ਨਿਤਿਨ ਮੈਨਨ ਕਰਨਗੇ ਏਸ਼ੇਜ਼ ਸੀਰੀਜ਼ ''ਚ ਅੰਪਾਇਰਿੰਗ

ਨਵੀਂ ਦਿੱਲੀ : ਆਈਸੀਸੀ ਅੰਪਾਇਰਾਂ ਦੇ ਐਲੀਟ ਪੈਨਲ ਵਿੱਚ ਸ਼ਾਮਲ ਇਕਲੌਤੇ ਭਾਰਤੀ ਨਿਤਿਨ ਮੈਨਨ ਜੂਨ-ਜੁਲਾਈ ਵਿੱਚ ਇੰਗਲੈਂਡ ਅਤੇ ਆਸਟਰੇਲੀਆ ਵਿਚਾਲੇ ਹੋਣ ਵਾਲੀ ਏਸ਼ੇਜ਼ ਸੀਰੀਜ਼ ਵਿੱਚ ਅੰਪਾਇਰਿੰਗ ਕਰਨਗੇ। ਇੰਦੌਰ ਦੇ 39 ਸਾਲਾ ਮੈਨਨ ਤੀਜੇ ਅਤੇ ਚੌਥੇ ਟੈਸਟ ਵਿੱਚ ਮੈਦਾਨੀ ਅੰਪਾਇਰ ਹੋਣਗੇ।

ਬੀਸੀਸੀਆਈ ਦੇ ਇੱਕ ਸੂਤਰ ਨੇ ਕਿਹਾ- ਉਹ ਏਸ਼ੇਜ਼ ਵਿੱਚ ਅੰਪਾਇਰਿੰਗ ਕਰੇਗਾ। ਤੀਜਾ ਟੈਸਟ ਲੀਡਜ਼ 'ਚ 6 ਤੋਂ 10 ਜੁਲਾਈ ਤੱਕ ਅਤੇ ਚੌਥਾ ਟੈਸਟ 19 ਤੋਂ 23 ਜੁਲਾਈ ਤੱਕ ਮਾਨਚੈਸਟਰ 'ਚ ਖੇਡਿਆ ਜਾਵੇਗਾ। ਮੈਨਨ ਲੰਡਨ ਵਿੱਚ ਖੇਡੇ ਜਾਣ ਵਾਲੇ ਪੰਜਵੇਂ ਅਤੇ ਆਖਰੀ ਟੈਸਟ ਲਈ ਟੀਵੀ ਅੰਪਾਇਰ ਹੋਣਗੇ। ਇਸ ਤੋਂ ਪਹਿਲਾਂ ਮੇਨਨ 2020 'ਚ ਵੀ ਏਸ਼ੇਜ਼ 'ਚ ਅੰਪਾਇਰਿੰਗ ਕਰ ਸਕਦੇ ਸਨ ਪਰ ਕੋਰੋਨਾ ਮਹਾਮਾਰੀ ਕਾਰਨ ਸਿਰਫ ਸਥਾਨਕ ਅੰਪਾਇਰਾਂ ਦੀ ਹੀ ਚੋਣ ਕੀਤੀ ਗਈ ਸੀ।