ਮੈਦਾਨ ਤੋਂ ਬਾਹਰ ਸੱਦੇ ਜਾਣ ''ਤੇ ਨਿਰਾਸ਼ ਦਿਖੇ ਮੇਸੀ

ਪੈਰਿਸ- ਲਿਓਨਲ ਮੇਸੀ ਦਾ ਪੈਰਿਸ ਸੇਂਟ-ਜਰਮਨ (ਪੀ. ਐੱਸ. ਜੀ.) ਦੇ ਘਰੇਲੂ ਮੈਦਾਨ 'ਤੇ ਪਹਿਲਾ ਮੈਚ ਯਾਦਗਾਰ ਨਹੀਂ ਰਿਹਾ, ਜਿੱਥੇ ਫਰਾਂਸ ਦੀ ਚੋਟੀ ਦੀ ਘਰੇਲੂ ਫੁੱਟਬਾਲ ਲੀਗ (ਲੀਗ-1) 'ਚ ਲਿਓਨ ਦੇ ਵਿਰੁੱਧ ਉਸਦਾ ਫ੍ਰੀ ਕਿਕ ਕ੍ਰਾਸਬਾਰ (ਗੋਲ ਪੋਸਟ) ਨਾਲ ਟਕਰਾ ਗਿਆ ਤੇ ਉਹ ਹੁਣ ਤੱਕ ਇਸ ਲੀਗ 'ਚ ਖਾਤਾ ਨਹੀਂ ਖੋਲ ਸਕੇ। ਟੀਮ ਨੇ ਇਸ ਦਿੱਗਜ ਖਿਡਾਰੀ ਨੂੰ ਮੈਚ ਦੇ 75ਵੇਂ ਮਿੰਟ 'ਚ ਮੈਦਾਨ ਤੋਂ ਬਾਹਰ ਬੁਲਾ ਲਿਆ, ਜਿਸ ਨਾਲ ਉਸਦੇ ਚਿਹਰੇ 'ਤੇ ਨਾਰਾਜ਼ਗੀ ਝਲਕ ਰਹੀ ਸੀ।

ਬਦਲਵੇਂ ਖਿਡਾਰੀ ਮੌਰੇ ਇਕਾਰਡੀ ਨੇ ਸਟਾਪੇਜ ਟਾਈ (90+3 ਮਿੰਟ) ਗੋਲ ਕਰ ਮੌਜੂਦਾ ਸੈਸ਼ਨ 'ਚ ਟੀਮ ਨੂੰ ਲਗਾਤਾਰ 6ਵੀਂ ਜਿੱਤ ਦਿਵਾਈ। ਪੀ. ਐੱਸ. ਜੀ. ਨੇ ਇਹ ਮੁਕਾਬਲਾ 2-1 ਨਾਲ ਆਪਣੇ ਨਾਂ ਕੀਤਾ। ਇਸ ਤੋਂ ਪਹਿਲਾਂ ਲੁਕਾਸ ਪਾਕਵੇਟਾ ਨੇ 53ਵੇਂ ਮਿੰਟ ਵਿਚ ਮੈਚ ਦਾ ਪਹਿਲਾ ਗੋਲ ਕਰ ਲਿਓਨ ਨੂੰ ਬੜ੍ਹਤ ਦਿਵਾ ਦਿੱਤੀ ਸੀ। ਉਸਦੀ ਇਹ ਬੜ੍ਹਤ ਹਾਲਾਂਕਿ 13 ਮਿੰਟ ਤੱਕ ਹੀ ਕਾਇਮ ਰਹੀ ਜਦੋ ਨੇਮਾਰ ਨੇ ਪੈਨਲਟੀ ਨੂੰ ਗੋਲ 'ਚ ਬਦਲ ਕੇ ਸਕੋਰ 1-1 ਨਾਲ ਬਰਾਬਰ ਕਰ ਦਿੱਤਾ।

ਪੀ. ਐੱਸ. ਜੀ. ਦੇ ਕੋਚ ਮੌਰੀਸੀਓ ਪੋਚੇਟੀਨੋ ਨੇ ਜਦੋ ਮੇਸੀ ਦੀ ਜਗ੍ਹਾ ਮੈਚ 'ਚ ਇਕਾਰਡੀ ਨੂੰ ਉਤਾਰਨ ਦਾ ਫੈਸਲਾ ਕੀਤਾ ਤਾਂ 6ਵਾਰ ਦੇ ਬੈਲਨ ਡੀ ਅਤੇ ਜੇਤੂ ਖਿਡਾਰੀ ਦੇ ਚਿਹਰੇ 'ਤੇ ਨਿਰਾਸ਼ਾ ਆ ਗਈ। ਉਨ੍ਹਾਂ ਨੇ ਗੁੱਸੇ 'ਚ ਮੈਦਾਨ ਤੋਂ ਬਾਹਰ ਨਿਕਲਦੇ ਸਮੇਂ ਇਕਾਰਡੀ ਨਾਲ ਹੱਥ ਵੀਂ ਨਹੀਂ ਮਿਲਾਇਆ। ਬਾਰਸੀਲੋਨਾ ਨਾਲ ਪੀ. ਐੱਸ. ਜੀ. ਆਉਣ ਤੋਂ ਬਾਅਦ ਮੇਸੀ ਦਾ ਇਹ ਤੀਜਾ ਮੈਚ ਸੀ ਪਰ ਇਸ ਟੀਮ ਲਈ ਹੁਣ ਵੀ ਉਹ ਆਪਣੇ ਪਹਿਲੇ ਗੋਲ ਦੀ ਭਾਲ 'ਚ ਹੈ। ਲੀਗ ਸੂਚੀ ਵਿਚ ਪੀ. ਐੱਸ. ਜੀ ਪੰਜ ਅੰਕਾਂ ਦੀ ਵੱਡੀ ਬੜ੍ਹਤ ਨਾਲ ਚੋਟੀ 'ਤੇ ਹੈ। ਦੂਜੇ ਸਥਾਨ 'ਤੇ ਮਾਰਸਿਲੇ ਹੈ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।