ਸੇਰੇਨਾ ਨਾਲ ਖਿਡਾਰੀ ਸੰਘ ਦੇ ਬਾਰੇ ’ਚ ਗੱਲ ਕੀਤੀ ਸੀ : ਜੋਕੋਵਿਚ

ਸਪੋਰਟਸ ਡੈਸਕ— ਸਰਬੀਆਈ ਸਟਾਰ ਨੋਵਾਕ ਜੋਕੋਵਿਚ ਨੇ ਕਿਹਾ ਕਿ ਖਿਡਾਰੀਆਂ ਦੇ ਸੰਘ ਦੇ ਬਾਰੇ ’ਚ ਉਨ੍ਹਾਂ ਦੀ ਚੋਟੀ ਦੀ ਪੇਸ਼ੇਵਰ ਮਹਿਲਾ ਟੈਨਿਸ ਖਿਡਾਰੀਆਂ ਨਾਲ ਗੱਲਬਾਤ ਚਲ ਰਹੀ ਹੈ ’ਚ ਸੇਰੇਨਾ ਵਿਲੀਅਮਸਨ ਵੀ ਸ਼ਾਮਲ ਹੈ। ਜੋਕੋਵਿਚ ਤੇ ਵਾਸੇਕ ਪੋਸਪਿਸਿਲ ਨੇ ਖਿਡਾਰੀਆਂ ਲਈ ਜ਼ਿਆਦਾ ਪਾਦਰਸ਼ਤਾ ਦੇ ਲਈ ਪਿਛਲੇ ਸਾਲ ਅਗਸਤ ’ਚ ਅਮਰੀਕੀ ਓਪਨ ਦੇ ਦੌਰਾਨ ਖਿਡਾਰੀ ਸੰਘ ਦਾ ਗਠਨ ਕੀਤਾ ਸੀ।

ਵਿੰਬਲਡਨ ਦੇ ਸ਼ੁਰੂ ਹੋਣ ਤੋਂ ਤਿੰਨ ਦਿਨ ਪਹਿਲਾਂ ਜੋਕੋਵਿਚ ਨੇ ਪੇਸ਼ੇਵਰ ਟੈਨਿਸ ਖਿਡਾਰੀ ਸੰਘ (ਪੀ. ਟੀ. ਪੀ. ਏ.) ’ਤੇ ਚਰਚਾ ਲਈ ਸ਼ੁੱਕਰਵਾਰ ਨੂੰ ਕਿਹਾ ਕਿ ਤੁਸੀਂ ਮਹਿਸੂਸ ਕਰਨ ਲਗਦੇ ਹੋ ਕਿ ਖਿਡਾਰੀਆਂ ਦੀ ਨੁਮਾਇੰਦਗੀ ਉਸ ਤਰੀਕੇ ਨਾਲ ਨਹੀਂ ਹੁੰਦੀ ਜਿਸ ਦੇ ਉਹ ਹੱਕਦਾਰ ਹੁੰਦੇ ਹਨ ਤੇ ਜਿਸ ਤਰ੍ਹਾਂ ਉਨ੍ਹਾਂ ਦੀ ਨੁਮਾਇੰਦਗੀ ਹੋਣੀ ਚਾਹੀਦੀ ਹੈ। ਜੋਕੋਵਿਚ ਵਿੰਬਲਡਨ ’ਚ ਆਪਣਾ 20ਵਾਂ ਗ੍ਰੈਂਡਸਲੈਮ ਖ਼ਿਤਾਬ ਹਾਸਲ ਕਰਨ ਦੀ ਕੋਸ਼ਿਸ਼ ਕਰਨਗੇ। ਉਨ੍ਹਾਂ ਕਿਹਾ ਕਿ ਮੈਨੂੰ ਲਗਦਾ ਹੈ ਕਿ ਖਿਡਾਰੀਆਂ ਨੂੰ ਇਸ ਦਾ ਅੰਦਾਜ਼ਾ ਹੋ ਰਿਹਾ ਹੈ ਕਿ ਸਾਨੂੰ ਜੋ ਥੋੜ੍ਹੀ ਜਿਹੀ ਸੂਚਨਾ ਮਿਲਦੀ ਹੈ, ਉਸ ਤੋਂ ਸੰਤੁਸ਼ਟ ਹੋਣ ਦੀ ਕੋਸ਼ਿਸ਼ ਦੀ ਬਜਾਏ ਇਸ ਤੋਂ ਕੁਝ ਜ਼ਿਆਦਾ ਕਰਨ ਦੀ ਜ਼ਰੂਰਤ ਹੈ।