹਰਾ ਦਿੱਤਾ। ਕੋਹਲੀ ਨੇ 84 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ, ਜਿਸ ਦੀ ਬਦੌਲਤ ਭਾਰਤ ਨੇ 11 ਗੇਂਦਾਂ ਬਾਕੀ ਰਹਿੰਦਿਆਂ 264 ਦੌੜਾਂ ਦਾ ਟੀਚਾ ਹਾਸਲ ਕਰ ਲਿਆ। ਇਸ ਜਿੱਤ ਤੋਂ ਬਾਅਦ ਵਿਰਾਟ ਨੇ ਆਪਣੀ ਬੱਲੇਬਾਜ਼ੀ ਅਤੇ ਮਾਨਸਿਕਤਾ 'ਤੇ ਇਕ ਵੱਡਾ ਬਿਆਨ ਦਿੱਤਾ, ਜਿਸ 'ਚ ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਉਹ ਹੁਣ ਕਿਸੇ ਚੀਜ਼ ਨੂੰ ਲੈ ਕੇ ਚਿੰਤਤ ਨਹੀਂ ਹਨ ਅਤੇ ਕਿਸੇ ਚੀਜ਼ ਨੂੰ ਜ਼ਿਆਦਾ ਮਹੱਤਵ ਨਹੀਂ ਦਿੰਦੇ ਹਨ।

ਵਿਰਾਟ ਕੋਹਲੀ ਦਾ ਵੱਡਾ ਬਿਆਨ
ਵਿਰਾਟ ਕੋਹਲੀ ਨੇ ਮੈਚ ਤੋਂ ਬਾਅਦ ਕਿਹਾ, ''ਇਸ ਪਿੱਚ 'ਤੇ ਸਾਂਝੇਦਾਰੀ ਬਣਾਉਣਾ ਸਭ ਤੋਂ ਮਹੱਤਵਪੂਰਨ ਸੀ। ਇਹ ਸਭ ਹਾਲਾਤ 'ਤੇ ਨਿਰਭਰ ਕਰਦਾ ਹੈ ਅਤੇ ਫਿਰ ਮੈਂ ਆਪਣੀ ਪਾਰੀ ਖੇਡਦਾ ਹਾਂ। ਮੇਰਾ ਸਮਾਂ, ਕ੍ਰੀਜ਼ 'ਤੇ ਮੇਰਾ ਸੰਜਮ, ਮੈਂ ਜਲਦਬਾਜ਼ੀ 'ਚ ਨਹੀਂ ਸੀ। ਮੈਂ ਜੋ ਸਿੰਗਲਜ਼ ਲਏ, ਉਹ ਮੇਰੇ ਲਈ ਸਭ ਤੋਂ ਸੰਤੁਸ਼ਟੀਜਨਕ ਹਿੱਸਾ ਸਨ। ਵਿਰਾਟ ਨੇ ਅੱਗੇ ਕਿਹਾ, ''ਇਹ ਗੇਮ ਪੂਰੀ ਤਰ੍ਹਾਂ ਦਬਾਅ ਅਤੇ ਸੰਜਮ ਦੀ ਖੇਡ ਹੈ। ਜੇ ਤੁਸੀਂ ਡੂੰਘਾਈ ਵਿੱਚ ਜਾਂਦੇ ਹੋ ਤਾਂ ਵਿਰੋਧੀ ਟੀਮ ਆਮ ਤੌਰ 'ਤੇ ਹਾਰ ਮੰਨਣ ਲੱਗਦੀ ਹੈ। ਆਪਣੀਆਂ ਭਾਵਨਾਵਾਂ 'ਤੇ ਕਾਬੂ ਰੱਖਣਾ ਬਹੁਤ ਜ਼ਰੂਰੀ ਹੈ। ਭਾਵੇਂ ਰਨ ਰੇਟ ਪ੍ਰਤੀ ਓਵਰ ਛੇ ਦੌੜਾਂ ਹੈ, ਮੈਂ ਇਸ ਬਾਰੇ ਚਿੰਤਤ ਨਹੀਂ ਹਾਂ। ਮੈਨੂੰ ਹੁਣ ਕੋਈ ਫਰਕ ਨਹੀਂ ਪੈਂਦਾ।"

ਇਹ ਵੀ ਪੜ੍ਹੋ : 2023 ਦਾ ਬਦਲਾ ਪੂਰਾ, ਭਾਰਤ ਨੇ ਸੈਮੀਫਾਈਨਲ 'ਚ ਆਸਟ੍ਰੇਲੀਆ ਨੂੰ ਹਰਾ ਕੇ ਚੈਂਪੀਅਨਜ਼ ਟਰਾਫੀ 'ਚੋਂ ਕੀਤਾ ਬਾਹਰ

'ਮੇਰੇ ਲਈ ਹੁਣ ਇਹ ਚੀਜ਼ਾ ਮਾਇਨੇ ਨਹੀਂ ਰੱਖਦੀਆਂ'
ਜਦੋਂ ਵਿਰਾਟ ਤੋਂ ਪੁੱਛਿਆ ਗਿਆ ਕਿ ਕੀ ਇਹ ਉਸ ਦੀ ਹੁਣ ਤੱਕ ਦੀ ਸਭ ਤੋਂ ਵਧੀਆ ਪਾਰੀ ਹੈ ਤਾਂ ਉਸ ਨੇ ਜਵਾਬ ਦਿੱਤਾ, “ਮੈਨੂੰ ਨਹੀਂ ਪਤਾ। ਇਹ ਤੁਹਾਡੇ 'ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਇਸ ਨੂੰ ਕਿਵੇਂ ਦੇਖਣਾ ਹੈ। ਮੈਂ ਕਦੇ ਵੀ ਮੀਲ ਪੱਥਰ ਵੱਲ ਧਿਆਨ ਨਹੀਂ ਦਿੱਤਾ। ਜਦੋਂ ਤੁਸੀਂ ਉਨ੍ਹਾਂ ਟੀਚਿਆਂ ਬਾਰੇ ਨਹੀਂ ਸੋਚਦੇ ਤਾਂ ਉਹ ਆਪਣੇ ਆਪ ਆ ਜਾਂਦੇ ਹਨ। ਜੇਕਰ ਮੈਂ ਤਿੰਨ ਅੰਕਾਂ 'ਤੇ ਪਹੁੰਚ ਜਾਂਦਾ ਹਾਂ ਤਾਂ ਇਹ ਬਹੁਤ ਵਧੀਆ ਹੈ, ਪਰ ਮੇਰੇ ਲਈ ਸਭ ਤੋਂ ਮਹੱਤਵਪੂਰਨ ਗੱਲ ਟੀਮ ਦੀ ਜਿੱਤ ਹੈ। ਹੁਣ ਇਹ ਸਾਰੀਆਂ ਗੱਲਾਂ ਮੇਰੇ ਲਈ ਮਾਇਨੇ ਨਹੀਂ ਰੱਖਦੀਆਂ।”

ਵਿਰਾਟ ਸੈਂਕੜੇ ਤੋਂ ਖੁੰਝੇ, ਪਰ ਬਣੇ ਰਿਕਾਰਡਸ ਦੇ ਬਾਦਸ਼ਾਹ
ਵਿਰਾਟ ਕੋਹਲੀ ਨੇ ਆਪਣੀ ਪਾਰੀ 'ਚ 84 ਦੌੜਾਂ ਬਣਾਈਆਂ, ਉਹ ਸੈਂਕੜੇ ਤੋਂ ਖੁੰਝ ਗਏ ਪਰ ਇਹ ਪਾਰੀ ਵੀ ਉਸ ਲਈ ਰਿਕਾਰਡ-ਤੋੜ ਸਾਬਤ ਹੋਈ। ਪਾਕਿਸਤਾਨ ਖਿਲਾਫ ਸ਼ਾਨਦਾਰ ਸੈਂਕੜਾ ਲਗਾਉਣ ਤੋਂ ਬਾਅਦ ਵਿਰਾਟ ਆਸਟ੍ਰੇਲੀਆ ਖਿਲਾਫ ਵੀ ਸੈਂਕੜਾ ਲਗਾ ਸਕਦੇ ਸਨ ਪਰ ਗਲਤ ਸ਼ਾਟ ਕਾਰਨ ਉਨ੍ਹਾਂ ਦਾ ਵਿਕਟ ਡਿੱਗ ਗਿਆ। ਇਸ ਦੇ ਬਾਵਜੂਦ ਵਿਰਾਟ ਕੋਹਲੀ ਨੇ ਕਈ ਰਿਕਾਰਡ ਤੋੜੇ। ਉਹ ਆਈਸੀਸੀ ਨਾਕਆਊਟ ਮੈਚਾਂ ਵਿੱਚ 1000 ਦੌੜਾਂ ਬਣਾਉਣ ਵਾਲਾ ਪਹਿਲਾ ਖਿਡਾਰੀ ਬਣਿਆ ਅਤੇ ਸਚਿਨ ਤੇਂਦੁਲਕਰ ਦੇ ਵਿਸ਼ਵ ਰਿਕਾਰਡ ਨੂੰ ਤੋੜਦੇ ਹੋਏ ਆਈਸੀਸੀ ਵਨਡੇ ਟੂਰਨਾਮੈਂਟਾਂ ਵਿੱਚ 24 ਫਿਫਟੀ ਪਲੱਸ ਸਕੋਰ ਬਣਾਉਣ ਵਾਲਾ ਪਹਿਲਾ ਖਿਡਾਰੀ ਬਣ ਗਿਆ।

ਇਹ ਵੀ ਪੜ੍ਹੋ : IND vs AUS ਸੈਮੀਫਾਈਨਲ ਮੈਚ 'ਚ ਟੀਮ ਇੰਡੀਆ ਨੇ ਬੰਨ੍ਹੀਆਂ ਕਾਲੀਆਂ ਪੱਟੀਆਂ, ਜਾਣੋ ਵਜ੍ਹਾ

ਵਿਰਾਟ ਕੋਹਲੀ ਦੀ ਮਾਨਸਿਕਤਾ: ਜਿੱਤ ਪਹਿਲਾਂ, ਰਿਕਾਰਡ ਬਾਅਦ 
ਵਿਰਾਟ ਕੋਹਲੀ ਦੀ ਮਾਨਸਿਕਤਾ ਹਮੇਸ਼ਾ ਜਿੱਤ 'ਤੇ ਕੇਂਦਰਿਤ ਰਹੀ ਹੈ। ਉਸ ਨੇ ਕਦੇ ਵੀ ਨਿੱਜੀ ਪ੍ਰਾਪਤੀਆਂ ਨੂੰ ਜ਼ਿਆਦਾ ਮਹੱਤਵ ਨਹੀਂ ਦਿੱਤਾ। ਉਸ ਲਈ ਸਭ ਤੋਂ ਅਹਿਮ ਗੱਲ ਟੀਮ ਦੀ ਸਫਲਤਾ ਅਤੇ ਮੈਚ ਦੀ ਸਥਿਤੀ ਮੁਤਾਬਕ ਖੇਡਣਾ ਹੈ। ਜਦੋਂ ਤੱਕ ਟੀਮ ਜਿੱਤਦੀ ਹੈ, ਉਹ ਆਪਣੇ ਨਿੱਜੀ ਰਿਕਾਰਡਾਂ ਦੀ ਚਿੰਤਾ ਨਹੀਂ ਕਰਦਾ। ਇਹ ਉਸਦੀ ਸਫਲਤਾ ਦਾ ਸਭ ਤੋਂ ਵੱਡਾ ਕਾਰਨ ਹੈ ਅਤੇ ਇਹੀ ਉਸ ਨੂੰ ਕ੍ਰਿਕਟ ਜਗਤ ਦੇ ਮਹਾਨ ਬੱਲੇਬਾਜ਼ਾਂ ਵਿੱਚੋਂ ਇੱਕ ਬਣਾਉਂਦਾ ਹੈ। ਵਿਰਾਟ ਕੋਹਲੀ ਦੀ ਇਹ ਸੋਚ ਅਤੇ ਉਸ ਦੁਆਰਾ ਨਿਭਾਈ ਗਈ ਭੂਮਿਕਾ ਇਸ ਮੈਚ ਵਿੱਚ ਟੀਮ ਇੰਡੀਆ ਲਈ ਬਹੁਤ ਫੈਸਲਾਕੁੰਨ ਰਹੀ ਅਤੇ ਉਸਨੇ ਇੱਕ ਵਾਰ ਫਿਰ ਸਾਬਤ ਕਰ ਦਿੱਤਾ ਕਿ ਉਹ ਨਾ ਸਿਰਫ ਦੌੜਾਂ ਬਣਾਉਣ ਵਿੱਚ ਮਾਹਰ ਹੈ, ਬਲਕਿ ਮੈਚ ਦੀ ਮਾਨਸਿਕਤਾ ਨੂੰ ਸਮਝਣ ਵਿੱਚ ਵੀ ਮਾਹਰ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8