MPL ਇੰਡੀਅਨ ਚੈੱਸ ਟੂਰ - ਅਰਵਿੰਦ ਚਿਤਾਂਬਰਮ ਨਿਕਲੇ ਅੱਗੇ, ਵਿਦਿਤ ਲਗਾਤਾਰ 3 ਮੁਕਾਬਲੇ ਹਾਰੇ
Sunday, Sep 11, 2022 - 07:34 PM (IST)
ਨਵੀਂ ਦਿੱਲੀ (ਨਿਕਲੇਸ਼ ਜੈਨ)- ਚੈਂਪੀਅਨ ਚੈੱਸ ਟੂਰ 'ਚ ਜਗ੍ਹਾ ਬਣਾਉਣ ਲਈ ਆਯੋਜਿਤ ਹੋ ਰਹੇ ਐਮ. ਪੀ. ਐਲ. ਇੰਡੀਅਨ ਸ਼ਤਰੰਜ ਟੂਰ ਦੇ ਦੂਜੇ ਦਿਨ ਤੋਂ ਬਾਅਦ ਗ੍ਰਾਂਡ ਮਾਸਟਰ ਅਰਵਿੰਦ ਚਿਤਾਂਬਰਮ ਸਿੰਗਲ ਬੜ੍ਹਤ 'ਤੇ ਹਨ। ਕੁਝ ਦਿਨ ਪਹਿਲਾਂ ਦੁਬਈ ਓਪਨ ਜਿੱਤਣ ਵਾਲੇ ਅਰਵਿੰਦ ਚਿਤਾਂਬਰਮ ਨੇ ਲਗਾਤਾਰ ਦੂਜੇ ਦਿਨ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ।
ਇਹ ਵੀ ਪੜ੍ਹੋ : ਵਿਰਾਟ ਕੋਹਲੀ ਦੀ ਧਮਾਕੇਦਾਰ ਪਾਰੀ ਦੇਖ ਬੋਲੇ BCCI ਦੇ ਪ੍ਰਧਾਨ ਗਾਂਗੁਲੀ, ਉਹ ਮੇਰੇ ਤੋਂ ਬਿਹਤਰ ਹੈ
ਪਹਿਲੇ ਦਿਨ ਉਸ ਨੇ 3 ਜਿੱਤਾਂ ਅਤੇ 1 ਡਰਾਅ ਨਾਲ 10 ਅੰਕ ਬਣਾਏ। ਦੂਜੇ ਦਿਨ, ਉਹ ਆਪਣੇ ਸਾਰੇ 5 ਮੈਚ ਜਿੱਤ ਕੇ ਅਤੇ ਕੁੱਲ 15 ਹੋਰ ਅੰਕ ਹਾਸਲ ਕਰਨ ਵਿੱਚ ਕਾਮਯਾਬ ਰਹੇ ਤੇ ਉਹ 25 ਅੰਕਾਂ ਨਾਲ ਸਿੰਗਲ ਬੜ੍ਹਤ 'ਤੇ ਚੱਲ ਰਹੇ ਹਨ। ਦੂਜੇ ਦਿਨ ਅਰਵਿੰਦ ਨੇ ਅਰਜੁਨ ਕਲਿਆਣ, ਰੌਨਕ ਸਾਧਵਾਨੀ, ਅਭਿਮਨਿਊ ਪੌਰਾਣਿਕ, ਵਿਦਿਤ ਗੁਜਰਾਤੀ ਅਤੇ ਸ਼ਿਆਮ ਸੁੰਦਰ ਨੂੰ ਹਰਾਇਆ। ਵਿਦਿਤ ਗੁਜਰਾਤੀ ਲਈ ਦੂਜਾ ਦਿਨ ਬਹੁਤ ਖ਼ਰਾਬ ਰਿਹਾ, ਜੋ ਪਹਿਲੇ ਦਿਨ ਸਾਂਝੀ ਬੜ੍ਹਤ 'ਤੇ ਸਨ ਅਤੇ ਤਿੰਨ ਮੈਚ ਹਾਰ ਕੇ ਸਿਰਫ਼ 1 ਜਿੱਤ ਅਤੇ ਇਕ ਡਰਾਅ ਨਾਲ 4 ਹੋਰ ਅੰਕ ਹਾਸਲ ਕਰਨ 'ਚ ਕਾਮਯਾਬ ਰਹੇ ਅਤੇ ਉਹ ਅਧੀਬਾਨ ਭਾਸਕਰਨ ਅਤੇ ਲਿਓਨ ਮੇਂਡੋਂਸਾ ਨਾਲ 14 ਦੌੜਾਂ 'ਤੇ ਬਰਾਬਰ ਰਹੇ। ਐੱਸ.ਐੱਲ. ਨਰਾਇਣਨ 18 ਅੰਕਾਂ ਨਾਲ ਦੂਜੇ ਅਤੇ ਮਿੱਤਰਾਭਾ ਗੁਹਾ 17 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
