ਪਾਕਿ ਨੇ ਪਹਿਲੇ ਟੀ20 ਮੈਚ ਲਈ ਕੀਤਾ ਟੀਮ ਦਾ ਐਲਾਨ, ਇਨ੍ਹਾਂ ਖਿਡਾਰੀਆਂ ਨੂੰ ਦਿੱਤਾ ਆਰਾਮ

ਕਰਾਚੀ- ਪਾਕਿਸਤਾਨ ਨੇ ਬੰਗਲਾਦੇਸ਼ ਦੇ ਵਿਰੁੱਧ ਸ਼ੁੱਕਰਵਾਰ ਨੂੰ ਮੀਰਪੁਰ ਵਿਚ ਹੋਣ ਵਾਲੇ ਪਹਿਲੇ ਟੀ-20 ਅੰਤਰਰਾਸ਼ਟਰੀ ਮੁਕਾਬਲੇ ਦੇ ਲਈ ਅਨੁਭਵੀ ਸਪਿਨਰ ਇਮਾਦ ਵਸੀਮ ਤੇ ਆਸਿਫ ਅਲੀ ਨੂੰ ਆਰਾਮ ਦਿੱਤਾ ਹੈ। ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦੇ ਪਹਿਲੇ ਮੈਚ ਦੇ ਲਈ ਵੀਰਵਾਰ ਨੂੰ ਐਲਾਨ 12 ਮੈਂਬਰੀ ਟੀਮ ਵਿਚ ਸੀਨੀਅਰ ਬੱਲੇਬਾਜ਼ ਮੁਹੰਮਦ ਹਫੀਜ਼ ਨੂੰ ਵੀ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਹਫੀਜ਼ ਨੇ ਦੌਰੇ ਤੋਂ ਹਟਣ ਦਾ ਫੈਸਲਾ ਕੀਤਾ।

ਇਮਾਦ, ਆਸਿਫ ਤੇ ਹਫੀਜ਼ ਟੀ-20 ਵਿਸ਼ਵ ਕੱਪ ਦੇ ਦੌਰਾਨ ਹੋਰ ਮੈਚ ਵਿਚ ਆਖਰੀ ਪਲੇਇੰਗ ਇਲੈਵਨ ਦਾ ਹਿੱਸਾ ਸੀ। ਪਾਕਿਸਤਾਨ ਟੀਮ ਪ੍ਰਬੰਧਨ ਨੇ ਹਾਲਾਂਕਿ ਆਪਣੇ ਮੁੱਖ ਤੇਜ਼ ਗੇਂਦਬਾਜ਼ਾਂ ਸ਼ਾਹੀਨ ਸ਼ਾਹ ਅਫਰੀਦੀ, ਹਸਨ ਅਲੀ ਤੇ ਹਾਰਿਸ ਰਾਉਫ ਨੂੰ ਆਰਾਮ ਨਹੀਂ ਦੇਣ ਦਾ ਫੈਸਲਾ ਕੀਤਾ। ਨੌਜਵਾਨ ਤੇਜ਼ ਗੇਂਦਬਾਜ਼ ਮੁਹੰਮਦ ਵਸੀਮ ਜੂਨੀਅਰ ਨੂੰ ਵੀ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਬੰਗਲਾਦੇਸ਼ ਨੇ ਸੀਨੀਅਰ ਖਿਡਾਰੀਆਂ ਮੁਸ਼ਫਿਕੁਰ ਰਹੀਮ, ਲਿਟਨ ਕੁਮਾਰ ਦਾਸ, ਰੂਬੇਲ ਹੁਸੈਨ, ਸੌਮਿਆ ਸਰਕਾਰ ਨੂੰ ਸੀਰੀਜ਼ ਦੇ ਲਈ ਟੀਮ ਵਿਚ ਜਗ੍ਹਾ ਨਹੀਂ ਦਿੱਤੀ ਹੈ, ਜਦਕਿ ਸ਼ਾਕਿਬ ਅਲ ਹਸਨ ਤੇ ਤੇਜ਼ ਗੇਂਦਬਾਜ਼ ਸੈਫੂਦੀਨ ਫਿੱਟਨੈਸ ਸਮੱਸਿਆ ਦੇ ਕਾਰਨ ਉਪਲੱਬਧ ਨਹੀਂ ਹਨ।

ਅੰਗੂਠੇ ਦੀ ਸੱਟ ਦੀ ਸੱਟ ਕਾਰਨ ਵਿਸ਼ਵ ਕੱਪ ਵਿਚ ਨਹੀਂ ਖੇਡਣ ਵਾਲੇ ਸਲਾਮੀ ਬੱਲੇਬਾਜ਼ ਤਮੀਮ ਇਕਬਾਲ ਹੁਣ ਤੱਕ ਸੱਟ ਤੋਂ ਨਹੀਂ ਉੱਭਰ ਸਕੇ ਹਨ। ਤਿੰਨ ਮੈਚ ਸ਼ੇਰ-ਏ-ਬੰਗਲਾ ਸਟੇਡੀਅਮ ਵਿਚ ਖੇਡੇ ਜਾਣਗੇ। ਦੂਜਾ ਮੈਚ 20 ਨਵੰਬਰ ਨੂੰ ਜਦਕਿ ਤੀਜਾ 22 ਨਵੰਬਰ ਨੂੰ ਹੋਵੇਗਾ। ਪਹਿਲੇ ਟੀ-20 ਦੇ ਲਈ ਪਾਕਿਸਤਾਨ ਦੀ 12 ਮੈਂਬਰੀ ਟੀਮ- ਬਾਬਰ ਆਜ਼ਮ (ਕਪਤਾਨ), ਸ਼ਾਦਾਬ ਖਾਨ, ਫਖਰ ਜ਼ਮਾਂ, ਹੈਦਰ ਅਲੀ, ਹਰਿਸ ਰਾਊਫ, ਹਸਨ ਅਲੀ, ਖੁਸ਼ਦਿਲ ਸ਼ਾਹ, ਮੁਹੰਮਦ ਨਵਾਜ਼, ਮੁਹੰਮਦ ਰਿਜ਼ਵਾਨ, ਮੁਹੰਮਦ ਵਸੀਮ ਜੂਨੀਅਰ, ਸ਼ਾਹੀਨ ਸ਼ਾਹ ਅਫਰੀਦੀ ਤੇ ਸ਼ੋਏਬ ਮਲਿਕ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।