ਪੁਰਾਣੀ ਦਿੱਲੀ 6 ਨੇ ਸੈਂਟਰਲ ਦਿੱਲੀ ਕਿੰਗਜ਼ ਨੂੰ 33 ਦੌੜਾਂ ਨਾਲ ਹਰਾ ਕੇ ਪਲੇਆਫ ''ਚ ਬਣਾਈ ਥਾਂ

ਨਵੀਂ ਦਿੱਲੀ- ਲਲਿਤ ਯਾਦਵ ਦੀ 29 ਗੇਂਦਾਂ 'ਤੇ 46 ਦੌੜਾਂ ਦੀ ਅਜੇਤੂ ਪਾਰੀ ਅਤੇ ਪ੍ਰਿੰਸ ਯਾਦਵ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਦਮ 'ਤੇ ਪੁਰਾਣੀ ਦਿੱਲੀ 6 ਨੇ ਆਪਣੇ ਆਖਰੀ ਲੀਗ ਪੜਾਅ ਦੇ ਮੈਚ ਵਿਚ ਸੈਂਟਰਲ ਦਿੱਲੀ ਕਿੰਗਜ਼ ਨੂੰ 33 ਦੌੜਾਂ ਨਾਲ ਹਰਾ ਕੇ ਦਿੱਲੀ  ਪ੍ਰੀਮੀਅਰ ਲੀਗ (ਡੀਪੀਐੱਲ) ਟੀ20 ਕ੍ਰਿਕਟ ਟੂਰਨਾਮੈਂਟ ਦੇ ਪਲੇਆਫ 'ਚ ਜਗ੍ਹਾ ਬਣਾਈ। ਸੋਮਵਾਰ ਰਾਤ ਨੂੰ ਖੇਡੇ ਗਏ ਮੈਚ 'ਚ ਪੁਰਾਣੀ ਦਿੱਲੀ 6 ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਨਿਰਧਾਰਤ 20 ਓਵਰਾਂ 'ਚ ਛੇ ਵਿਕਟਾਂ 'ਤੇ 173 ਦੌੜਾਂ ਬਣਾਈਆਂ ਅਤੇ ਫਿਰ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ ਸੈਂਟਰਲ ਦਿੱਲੀ ਕਿੰਗਜ਼ ਨੂੰ ਅੱਠ ਵਿਕਟਾਂ 'ਤੇ 140 ਦੌੜਾਂ 'ਤੇ ਰੋਕ ਦਿੱਤਾ।
ਲਲਿਤ ਯਾਦਵ ਤੋਂ ਇਲਾਵਾ ਪੁਰਾਣੀ ਦਿੱਲੀ 6 ਲਈ ਯੁਗ ਗੁਪਤਾ ਨੇ 44 ਦੌੜਾਂ ਦੀ ਉਪਯੋਗੀ ਪਾਰੀ ਖੇਡੀ। ਸੈਂਟਰਲ ਦਿੱਲੀ ਕਿੰਗਜ਼ ਲਈ ਰਜਨੀਸ਼ ਦਾਦਰ ਨੇ 29 ਦੌੜਾਂ ਅਤੇ ਦੋ ਵਿਕਟਾਂ ਲਈਆਂ। ਸੈਂਟਰਲ ਦਿੱਲੀ ਕਿੰਗਜ਼ ਦੀ ਟੀਮ ਜੌਂਟੀ ਸਿੱਧੂ ਦੀਆਂ 52 ਦੌੜਾਂ ਅਤੇ ਲਕਸ਼ੈ ਥਰੇਜਾ ਦੀਆਂ 34 ਦੌੜਾਂ ਦੇ ਬਾਵਜੂਦ ਟੀਚੇ ਤੋਂ ਕਾਫੀ ਪਿੱਛੇ ਰਹੀ। ਪ੍ਰਿੰਸ ਯਾਦਵ ਨੇ 15 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ।