ਦੀਪਿਕਾ ਨਹੀਂ, ਇਸ ਅਭਿਨੇਤਰੀ ਦਾ ਫੈਨ ਹੈ ਭਾਰਤੀ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ

ਨਵੀਂ ਦਿੱਲੀ - ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੇ ਬੀਤੇ ਦਿਨੀਂ ਇਕ ਚੈਟ ਸ਼ੋਅ ਦੌਰਾਨ ਆਪਣੀ ਫੇਵਰੇਟ ਅਭਿਨੇਤਰੀ ਦਾ ਖੁਲਾਸਾ ਕੀਤਾ ਸੀ। ਸ਼ੋਅ ਦੇ ਹੋਸਟ ਨੇ ਜਦੋਂ ਉਸ ਤੋਂ ਪੁੱਛਿਆ ਸੀ ਕਿ ਬਾਲੀਵੁੱਡ ਅਭਿਨੇਤਰੀਆਂ ਅਨੁਸ਼ਕਾ ਸ਼ਰਮਾ ਤੇ ਦੀਪਿਕਾ ਪਾਦੁਕੋਣ 'ਚੋਂ ਕਿਹੜੀ ਜ਼ਿਆਦਾ ਹੌਟ ਹੈ, ਬੁਮਰਾਹ ਇਹ ਸਵਾਲ ਤੋਂ ਪਹਿਲਾਂ ਹੀ ਹੈਰਾਨ ਰਹਿ ਗਿਆ ਕਿਉਂਕਿ ਅਨੁਸ਼ਕਾ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦੀ ਪਤਨੀ ਹੈ, ਅਜਿਹੀ ਹਾਲਤ ਵਿਚ ਉਸ ਦੇ ਜਵਾਬ 'ਤੇ ਸਾਰਿਆਂ ਦੀਆਂ ਨਜ਼ਰਾਂ ਬਣ ਗਈਆਂ ਪਰ ਬੁਮਰਾਹ ਨੇ ਅਜਿਹੇ ਸਮੇਂ ਵਿਚ ਵੀ ਸਬਰ ਨਹੀਂ ਖੋਹਿਆ। ਉਸ ਨੇ ਤੁਰੰਤ ਐਂਕਰ ਨੂੰ ਕਿਹਾ ਕਿ ਤੁਸੀਂ ਜਿਹੜੇ ਬਦਲ ਦਿੱਤੇ ਹਨ, ਉਹ ਸੁਰੱਖਿਅਤ ਨਹੀਂ ਹਨ। ਬੁਮਰਾਹ ਦੇ ਇੰਨਾ ਕਹਿੰਦੇ ਹੀ ਹਾਲ ਤਾੜੀਆਂ ਨਾਲ ਗੂੰਜ ਉਠਿਆ। ਹਾਲਾਂਕਿ ਸ਼ੋਅ ਹੋਸਟ ਨੇ ਬੁਮਰਾਹ ਨੂੰ ਇਥੇ ਨਹੀਂ ਛੱਡਿਆ। ਇਸ ਤੋਂ ਬਾਅਦ ਉਸ ਨੇ ਉਸ ਤੋਂ ਆਲੀਆ ਤੇ ਪਰਿਣੀਤੀ ਚੋਪੜਾ ਵਿਚੋਂ ਕਿਹੜੀ ਅਭਿਨੇਤਰੀ ਹੈ ਜ਼ਿਆਦਾ ਮਜ਼ੇਦਾਰ, ਸਵਾਲ ਪੁੱਛਿਆ ਤਾਂ ਇਕ ਵਾਰ ਫਿਰ ਤੋਂ ਬੁਮਰਾਹ ਦੇ ਚਿਹਰੇ 'ਤੇ ਚੁੱਪੀ ਜਿਹੀ ਛਾ ਗਈ।

ਥੋੜ੍ਹਾ ਸੋਚ ਕੇ ਉਹ ਬੋਲਿਆ, ''ਹਾਂ, ਮੈਂ ਆਲੀਆ ਦੀਆਂ ਕੁਝ ਫੋਟੋਆਂ ਦੇਖੀਆਂ ਹਨ।'' ਐਂਕਰ ਨੇ ਜਦੋਂ ਕਿਹਾ ਕਿ ਇਸ ਦਾ ਮਤਲਬ ਹੈ ਕਿ ਤੁਹਾਨੂੰ ਦੀਪਿਕਾ-ਅਨੁਸ਼ਕਾ ਨਹੀਂ ਸਗੋਂ ਆਲੀਆ ਪਸੰਦ ਹੈ, ਇਸ 'ਤੇ ਬੁਮਰਾਹ ਨੇ ਕਿਹਾ, ''ਮੈਂ ਉਸਦੀਆਂ ਫਿਲਮਾਂ ਦੇਖੀਆਂ ਹਨ, ਇਸ ਲਈ ਮੈਂ ਉਸ ਨਾਲ ਸੰਬੰਧਤ ਹੋ ਸਕਦਾ ਹਾਂ।''

ਜ਼ਿਕਰਯੋਗ ਹੈ ਕਿ ਬੁਮਰਾਹ ਨੇ ਬੀਤੇ ਦਿਨੀਂ ਹੀ ਫੈਸ਼ਨ ਜਗਤ ਦੀ ਮਸ਼ਹੂਰ ਮੈਗਜ਼ੀਨ ਐਲੇ ਲਈ ਰੈਟ੍ਰੋ ਫੋਟੋਸ਼ੂਟ ਵੀ ਕਰਵਾਇਆ ਸੀ। ਬੁਮਰਾਹ ਨੇ ਫੋਟੋਸ਼ੂਟ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵੀ ਸ਼ੇਅਰ ਕੀਤੀਆਂ ਸਨ, ਜਿਨ੍ਹਾਂ ਨੂੰ ਉਸ ਦੇ ਫੈਨਜ਼ ਨੇ ਖੂਬ ਪਸੰਦ ਕੀਤਾ ਸੀ। ਜ਼ਿਕਰਯੋਗ ਹੈ ਕਿ ਜਸਪ੍ਰੀਤ ਬੁਮਰਾਹ ਅਜੇ ਰੈਸਟ 'ਤੇ ਹੈ। ਦੱਖਣੀ ਅਫਰੀਕਾ ਵਿਰੁੱਧ ਹੋਣ ਵਾਲੀ ਟੀ-20 ਸੀਰੀਜ਼ 'ਚ ਉਹ ਨਹੀਂ ਖੇਡ ਰਿਹਾ।