ਬੁਰੀ ਤਰ੍ਹਾਂ ਹਾਰੀ ਨਿਕਹਤ ਪ੍ਰਤੀ ਮੈਰੀਕਾਮ ਦਾ ਤਲਖ਼ ਪ੍ਰਤੀਕਰਮ, ਕਾਰਨ ਵੀ ਦੱਸਿਆ

ਸਪੋਰਟਸ ਡੈਸਕ— 6 ਵਾਰ ਦੀ ਵਰਲਡ ਚੈਂਪੀਅਨ ਐੱਮ. ਸੀ. ਮੈਰੀ ਕਾਮ ਨੇ 51 ਕਿਲੋਗ੍ਰਾਮ ਵਰਗ 'ਚ ਨਿਕਹਤ ਜ਼ਰੀਨ ਨੂੰ 9-1 ਨਾਲ ਹਰਾ ਕੇ ਚੀਨ 'ਚ ਅਗਲੇ ਸਾਲ ਹੋਣ ਵਾਲੇ ਓਲੰਪਿਕ ਕੁਆਲੀਫਾਇਰ ਦੇ ਲਈ ਭਾਰਤੀ ਟੀਮ 'ਚ ਜਗ੍ਹਾ ਬਣਾਈ। ਇਸ ਮੁਕਾਬਲੇ 'ਚ ਮੈਰੀਕਾਮ ਨੇ ਬਹੁਤ ਦਮਦਾਰ ਮੁੱਕੇ ਜੜ ਕੇ ਸਪੱਸ਼ਟ ਅੰਕ ਹਾਸਲ ਕਰਕੇ ਜਿੱਤ ਦਰਜ ਕੀਤੀ। ਮੁਕਾਬਲੇ 'ਚ ਜਿੱਤ ਦੇ ਬਾਅਦ ਮੈਰੀ ਕਾਮ ਨੇ ਵਿਰੋਧੀ ਨਿਕਹਤ ਨੂੰ ਹਰਾਉਣ ਦੇ ਬਾਅਦ ਹੱਥ ਨਹੀਂ ਮਿਲਾਇਆ ਸੀ।

ਮੈਚ ਦੇ ਬਾਅਦ ਜਦੋਂ ਮੈਰੀ ਕਾਮ ਤੋਂ ਇਸ ਵਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ, ''ਮੈਨੂੰ ਉਸ ਨਾਲ ਹੱਥ ਕਿਉਂ ਨਹੀਂ ਮਿਲਾਉਣਾ ਚਾਹੀਦਾ ਹੈ? ਜੇਕਰ ਉਹ ਚਾਹੁੰਦੀ ਹੈ ਕਿ ਦੂਜੇ ਉਸ ਦਾ ਸਨਮਾਨ ਕਰਨ ਤਾਂ ਉਸ ਨੂੰ ਪਹਿਲਾਂ ਦੂਜਿਆਂ ਦਾ ਸਨਮਾਨ ਕਰਨਾ ਚਾਹੀਦਾ ਹੈ। ਮੈਨੂੰ ਅਜਿਹੇ ਸੁਭਾਅ ਵਾਲੇ ਲੋਕ ਪਸੰਦ ਨਹੀਂ ਹਨ। ਬਸ ਰਿੰਗ ਦੇ ਅੰਦਰ ਆਪਣੀ ਗੱਲ ਸਾਬਤ ਕਰੇ, ਬਾਹਰ ਨਹੀਂ।''

Mary Kom on not shaking hands with Nikhat Zareen after the bout: Why should I shake hands with her? If she want others to respect her then she should first respect others. I don't like people with such nature.Just prove your point inside the ring,not outside. https://t.co/TERXuRECMh pic.twitter.com/vwqSvSmgN3

— ANI (@ANI) December 28, 2019

ਓਲੰਪਿਕ ਕੁਆਲੀਫਾਇਰ ਲਈ ਚੋਣ ਕਮੇਟੀ 'ਤੇ ਭਾਰਤੀ ਮੁੱਕੇਬਾਜ਼ੀ ਮਹਾਸੰਘ ਦੇ ਢਿੱਲੇਮੱਠੇ ਰਵਈਏ ਦੇ ਬਾਅਦ ਜ਼ਰੀਨ ਨੇ ਕੁਝ ਹਫਤੇ ਪਹਿਲਾਂ 6 ਵਾਰ ਦੀ ਵਿਸ਼ਵ ਚੈਂਪੀਅਨ ਐੱਮ. ਸੀ. ਮੈਰੀਕਾਮ ਦੇ ਖਿਲਾਫ ਟ੍ਰਾਇਲ ਦੀ ਮੰਗ ਕਰਕੇ ਹੰਗਾਮਾ ਖੜ੍ਹਾ ਕਰ ਦਿੱਤਾ ਸੀ। ਮੈਰੀਕਾਮ ਨੇ ਕਿਹਾ ਸੀ ਕਿ ਉਹ ਬੀ. ਐੱਫ. ਆਈ. ਈ. ਦੀ ਨੀਤੀ ਦੀ ਪਾਲਣਾ ਕਰੇਗੀ ਜਿਸ ਨੇ ਅੰਤ 'ਚ ਟ੍ਰਾਇਲ ਕਰਾਉਣ ਦਾ ਫੈਸਲਾ ਕੀਤਾ।