ਏਸ਼ੇਜ਼ ਦੌਰੇ 'ਤੇ ਜਾਣ ਦੇ ਲਈ ਬੇਤਾਬ ਹਾਂ : ਬ੍ਰਾਡ

ਲੰਡਨ- ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਸਟੁਅਰਡ ਬ੍ਰਾਡ ਨੇ ਇਹ ਸਾਫ ਕਰ ਦਿੱਤਾ ਹੈ ਕਿ ਜੇਕਰ ਉਸਦੀ ਫਿੱਟਨੈੱਸ ਵਧੀਆ ਰਹੀ ਤਾਂ ਉਹ ਏਸ਼ੇਜ਼ ਦੌਰੇ 'ਤੇ ਆਸਟਰੇਲੀਆ ਜਾਣ ਦੇ ਲਈ ਬੇਤਾਬ ਹਨ। ਹਾਲਾਂਕਿ ਉਨ੍ਹਾਂ ਨੇ ਇਸ ਗੱਲ 'ਤੇ ਵੀ ਜ਼ੋਰ ਦਿੱਤ ਹੈ ਕਿ ਸਾਨੂੰ ਇਸ 'ਤੇ ਵੀ ਨਜ਼ਰ ਰੱਖਣੀ ਹੋਵੇਗੀ ਕਿ ਉੱਥੇ ਕਿਸ ਤਰ੍ਹਾਂ ਦੀਆਂ ਪਾਬੰਦੀਆਂ ਰਹਿਣਗੀਆਂ। ਇਸ ਗੱਲ ਦਾ ਖਦਸ਼ਾ ਹੈ ਕਿ ਆਸਟਰੇਲੀਆ ਵਿਚ ਕੋਵਿਡ-19 ਨੂੰ ਲੈ ਕੇ ਬਣਾਏ ਗਏ ਸਖਤ ਪ੍ਰੋਟੋਕਾਲ ਦੀ ਵਜ੍ਹਾ ਨਾਲ ਕਈ ਖਿਡਾਰੀ ਇਸ ਦੌਰੇ ਤੋਂ ਆਪਣਾ ਨਾਂ ਵਾਪਸ ਲੈ ਸਕਦੇ ਹਨ। ਬ੍ਰਾਡ ਸਿਰਫ ਇਕ ਹੀ ਫਾਰਮੈੱਟ ਵਿਚ ਖੇਡਦੇ ਹਨ ਇਸ ਲਈ ਉਹ ਇਸ ਦੌਰੇ 'ਤੇ ਜ਼ਰੂਰ ਜਾਣਾ ਚਾਹੁੰਦੇ ਹਨ, ਨਾਲ ਹੀ ਇਸ ਗੱਲ ਦੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜੇਕਰ ਜੋ ਰੂਟ ਸਮੇਤ ਕਈ ਸੀਨੀਅਰ ਖਿਡਾਰੀਆਂ ਨੇ ਇਸ ਦੌਰੇ ਤੋਂ ਨਾਂ ਵਾਪਸ ਲੈ ਲਿਆ ਤਾਂ ਬ੍ਰਾਡ ਨੂੰ ਕਪਤਾਨੀ ਦੀ ਜ਼ਿੰਮੇਦਾਰੀ ਵੀ ਮਿਲ ਸਕਦੀ ਹੈ।

ਇਹ ਖ਼ਬਰ ਪੜ੍ਹੋ- ਬੁਮਰਾਹ ਨੇ ਬਣਾਇਆ ਰਿਕਾਰਡ, ਮੁੰਬਈ ਇੰਡੀਅਨਜ਼ ਨੇ ਦਿੱਤਾ ਸ਼ਾਨਦਾਰ ਤੋਹਫਾ

ਬ੍ਰਾਡ ਨੇ ਕਿਹਾ ਜੇਕਰ ਤੁਸੀਂ ਮੇਰੇ ਕੋਲੋ ਪੁੱਛੋਗੇ ਤਾਂ ਮੈਂ ਇਹੀ ਕਹਾਂਗਾ ਕਿ ਨਵੰਬਰ ਵਿਚ ਆਸਟਰੇਲੀਆ ਦੀ ਉਡਾਣ ਭਰਨ ਵਾਲੀ ਫਲਾਈਟ ਵਿਚ ਮੈਂ ਮੌਜੂਦ ਰਹਿਣਾ ਚਾਹੁੰਦਾ ਹਾਂ। ਮੈਂ ਇਸ ਦੇ ਲਈ ਖੁਦ ਨੂੰ ਫਿੱਟ ਰੱਖਣ ਦੀ ਪੂਰੀ ਕੋਸ਼ਿਸ਼ ਵਿਚ ਲੱਗਿਆ ਹੋਇਆ ਹਾਂ, ਮੈਨੂੰ ਯਕੀਨ ਹੈ ਕਿ ਇੰਗਲੈਂਡ ਦੀ ਟੀਮ ਇਸ ਦੌਰੇ 'ਤੇ 100 ਫੀਸਦੀ ਜਾਵੇਗੀ। ਏਸ਼ੇਜ਼ ਦੌਰੇ ਦੇ ਲਈ ਦਲ ਦੇ ਚੋਣ ਵਿਚ ਹੁਣ ਕਰੀਬ ਦੋ ਹੀ ਹਫਤਿਆਂ ਦਾ ਸਮਾਂ ਬਚਿਆ ਹੈ ਅਤੇ ਇਸਦੇ ਲਈ ਅਸੀਂ ਸਭ ਬੇਕਰਾਰ ਹਾਂ।

ਇਹ ਖ਼ਬਰ ਪੜ੍ਹੋ- ਆਸਟਰੇਲੀਆਈ ਤੇਜ਼ ਗੇਂਦਬਾਜ਼ ਸਟੇਲਾ ਨੂੰ ਭਾਰਤ ਵਿਰੁੱਧ ਵਨ ਡੇ 'ਚ ਡੈਬਿਊ ਦੀ ਉਮੀਦ

ਇੰਗਲਿਸ਼ ਕ੍ਰਿਕਟ ਬੋਰਡ (ਈ. ਸੀ. ਬੀ.) ਅਤੇ ਕ੍ਰਿਕਟ ਆਸਟਰੇਲੀਆ ਦੇ ਵਿਚਾਲੇ ਲਗਾਤਾਰ ਇਸ ਮੁੱਦੇ 'ਤੇ ਗੱਲਬਾਤ ਜਾਰੀ ਹੈ ਅਥੇ ਇਸ ਗੱਲ ਦੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਨਵੰਬਰ ਤੱਕ ਇਨ੍ਹਾਂ ਪਾਬੰਦੀਆਂ ਵਿਚ ਢਿੱਲ ਦੇ ਦਿੱਤੀ ਜਾਵੇਗੀ। ਬ੍ਰਾਡ ਨੇ ਕਿਹਾ ਕਿ ਈ. ਸੀ. ਬੀ. ਸਾਨੂੰ ਲਗਾਤਾਰ ਹਰ ਉਨ੍ਹਾਂ ਅਪਡੇਟ ਦੀ ਜਾਣਕਾਰੀ ਦੇ ਰਿਹਾ ਹੈ ਜੋ ਕ੍ਰਿਕਟ ਆਸਟਰੇਲੀਆ ਵਲੋਂ ਮਿਲ ਰਹੀ ਹੈ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।