IPL : ਮੁੰਬਈ ਤੇ ਕੋਲਕਾਤਾ ਵਿਚਾਲੇ ਮੁਕਾਬਲਾ ਅੱਜ, ਜਾਣੋ ਦੋਹਾਂ ਟੀਮਾਂ ਵਿਚਾਲੇ ਖੇਡੇ ਗਏ ਮੈਚਾਂ ਦੇ ਦਿਲਚਸਪ ਅੰਕੜੇ

04/13/2021 9:48:18 AM

ਸਪੋਰਟਸ ਡੈਸਕ— ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) 2021 ਸੀਜ਼ਨ ਦਾ 5ਵਾਂ ਮੈਚ ਅੱਜ ਮੁੰਬਈ ਇੰਡੀਅਨਜ਼ ਤੇ ਕੋਲਕਾਤਾ ਨਾਈਟਰਾਈਡਰਜ਼ ਵਿਚਾਲੇ ਚੇਨੱਈ ਦੇ ਚਿਦਾਂਬਰਮ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਚੇਨਈ ਦੇ ਇਸ ਸਟੇਡੀਅਮ ’ਚ ਹੋਣ ਵਾਲਾ ਇਹ ਮੈਚ ਸ਼ਾਮ 7.30 ਵਜੇ ਤੋਂ ਸ਼ੁਰੂ ਹੋਵੇਗਾ। ਮੈਚ ਤੋਂ ਪਹਿਲਾਂ ਆਓ ਇਕ ਝਾਤ ਮਾਰੀਏ ਦੋਹਾਂ ਟੀਮਾਂ ਵਿਚਾਲੇ ਖੇਡੇ ਗਏ ਮੈਚਾਂ ਦੇ ਦਿਲਚਸਪ ਅੰਕੜੇ, ਪਿੱਚ ਰਿਪੋਰਟ ਤੇ ਸੰਭਾਵੀ ਪਲੇਇੰਗ ਇਲੈਵਨ ’ਤੇ-

ਮੁੰਬਈ ਦਾ ਕੋਲਕਾਤਾ ਖ਼ਿਲਾਫ਼ ਸ਼ਾਨਦਾਰ ਰਿਕਾਰਡ
ਕੋਲਕਾਤਾ, ਮੁੰਬਈ ਦੀਆਂ ਪਸੰਦੀਦਾ ਟੀਮਾਂ ’ਚੋਂ ਇਕ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਦੋਹਾਂ ਵਿਚਾਲੇ ਕੁਲ 27 ਮੈਚਾਂ ’ਚੋਂ 21 ਵਾਰ ਮੁੰਬਈ ਨੇ ਜਿੱਤ ਹਾਸਲ ਕੀਤੀ ਹੈ ਜਦਕਿ ਕੋਲਕਾਤਾ ਨਾਈਟਰਾਈਡਰਜ਼ ਸਿਰਫ਼ 6 ਮੈਚ ਹੀ ਜਿੱਤ ਸਕੀ ਹੈ। 5 ਵਾਰ ਦੀ ਚੈਂਪੀਅਨ ਮੁੰਬਈ ਦੀ ਕੋਰ ਸਟ੍ਰੈਂਥ ਹੀ ਉਸ ਦੀ ਕਾਮਯਾਬੀ ਦਾ ਮੁੱਖ ਕਾਰਨ ਰਿਹਾ ਹੈ। ਜਦਕਿ, ਦੋ ਵਾਰ ਦੀ ਚੈਂਪੀਅਨ ਕੋਲਕਾਤਾ ਦੀ ਟੀਮ ਪਿਛਲੇ 2 ਸੀਜ਼ਨ ’ਚ ਪਲੇਆਫ਼ ’ਚ ਨਹੀਂ ਪਹੁੰਚ ਸਕੀ। ਹਾਲਾਂਕਿ ਟੀਮ ਨੇ ਇਸ ਸਾਲ ਨੀਲਾਮੀ ’ਚ ਕੁਝ ਸ਼ਾਨਦਾਰ ਖਿਡਾਰੀ ਖ਼ਰੀਦੇ ਸਨ। ਮੁੰਬਈ ਦੀ ਕਪਤਾਮਨੀ ਕਰ ਚੁੱਕੇ ਹਰਭਜਨ ਸਿੰਘ ਵੀ ਇਸ ਸਾਲ ਕੋਲਕਾਤਾ ’ਚ ਹੀ ਹਨ।

ਪਿੱਚ ਰਿਪੋਰਟ
ਐੱਮ. ਏ. ਚਿਦਾਂਬਰਮ ਸਟੇਡੀਅਮ ਦੀ ਪਿੱਚ-ਹਾਲ-ਫ਼ਿਲਹਾਲ ਸਪਿਨਰਸ ਲਈ ਮਦਦਗਾਰ ਰਹੀ ਹੈ। ਹਾਲਾਂਕਿ, ਇਸ ਵਾਰ ਪਿੱਚ ਦੀ ਤਿਆਰੀ ਚੇਨੱਈ ਫ਼੍ਰੈਂਚਾਈਜ਼ੀ ਦੀ ਬਜਾਏ ਆਈ. ਪੀ. ਐੱਲ. ਦੀ ਦੇਖਰੇਖ ’ਚ ਹੋਈ, ਫਿਰ ਵੀ ਉਮੀਦ ਲਾਈ ਜਾ ਰਹੀ ਹੈ ਕਿ ਇੱਥੇ ਸਪਿਨਰਸ ਕਮਾਲ ਦਿਖਾ ਸਕਦੇ ਹਨ। ਰਾਇਲ ਚੈਲੰਜਰਜ਼ ਬੈਂਗਲੁਰੂ ਤੇ ਮੁੰਬਈ ਇੰਡੀਅਨਜ਼ ਵਿਚਾਲੇ ਇੱਥੇ ਸੀਜ਼ਨ ਦੇ ਪਹਿਲੇ ਮੈਚ ’ਚ ਚੇਜ਼ ਕਰਨ ਵਾਲੀ ਟੀਮ (ਆਰ. ਸੀ. ਬੀ.) ਜਿੱਤੀ ਸੀ। ਜਦਕਿ, ਸਨਰਾਈਜ਼ਰਜ ਹੈਦਰਾਬਾਦ ਤੇ ਕੋਲਕਾਤਾ ਨਾਈਟਰਾਈਡਰਜ਼ ਵਿਚਾਲੇ ਹੋਏ ਸੀਜ਼ਨ ਦੇ ਤੀਜੇ ਮੈਚ ’ਚ ਪਹਿਲਾਂ ਬੈਟਿੰਗ ਕਰਨ ਵਾਲੀ ਟੀਮ (ਕੋਲਕਾਤਾ) ਨੇ ਜਿੱਤ ਹਾਸਲ ਕੀਤੀ ਸੀ।

ਦੋਵੇਂ ਟੀਮਾਂ ਦੀਆਂ ਸੰਭਾਵੀ ਪਲੇਇੰਗ ਇਲੈਵਨ :

ਕੇ. ਕੇ. ਆਰ. : ਈਓਨ ਮੋਰਗਨ (ਕਪਤਾਨ), ਦਿਨੇਸ਼ ਕਾਰਤਿਕ, ਸ਼ੁਭਮਨ ਗਿੱਲ, ਨਿਤੀਸ਼ ਰਾਣਾ, ਟਿਮ ਸੇਫਰਟ, ਰਿੰਕੂ ਸਿੰਘ, ਆਂਦਰੇ ਰਸਲ, ਸੁਨੀਲ ਨਰਾਇਣ, ਕੁਲਦੀਪ ਯਾਦਵ, ਸ਼ਿਵਮ ਮਾਵੀ, ਲਾਕੀ ਫਰਗਿਊਸਨ, ਪੈਟ ਕਮਿੰਸ, ਕਮਲੇਸ਼ ਨਾਗੇਰਕੋਟੀ, ਸੰਦੀਪ ਵਾਰੀਅਰ, ਪ੍ਰਸਿੱਧ ਕ੍ਰਿਸ਼ਨਾ, ਰਾਹੁਲ ਤ੍ਰਿਪਾਠੀ, ਵਰੁਣ ਚੱਕਰਵਰਤੀ, ਸ਼ਾਕਿਬ ਅਲ ਹਸਨ, ਸ਼ੈਲਡਨ ਜੈਕਸਨ, ਵੈਭਵ ਅਰੋੜਾ, ਹਰਭਜਨ ਸਿੰਘ, ਕਰੁਣ ਨਾਇਰ, ਬੇਨ ਕਟਿੰਗ, ਵੈਂਕਟੇਸ਼ ਅਈਅਰ ਅਤੇ ਪਵਨ ਨੇਗੀ ਸ਼ਾਮਲ ਹਨ।

ਮੁੰਬਈ : ਰੋਹਿਤ ਸ਼ਰਮਾ (ਕਪਤਾਨ), ਸੂਰਯਕੁਮਾਰ ਯਾਦਵ, ਅਨਮੋਲਪ੍ਰੀਤ ਸਿੰਘ, ਕ੍ਰਿਸ ਲਿਨ, ਸੌਰਭ ਤਿਵਾੜੀ, ਧਵਲ ਕੁਲਕਰਨੀ, ਜਸਪ੍ਰੀਤ ਬੁਮਰਾਹ, ਰਾਹੁਲ ਚਾਹਰ, ਟ੍ਰੇਂਟ ਬੋਲਟ, ਮੋਹਸਿਨ ਖਾਨ, ਹਾਰਦਿਕ ਪੰਡਯਾ, ਜੈਅੰਤ ਯਾਦਵ, ਕੀਰੋਨ ਪੋਲਾਰਡ, ਕਰੂਨਾਲ  ਪੰਡਯਾ, ਅਨੁਕੂਲ ਰਾਏ, ਈਸ਼ਾਨ ਕਿਸ਼ਨ, ਕੁਇੰਟੋਨ ਡਿਕੌਕ, ਆਦਿਤਿਆ ਤਾਰੇ, ਐਡਮ ਮਿਲਨੇ, ਨਾਥਨ ਕੁਲਟਰ ਨਾਈਲ, ਪਿਯੂਸ਼ ਚਾਵਲਾ, ਜੇਮਸ ਨੀਸ਼ਮ, ਯੁੱਧਵੀਰ ਚਰਕ, ਮਾਰਕੋ ਜਾਨਸਨ, ਅਰਜੁਨ ਤੇਂਦੁਲਕਰ।


Tarsem Singh

Content Editor

Related News