ਮੁਹੰਮਦ ਰਿਜ਼ਵਾਨ ਦੀਆਂ ਕੈਲੰਡਰ ਈਅਰ ''ਚ 2 ਹਜ਼ਾਰ ਦੌੜਾਂ ਪੂਰੀਆਂ, ਆਖੀ ਇਹ ਗੱਲ
Friday, Dec 17, 2021 - 06:09 PM (IST)
ਸਪੋਰਟਸ ਡੈਸਕ- ਮੁਹੰਮਦ ਰਿਜ਼ਵਾਨ ਅਜਿਹੇ ਪਹਿਲੇ ਕ੍ਰਿਕਟਰ ਹਨ ਜਿਨ੍ਹਾਂ ਨੇ ਟੀ-20 ਕੈਲੰਡਰ 'ਚ 2 ਹਜ਼ਾਰ ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ ਹਨ। ਖ਼ਾਸ ਗੱਲ ਇਹ ਹੈ ਕਿ ਉਸ ਦੇ ਨਾਲ ਬਾਬਰ ਆਜ਼ਮ ਇਸ ਲਿਸਟ 'ਚ ਦੂਜੇ ਸਥਾਨ 'ਤੇ ਜਗ੍ਹਾ ਬਣਾਏ ਹੋਏ ਹਨ। ਮੁਹੰਮਦ ਰਿਜ਼ਵਾਨ ਨੇ 2021 'ਚ ਟੀ-20 ਕੌਮਾਂਤਰੀ ਮੈਚਾਂ 'ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਦੇ ਰੂਪ 'ਚ 29 ਮੈਚਾਂ 'ਚ ਲਗਭਗ 74 ਦੇ ਔਸਤ ਨਾਲ 1,326 ਦੌੜਾਂ ਬਣਾਈਆਂ ਹਨ ਜਦਕਿ ਟੀ-20 ਦੀ ਹੋਰਨਾਂ ਲੀਗਜ਼ 'ਚ ਦੌੜਾਂ ਬਣਾ ਕੇ ਉਹ 2 ਹਜ਼ਾਰ ਦਾ ਅੰਕੜਾ ਪਾਰ ਕਰ ਚੁੱਕੇ ਹਨ। ਪਾਕਿਸਤਾਨ ਨੇ ਇਸ ਦੇ ਨਾਲ ਬਾਬਰ ਆਜ਼ਮ ਦੀ ਕਪਤਾਨੀ 'ਚ ਇਕ ਸਾਲ 'ਚ ਸਭ ਤੋਂ ਜ਼ਿਆਦਾ 20 ਜਿੱਤ ਹਾਸਲ ਕਰਨ ਵਾਲੀ ਟੀਮ ਬਣਨ ਦਾ ਮਾਣ ਵੀ ਹਾਸਲ ਕੀਤਾ।
ਕੈਲੰਡਰ ਈਅਰ 'ਚ ਸਭ ਤੋਂ ਜ਼ਿਆਦਾ ਦੌੜਾਂ
2036 ਮੁਹੰਮਦ ਰਿਜ਼ਵਾਨ (2021)
1779 ਬਾਬਰ ਆਜ਼ਮ (2021)
1665 ਕ੍ਰਿਸ ਗੇਲ (2015)
1614 ਵਿਰਾਟ ਕੋਹਲੀ (2016)
1607 ਬਾਬਰ ਆਜ਼ਮ (2019)
ਦੌੜਾਂ ਦਾ ਪਹਾੜ ਬਣਾਉਣ ਦੇ ਬਾਅਦ ਮੁਹੰਮਦ ਰਿਜ਼ਵਾਨ ਨੇ ਕਿਹਾ ਕਿ ਜਦੋਂ ਤਹਾਡੇ ਕੋਲ ਦੁਨੀਆ ਦਾ ਨੰਬਰ ਇਕ ਬੱਲੇਬਾਜ਼ ਕ੍ਰੀਜ਼ 'ਤੇ ਹੋਵੇ ਤਾਂ ਤੁਹਾਨੂੰ ਕਿਸੇ ਗੱਲ ਦੀ ਫ਼ਿਕਰ ਕਰਨ ਦੀ ਲੋੜ ਨਹੀਂ। ਤੁਹਾਨੂੰ ਇਸ ਨਾਲ ਸਥਿਤੀ ਨੂੰ ਚੰਗੀ ਤਰ੍ਹਾਂ ਸਮਝਣਾ ਹੁੰਦਾ ਹੈ। ਸਾਡੀ ਸਫਲ ਸਾਂਝੇਦਾਰੀ ਦੀ ਕੁੰਝੀ ਸਾਡਾ ਰਾਬਤਾ ਹੈ। ਅਸੀਂ ਸਿੰਗਲ ਲੈਂਦੇ ਰਹਿੰਦੇ ਹਾਂ, ਟੀਚਾ ਨਿਰਧਾਰਤ ਕਰਦੇ ਰਹਿੰਦੇ ਹਾਂ, ਕੁਝ ਫੀਲਡਰਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹਾਂ, ਜਿਸ ਕਾਰਨ ਸਾਨੂੰ ਦੂਜੀ ਟੀਮ 'ਤੇ ਹਾਵੀ ਹੋਣਾ ਆਸਾਨ ਹੋ ਜਾਂਦਾ ਹੈ।
