ਮੁਸਤਫਿਜ਼ੁਰ ਨੇ ਰਣਨੀਤੀ ਨੂੰ ਚੰਗੀ ਤਰ੍ਹਾਂ ਚਲਾਇਆ: ਸੀਐੱਸਕੇ ਦੇ ਗੇਂਦਬਾਜ਼ੀ ਸਲਾਹਕਾਰ ਸਿਮੰਸ

ਚੇਨਈ— ਚੇਨਈ ਸੁਪਰ ਕਿੰਗਜ਼ ਦੇ ਗੇਂਦਬਾਜ਼ੀ ਸਲਾਹਕਾਰ ਐਰਿਕ ਸਿਮੰਸ ਨੇ ਬੰਗਲਾਦੇਸ਼ ਦੇ ਤੇਜ਼ ਗੇਂਦਬਾਜ਼ ਮੁਸਤਫਿਜ਼ੁਰ ਰਹਿਮਾਨ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਰਣਨੀਤੀ ਨੂੰ ਚੰਗੀ ਤਰ੍ਹਾਂ ਨਿਭਾਇਆ ਜਿਸ ਕਾਰਨ ਉਨ੍ਹਾਂ ਦੀ ਟੀਮ ਨੇ ਆਈਪੀਐੱਲ ਦੇ ਸ਼ੁਰੂਆਤੀ ਮੈਚ 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਖਿਲਾਫ ਆਸਾਨ ਜਿੱਤ ਦਰਜ ਕੀਤੀ ਸੀ।
ਮੁਸਤਫਿਜ਼ੁਰ ਨੇ 29 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ, ਜਿਸ ਦੀ ਬਦੌਲਤ ਚੇਨਈ ਦੀ ਟੀਮ ਆਰਸੀਬੀ ਨੂੰ ਛੇ ਵਿਕਟਾਂ 'ਤੇ 173 ਦੌੜਾਂ ਤੱਕ ਰੋਕਣ 'ਚ ਸਫਲ ਰਹੀ। ਮੌਜੂਦਾ ਚੈਂਪੀਅਨ ਚੇਨਈ ਨੇ ਇਹ ਮੈਚ 6 ਵਿਕਟਾਂ ਨਾਲ ਜਿੱਤ ਲਿਆ। ਸਿਮੰਸ ਨੇ ਮੈਚ ਤੋਂ ਬਾਅਦ ਕਿਹਾ, 'ਅਸੀਂ ਹਮੇਸ਼ਾ ਟੀਮ ਦੇ ਹਾਲਾਤ ਅਤੇ ਸੰਤੁਲਨ ਨੂੰ ਦੇਖਦੇ ਹਾਂ। ਹਾਲਾਤ ਉਸ (ਮੁਸਤਫਿਜ਼ੁਰ) ਲਈ ਅਨੁਕੂਲ ਸਨ ਪਰ ਇਹ ਉਸ ਰਣਨੀਤੀ ਨਾਲ ਸਬੰਧਤ ਸੀ ਜੋ ਅਸੀਂ ਇਸ ਮੈਚ ਲਈ ਤਿਆਰ ਕੀਤੀ ਸੀ ਅਤੇ ਅੱਜ ਉਸ ਨੇ ਇਸ ਨੂੰ ਚੰਗੀ ਤਰ੍ਹਾਂ ਨਿਭਾਇਆ।
ਸਿਮੰਸ ਨੇ ਪਾਵਰ ਪਲੇ ਅਤੇ ਡੈਥ ਓਵਰਾਂ 'ਚ ਚੰਗੀ ਗੇਂਦਬਾਜ਼ੀ ਕਰਨਾ ਬਹੁਤ ਜ਼ਰੂਰੀ ਦੱਸਿਆ। ਉਨ੍ਹਾਂ ਨੇ ਕਿਹਾ, 'ਤੇਜ਼ ਗੇਂਦਬਾਜ਼ਾਂ ਲਈ, ਪਾਵਰ ਪਲੇ ਅਤੇ ਡੈਥ ਓਵਰਾਂ ਵਿੱਚ ਨਿਯੰਤਰਿਤ ਗੇਂਦਬਾਜ਼ੀ ਖੇਡ ਦਾ ਬਹੁਤ ਮਹੱਤਵਪੂਰਨ ਪਹਿਲੂ ਹੈ। ਇਸ ਸਿਲਸਿਲੇ 'ਚ ਗੇਂਦਬਾਜ਼ਾਂ ਨੂੰ ਨਾ ਸਿਰਫ਼ ਹੁਨਰ, ਸਗੋਂ ਗੇਂਦਬਾਜ਼ੀ, ਫੀਲਡਿੰਗ ਸਟਾਈਲ ਅਤੇ ਰਣਨੀਤੀ ਨੂੰ ਵੀ ਸਮਝਾਉਣ ਦੀ ਕਾਫੀ ਚਰਚਾ ਹੁੰਦੀ ਹੈ।