ਕੇਸ਼ਵ ਮਹਾਰਾਜ ਨੇ ਰੱਚਿਆ ਇਤਿਹਾਸ, ਅਜਿਹਾ ਕਰਨ ਵਾਲੇ ਬਣੇ ਦੁਨੀਆ ਦੇ 5ਵੇਂ ਬੱਲੇਬਾਜ਼
10/12/2019 5:31:37 PM
ਨਵੀਂ ਦਿੱਲੀ : ਭਾਰਤ ਖਿਲਾਫ ਦੂਜੇ ਟੈਸਟ ਦੇ ਤੀਜੇ ਦਿਨ ਦੱਖਣੀ ਅਫਰੀਕਾ ਦੇ 10ਵੇਂ ਨੰਬਰ ਦੇ ਬੱਲੇਬਾਜ਼ ਕੇਸ਼ਵ ਮਹਾਰਾਜ ਨੇ ਅਰਧ ਸੈਂਕੜਾ ਲਗਾਇਆ ਹੈ। ਕੇਸ਼ਵ ਮਹਾਰਾਜ ਨੇ ਆਪਣੇ ਟੈਸਟ ਕਰੀਅਰ ਦਾ ਪਹਿਲਾ ਅਰਧ ਸੈਂਕੜਾ ਠੋਕਿਆ ਅਤੇ ਨਾਲ ਹੀ ਭਾਰਤ ਖਿਲਾਫ ਟੈਸਟ ਵਿਚ 10ਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਦਿਆਂ 50 ਜਾਂ ਉਸ ਤੋਂ ਵੱਧ ਦੌੜਾਂ ਦੀ ਪਾਰੀ ਖੇਡਣ ਵਾਲੇ ਦੁਨੀਆ ਦੇ 5ਵੇਂ ਬੱਲੇਬਾਜ਼ ਬਣ ਗਏ ਹਨ। ਕੇਸ਼ਵ ਮਹਾਰਾਜ ਤੋਂ ਪਹਿਲਾਂ ਅਜਿਹਾ ਕਾਰਨਾਮਾ (55*) ਹੇਡਲੀ ਵੇਰੀਟੀ ਨੇ ਕੋਲਕਾਤਾ 1933-34 ਵਿਚ ਬਣਾਈਆਂ ਸੀ ਤਾਂ ਉੱਥੇ ਹੀ ਐਂਡੀ ਰਾਬਰਟਸ ਨੇ ਸਾਲ 1983-84 ਵਿਚ ਕੋਲਕਾਤਾ ਟੈਸਟ ਵਿਚ 68 ਦੌੜਾਂ ਬਣਾਈਆਂ ਸੀ। ਗੈਵਿਨ ਰਾਬਰਟਸਨ (57*), ਡੇਨ ਪੀਏਦਟ (72) ਅਤੇ ਹੁਣ ਕੇਸ਼ਵ ਮਹਾਰਾਜ ਨੇ ਅਜਿਹਾ ਕਰ ਇਤਿਹਾਸ ਰਚਿਆ ਹੈ।
50+ batting at #10 or below vs Ind in India
— Cricbuzz (@cricbuzz) October 12, 2019
55* H Verity Kolkata 1933/34
68 A Roberts Kolkata 1983/84
57 G Robertson Chennai 1997/98
56 D Piedt Vizag 2019/20
50* K Maharaj Pune 2019/20#INDvSA
ਵੈਸੇ ਤੁਹਾਨੂੰ ਦੱਸ ਦਈਏ ਕਿ ਕੇਸ਼ਵ ਮਹਾਰਾਜ ਅਤੇ ਵਰਨੋਨ ਫਿਲੈਂਡਰ ਨੇ ਮਿਲ ਕੇ 9ਵੇਂ ਵਿਕਟ ਲਈ 89 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਹੈ। ਦੱਖਣੀ ਅਫਰੀਕਾ ਦੀ ਇਸ ਪਾਰੀ ਵਿਚ ਇਹ ਸਭ ਤੋਂ ਵੱਡੀ ਸਾਂਝੇਦਾਰੀ ਹੈ।
