ਕਪਤਾਨ ਇਓਨ ਮੋਰਗਨ ਨੂੰ ਹਮੇਸ਼ਾ ਤੋਂ ਮੇਰੇ 'ਤੇ ਸੀ ਭਰੋਸਾ : ਆਦਿਲ ਰਾਸ਼ਿਦ

ਸਪੋਰਟਸ ਡੈਸਕ : ਇੰਗਲੈਂਡ ਦੇ ਲੈੱਗ ਸਪਿਨਰ ਆਦਿਲ ਰਾਸ਼ਿਦ ਨੇ ਕਿਹਾ ਕਿ ਕਪਤਾਨ ਇਓਨ ਮੋਰਗਨ ਨੂੰ ਵਰਲਡ ਕੱਪ ਦੇ ਲੀਗ ਪੜਾਅ 'ਚ ਔਸਤ ਪ੍ਰਦਰਸ਼ਨ ਦੇ ਬਾਵਜੂਦ ਉਨ੍ਹਾਂ ਦੀ ਸਮਰੱਥਾ 'ਤੇ ਹਮੇਸ਼ਾ ਤੋਂ ਭਰੋਸਾ ਸੀ। ਸੈਮੀਫਾਈਨਲ ਤੋਂ ਪਹਿਲਾਂ ਰਾਸ਼ਿਦ ਨੇ 54 ਦੌੜਾਂ ਦੇ ਕੇ ਅੱਠ ਵਿਕਟਾਂ ਲਈਆਂ ਸਨ। ਮੋਰਗਨ ਨੇ ਹਾਲਾਂਕਿ ਸੈਮੀਫਾਈਨਲ 'ਚ ਵੀ ਉਨ੍ਹਾਂ 'ਤੇ ਭਰੋਸਾ ਕੀਤਾ 'ਤੇ ਉਨ੍ਹਾਂ ਨੇ ਆਸਟਰੇਲੀਆ ਦੇ ਖਿਲਾਫ ਤਿੰਨ ਵਿਕਟਾਂ ਲਈਆਂ। ਰਾਸ਼ਿਦ ਨੇ ਆਈ. ਸੀ. ਸੀ. ਦੀ ਵੈੱਬਸਾਈਟ 'ਤੇ ਕਿਹਾ,  'ਉਨ੍ਹਾਂ ਨੂੰ ਮੇਰੇ 'ਤੇ ਪਹਿਲੇ ਦਿਨ ਤੋਂ ਭਰੋਸਾ ਸੀ।

ਮੈਂ ਜਿੰਨੇ ਵੀ ਕਪਤਾਨਾਂ ਦੇ ਨਾਲ ਖੇਡਿਆ ਹਾਂ, ਉਨ੍ਹਾਂ 'ਚੋ ਉਹ ਸਭ ਤੋਂ ਬਿਹਤਰੀਨ ਹਨ। ਉਨ੍ਹਾਂ ਨੂੰ ਮੇਰੀ ਖੇਡ ਦੇ ਬਾਰੇ 'ਚ ਸਭ ਕੁਝ ਪਤਾ ਹੈ। ਉਨ੍ਹਾਂ ਨੇ ਸਵੀਕਾਰ ਕੀਤਾ ਕਿ ਮੋਡੇ ਦੀ ਸੱਟ ਦੇ ਕਾਰਨ ਉਹ ਲਗਾਤਾਰ ਗੂਗਲੀ ਨਹੀਂ ਪਾ ਰਹੇ। ਮੈਨੂੰ ਪਤਾ ਹੈ ਕਿ ਉਹ ਮੇਰਾ ਸਭ ਤੋਂ ਵੱਡਾ ਹਥਿਆਰ ਹੈ । ਮੈਨੂੰ ਪਤਾ ਹੈ ਕਿ ਮੈਨੂੰ ਇਹ ਗੇਂਦ ਸੁੱਟਣੀ ਹੀ ਹੈ, ਭੱਲੇ ਹੀ ਮੋਡੇ 'ਚ ਦਰਦ ਕਿਉਂ ਨਾ ਹੋਵੇ। ਫਾਈਨਲ ਦੇ ਬਾਰੇ 'ਚ ਉਨ੍ਹਾਂ ਨੇ ਕਿਹਾ , 'ਮੈਂ ਕੜੀ ਮਿਹਨਤ ਕਰਕੇ ਲੈਅ ਕਾਇਮ ਰੱਖਣ ਦੀ ਕੋਸ਼ਿਸ਼ ਕਰਾਂਗਾ।