ਲੀਗ 1 ਮੈਚ ਦੌਰਾਨ ਹਿੰਸਾ ਵਿੱਚ ਨੈਨਟੇਸ ਸਮਰਥਕ ਦੀ ਮੌਤ

ਨੈਨਟੇਸ (ਫਰਾਂਸ), (ਭਾਸ਼ਾ) : ਫਰਾਂਸ ਵਿੱਚ ਘਰੇਲੂ ਫੁੱਟਬਾਲ ਦੇ ਮੌਜੂਦਾ ਸੀਜ਼ਨ ਵਿੱਚ ਹਿੰਸਾ ਦੀ ਤਾਜ਼ਾ ਘਟਨਾ ਵਿੱਚ ਨਾਈਸ ਉੱਤੇ 1-0 ਦੀ ਜਿੱਤ ਤੋਂ ਪਹਿਲਾਂ ਨੈਨਟੇਸ ਹਿੰਸਾ ਦਾ ਸ਼ਿਕਾਰ ਹੋ ਗਿਆ ਜਿਸ ਕਾਰਨ ਉਨ੍ਹਾਂ ਦੇ ਇਕ ਸਮਰਥਕ ਦੀ ਸ਼ਨੀਵਾਰ ਨੂੰ ਮੌਤ ਹੋ ਗਈ। ਦੇਸ਼ ਦੀ ਚੋਟੀ ਦੀ ਫੁੱਟਬਾਲ ਲੀਗ ਲੀਗ 1 ਟੀਮ ਨੈਨਟੇਸ ਨੇ ਰਾਤੋ ਰਾਤ ਇੱਕ ਬਿਆਨ ਵਿੱਚ ਕਿਹਾ ਕਿ ਕਲੱਬ ਦੇ ਸਟੇਡੀਅਮ ਨੇੜੇ ਹੋਏ ਹਮਲੇ ਵਿੱਚ ਪ੍ਰਸ਼ੰਸਕ 'ਗੰਭੀਰ ਰੂਪ ਨਾਲ ਜ਼ਖਮੀ' ਹੋ ਗਿਆ ਸੀ। ਕਲੱਬ ਨੇ ਕਿਹਾ, “ਹਿੰਸਾ ਦਾ ਇਹ ਮਾਮਲਾ ਨਿਆਂਇਕ ਜਾਂਚ ਦਾ ਮਾਮਲਾ ਹੈ। 31 ਸਾਲਾ ਪ੍ਰਸ਼ੰਸਕ ਦੀ ਪਿੱਠ 'ਤੇ ਗੰਭੀਰ ਸੱਟ ਲੱਗੀ ਸੀ। ਐਮਰਜੈਂਸੀ ਸੇਵਾਵਾਂ ਦੀ ਮਦਦ ਦੇ ਬਾਵਜੂਦ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਨੈਂਟਸ ਨੇ ਕਿਹਾ ਕਿ ਸਰਕਾਰੀ ਵਕੀਲ ਦੇ ਦਫਤਰ ਨੇ ਕਤਲ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। 

ਇਹ ਵੀ ਪੜ੍ਹੋ : ਸਾਬਕਾ ਪਾਕਿਸਤਾਨੀ ਕ੍ਰਿਕਟਰ ਨੇ ਕੋਹਲੀ-ਸਚਿਨ ਨਹੀਂ, ਇਸ ਨੂੰ ਦੱਸਿਆ ਭਾਰਤ ਦਾ ਬੈਸਟ ਬੱਲੇਬਾਜ਼

ਨੈਂਟਸ ਨੇ ਹਾਲਾਂਕਿ ਨਾਇਸ ਦੇ ਖਿਲਾਫ ਮੈਚ 1-0 ਨਾਲ ਜਿੱਤ ਲਿਆ। ਮੌਜੂਦਾ ਸੀਜ਼ਨ 'ਚ 14 ਮੈਚਾਂ 'ਚ ਨਾਇਸ ਦੀ ਇਹ ਪਹਿਲੀ ਹਾਰ ਹੈ। ਫਰਾਂਸ ਦੀ ਖੇਡ ਮੰਤਰੀ ਐਮੇਲੀ ਓਡੀਆ-ਕਾਸਟੇਰਾ ਨੇ ਇਸ ਨੂੰ "ਬਹੁਤ ਦੁਖਦਾਈ" ਕਿਹਾ ਅਤੇ 'ਐਕਸ' 'ਤੇ ਲਿਖਿਆ, "ਮੇਰੀ ਸੰਵੇਦਨਾ ਉਸਦੇ ਪਰਿਵਾਰ, ਉਸਦੇ ਰਿਸ਼ਤੇਦਾਰਾਂ ਅਤੇ ਸਟੇਡੀਅਮ ਵਿੱਚ ਮੌਜੂਦ ਉਸਦੇ ਦੋਸਤਾਂ ਨਾਲ ਹੈ।" ਇਸ ਦੌਰਾਨ ਸਟੇਡੀਅਮ ਵਿੱਚ ਹਿੰਸਾ ਦੀਆਂ ਘਟਨਾਵਾਂ ਵਿੱਚ ਵਾਧਾ ਹੋਇਆ ਹੈ। 

ਇਹ ਵੀ ਪੜ੍ਹੋ : 5th T20I : ਸ਼ਰਮਨਾਕ ਸੀਰੀਜ਼ ਹਾਰ ਤੋਂ ਬਚਣਾ ਚਾਹੇਗਾ ਆਸਟ੍ਰੇਲੀਆ, ਜਾਣੋ ਪਿੱਚ ਰਿਪੋਰਟ ਤੇ ਸੰਭਾਵਿਤ ਪਲੇਇੰਗ 11

ਇਸ ਤੋਂ ਪਹਿਲਾਂ ਅਕਤੂਬਰ 'ਚ ਮਾਂਟਪੇਲੀਅਰ 'ਚ ਇਕ ਪ੍ਰਸ਼ੰਸਕ ਨੇ ਮੈਦਾਨ 'ਤੇ ਪਟਾਕਾ ਸੁੱਟਿਆ ਸੀ, ਜਿਸ ਕਾਰਨ ਮੈਚ ਅੱਧ ਵਿਚਾਲੇ ਹੀ ਰੋਕਣਾ ਪਿਆ ਸੀ। ਪਟਾਕੇ ਕਲੇਰਮੌਂਟ ਦੇ ਗੋਲਕੀਪਰ ਮੋਰੀ ਡਾਇਓ ਦੇ ਕੋਲ ਫਟ ਗਿਆ, ਜਿਸ ਤੋਂ ਬਾਅਦ ਉਸ ਨੂੰ ਸਟਰੈਚਰ ਦੀ ਮਦਦ ਨਾਲ ਬਾਹਰ ਕੱਢਿਆ ਗਿਆ। ਹਾਲਾਂਕਿ ਉਸ ਨੂੰ ਕੋਈ ਗੰਭੀਰ ਸੱਟ ਨਹੀਂ ਲੱਗੀ। ਇਸ ਘਟਨਾ ਤੋਂ ਕੁਝ ਹਫ਼ਤਿਆਂ ਬਾਅਦ, ਮਾਰਸੇਲ ਵਿੱਚ ਪ੍ਰਸ਼ੰਸਕਾਂ ਨੇ ਲਿਓਨ ਦੇ ਖਿਡਾਰੀਆਂ ਨੂੰ ਲੈ ਕੇ ਜਾ ਰਹੀ ਇੱਕ ਬੱਸ 'ਤੇ ਪੱਥਰਾਂ ਨਾਲ ਹਮਲਾ ਕੀਤਾ। ਇਸ ਘਟਨਾ ਵਿੱਚ ਲਿਓਨ ਦੇ ਕੋਚ ਫੈਬੀਓ ਗ੍ਰੋਸੋ ਦਾ ਚਿਹਰਾ ਖੂਨ ਨਾਲ ਲੱਥਪੱਥ ਹੋ ਗਿਆ ਸੀ। 

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8