ਕਬੱਡੀ ਲੀਗ ਨੂੰ ਮਿਲਿਆ ਨਵਾਂ ਚੈਂਪੀਅਨ, ਪਟਨਾ ਪਾਈਰੇਟਸ ਨੂੰ ਹਰਾ ਕੇ ਹਰਿਆਣਾ ਸਟੀਲਰਸ ਨੇ ਜਿੱਤਿਆ ਖ਼ਿਤਾਬ

ਸਪੋਰਟਸ ਡੈਸਕ : ਪ੍ਰੋ ਕਬੱਡੀ ਲੀਗ ਦੇ 11ਵੇਂ ਸੀਜ਼ਨ ਦੀ ਚੈਂਪੀਅਨ ਇਕ ਨਵੀਂ ਟੀਮ ਬਣ ਗਈ ਹੈ। ਹਰਿਆਣਾ ਸਟੀਲਰਸ ਨੇ ਤਿੰਨ ਵਾਰ ਦੀ ਚੈਂਪੀਅਨ ਪਟਨਾ ਪਾਈਰੇਟਸ ਨੂੰ ਹਰਾ ਕੇ ਖਿਤਾਬ ਜਿੱਤ ਲਿਆ। ਅੰਕ ਸੂਚੀ ਵਿਚ ਸਿਖਰ 'ਤੇ ਰਹੀ ਹਰਿਆਣਾ ਸਟੀਲਰਸ ਨੇ ਐਤਵਾਰ ਨੂੰ ਸ਼੍ਰੀ ਸ਼ਿਵ ਛਤਰਪਤੀ ਸਪੋਰਟਸ ਕੰਪਲੈਕਸ, ਬਾਲੇਵਾੜੀ, ਪੁਣੇ ਵਿਚ ਹੋਏ ਖ਼ਿਤਾਬੀ ਮੁਕਾਬਲੇ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਪਟਨਾ ਪਾਈਰੇਟਸ ਨੂੰ ਹਰਾ ਕੇ ਆਪਣਾ ਪਹਿਲਾ ਪੀਕੇਐੱਲ ਖ਼ਿਤਾਬ ਜਿੱਤਿਆ। ਹਰਿਆਣਾ ਸਟੀਲਰਜ਼ ਨੇ 32-23 ਦੇ ਸਕੋਰ ਨਾਲ ਫਾਈਨਲ ਜਿੱਤਿਆ।

ਮਿਲੇ ਇੰਨੇ ਕਰੋੜ ਰੁਪਏ
ਹਰਿਆਣਾ ਸਟੀਲਰਜ਼ ਲਈ ਸ਼ਿਵਮ ਪਟਾਰੇ ਨੇ 9 ਅੰਕ, ਮੁਹੰਮਦਰੇਜ਼ਾ ਸ਼ਾਦਲੋਈ ਨੇ 7 ਅੰਕ ਅਤੇ ਵਿਨੈ ਨੇ 6 ਅੰਕ ਬਣਾਏ। ਪੀਕੇਐੱਲ ਦੀ ਨਵੀਂ ਚੈਂਪੀਅਨ ਟੀਮ ਹਰਿਆਣਾ ਨੂੰ ਇਨਾਮੀ ਰਾਸ਼ੀ ਵਜੋਂ 3 ਕਰੋੜ ਰੁਪਏ ਦਿੱਤੇ ਗਏ ਹਨ, ਜਦਕਿ ਉਪ ਜੇਤੂ ਪਟਨਾ ਪਾਈਰੇਟਸ ਨੂੰ 1.8 ਕਰੋੜ ਰੁਪਏ ਦਿੱਤੇ ਗਏ ਹਨ। ਦੱਸਣਯੋਗ ਹੈ ਕਿ ਪਟਨਾ ਦੀ ਟੀਮ ਪਿਛਲੇ ਪੀਕੇਐੱਲ ਸੀਜ਼ਨ ਵਿਚ ਫਾਈਨਲ ਵਿਚ ਪਹੁੰਚੀ ਸੀ, ਪਰ ਖਿਤਾਬ ਤੋਂ ਖੁੰਝ ਗਈ ਸੀ।

Presenting to you the 🌟 #𝐏𝐊𝐋𝟏𝟏 𝐂𝐇𝐀𝐌𝐏𝐈𝐎𝐍𝐒 🌟@HaryanaSteelers win their maiden #ProKabaddi title 🏆💙#ProKabaddiOnStar #LetsKabaddi #PKLFinal #HaryanaSteelers #PatnaPirates pic.twitter.com/m5xDX2QJlW

— ProKabaddi (@ProKabaddi) December 29, 2024

ਸ਼ਾਨਦਾਰ ਰਹੀ ਸ਼ੁਰੂਆਤ
ਹਰਿਆਣਾ ਸਟੀਲਰਜ਼ ਨੇ ਮੈਚ ਦੀ ਸ਼ਾਨਦਾਰ ਸ਼ੁਰੂਆਤ ਕਰਦੇ ਹੋਏ ਕੁਝ ਸ਼ੁਰੂਆਤੀ ਅੰਕ ਹਾਸਲ ਕਰਕੇ ਬੜ੍ਹਤ ਹਾਸਲ ਕੀਤੀ। ਦੇਵੰਕ ਅਤੇ ਅੰਕਿਤ ਨੇ ਪਟਨਾ ਪਾਈਰੇਟਸ ਲਈ ਸਖ਼ਤ ਟੱਕਰ ਦਿੱਤੀ, ਪਰ ਹਰਿਆਣਾ ਸਟੀਲਰਜ਼ ਨੇ ਖੇਡ ਨੂੰ ਕਾਬੂ ਕੀਤਾ ਅਤੇ ਸ਼ਿਵਮ ਪਾਟਾਰੇ-ਮੁਹੰਮਦਰੇਜਾ ਸ਼ਾਦਲੋਈ ਨੇ ਸਖ਼ਤ ਮਿਹਨਤ ਕੀਤੀ। ਜੈਦੀਪ ਅਤੇ ਰਾਹੁਲ ਸੇਠਪਾਲ ਦੀ ਅਗਵਾਈ ਵਾਲੀ ਹਰਿਆਣਾ ਸਟੀਲਰਜ਼ ਦੀ ਠੋਸ ਡਿਫੈਂਸ ਨੇ ਦਿਖਾਇਆ ਕਿ ਉਨ੍ਹਾਂ ਨੂੰ ਟੂਰਨਾਮੈਂਟ ਦੀਆਂ ਸਰਵੋਤਮ ਟੀਮਾਂ ਵਿੱਚੋਂ ਇਕ ਕਿਉਂ ਮੰਨਿਆ ਜਾਂਦਾ ਹੈ। ਹਾਲਾਂਕਿ, ਜਿਵੇਂ-ਜਿਵੇਂ ਹਾਫ ਅੱਗੇ ਵਧਿਆ, ਗੁਰਦੀਪ ਅਤੇ ਸੁਧਾਕਰ ਨੇ ਪਟਨਾ ਪਾਇਰੇਟਸ ਨੂੰ ਆਪਣੇ ਵਿਰੋਧੀਆਂ ਦੇ ਨੇੜੇ ਲਿਆ ਦਿੱਤਾ। ਅੱਧੇ ਸਮੇਂ ਤੱਕ ਹਰਿਆਣਾ ਸਟੀਲਰਜ਼ 15-12 ਨਾਲ ਅੱਗੇ ਸੀ।

ਹਾਫ ਟਾਈਮ ਤੱਕ ਮੁਕਾਬਲਾ ਰਿਹਾ ਰੋਮਾਂਚਕ 
ਦੂਜੇ ਹਾਫ ਦੀ ਸ਼ੁਰੂਆਤ ਪਹਿਲੇ ਹਾਫ ਦੇ ਮੁਕਾਬਲੇ ਹੌਲੀ ਰਹੀ, ਜਿਸ ਵਿਚ ਪਟਨਾ ਪਾਈਰੇਟਸ ਨੇ ਸੁਧਾਕਰ ਦੇ ਜ਼ਰੀਏ ਪਹਿਲਾ ਅੰਕ ਹਾਸਲ ਕੀਤਾ। ਹਰਿਆਣਾ ਸਟੀਲਰਜ਼ ਨੇ ਦੇਵਾਂਕ ਅਤੇ ਅਯਾਨ ਨੂੰ ਸ਼ਾਂਤ ਰੱਖਣ ਵਿਚ ਹੁਣ ਤੱਕ ਚੰਗਾ ਪ੍ਰਦਰਸ਼ਨ ਕੀਤਾ ਸੀ, ਪਰ ਤਿੰਨ ਵਾਰ ਦੇ ਚੈਂਪੀਅਨ ਨੇ ਵਾਪਸੀ ਕੀਤੀ। ਹਾਲਾਂਕਿ, ਸ਼ਾਦਲੋਈ ਅਤੇ ਜੈਦੀਪ ਨੇ ਮਹੱਤਵਪੂਰਨ ਅੰਕ ਹਾਸਲ ਕਰ ਕੇ ਹਰਿਆਣਾ ਸਟੀਲਰਸ ਨੂੰ ਪੀਕੇਐਲ ਇਤਿਹਾਸ ਵਿੱਚ ਆਪਣੇ ਪਹਿਲੇ ਖਿਤਾਬ ਦੀ ਦੌੜ ਵਿੱਚ ਰੱਖਿਆ। ਕਰੀਬ ਅੱਧੇ ਘੰਟੇ ਤੱਕ ਹਰਿਆਣਾ ਸਟੀਲਰਜ਼ ਨੇ ਤਿੰਨ ਅੰਕਾਂ ਦੀ ਬੜ੍ਹਤ ਹਾਸਲ ਕਰ ਲਈ ਸੀ, ਜਿਸ ਨਾਲ ਮੈਚ ਰੋਮਾਂਚਕ ਹੋ ਗਿਆ ਸੀ।

ਹਰਿਆਣਾ ਨੇ ਇਸ ਤਰ੍ਹਾਂ ਦਰਜ ਕੀਤੀ ਜਿੱਤ
ਇਸ ਤੋਂ ਬਾਅਦ ਹਰਿਆਣਾ ਸਟੀਲਰਸ ਨੇ ਆਪਣੇ ਵਿਰੋਧੀਆਂ 'ਤੇ ਦਬਾਅ ਬਣਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਪਹਿਲਾ ਆਲ ਆਊਟ ਕਰ ਦਿੱਤਾ। ਸ਼ਾਦਲੋਈ ਆਪਣੀ ਬਿਹਤਰੀਨ ਫਾਰਮ 'ਚ ਚੱਲ ਰਿਹਾ ਸੀ ਅਤੇ ਹਰਿਆਣਾ ਸਟੀਲਰਜ਼ ਨੇ 9 ਅੰਕਾਂ ਦੀ ਬੜ੍ਹਤ ਬਣਾ ਲਈ। ਆਖਰੀ ਮਿੰਟਾਂ 'ਚ ਹਰਿਆਣਾ ਸਟੀਲਰਸ ਨੇ ਖੇਡ ਅਤੇ ਸਮੇਂ ਨੂੰ ਸ਼ਾਨਦਾਰ ਤਰੀਕੇ ਨਾਲ ਸੰਭਾਲਿਆ ਅਤੇ ਪਟਨਾ ਟੀਮ ਦੀ ਵਾਪਸੀ ਦੀਆਂ ਸਾਰੀਆਂ ਉਮੀਦਾਂ ਨੂੰ ਖਤਮ ਕਰ ਦਿੱਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8