IPL 2020 : ਚਾਹਲ ਨੇ 2 ਗੇਂਦਾਂ 'ਤੇ ਲਈਆਂ 2 ਵਿਕਟਾਂ, ਸਟੇਡੀਅਮ 'ਚ ਝੂਮ ਉਠੀ ਮੰਗੇਤਰ ਧਨਾਸ਼੍ਰੀ, ਵੇਖੋ ਵੀਡੀਓ
Sunday, Oct 18, 2020 - 11:39 AM (IST)
ਨਵੀਂ ਦਿੱਲੀ : ਰਾਇਲ ਚੈਂਲੇਂਜ਼ਰਸ ਬੈਂਗਲੁਰੂ ਅਤੇ ਰਾਜਸਥਾਨ ਰਾਇਲਜ਼ ਵਿਚਾਲੇ ਬੀਤੇ ਦਿਨ ਖੇਡੇ ਗਏ ਮੈਚ ਵਿਚ ਆਰ.ਸੀ.ਬੀ. ਦੇ ਸਪਿਨਰ ਯੁਜਵੇਂਦਰ ਚਾਹਲ ਨੇ ਇਕ ਹੀ ਓਵਰ ਵਿਚ ਲਗਾਤਾਰ 2 ਗੇਂਦਾਂ 'ਤੇ 2 ਵਿਕਟਾਂ ਲੈ ਕੇ ਕਮਾਲ ਕਰ ਦਿੱਤਾ। ਮੈਚ ਵਿਚ ਚਾਹਲ ਨੇ ਪਹਿਲਾਂ ਰਾਬਿਨ ਉਥੱਪਾ ਨੂੰ ਆਊਟ ਕੀਤਾ ਤਾਂ ਅਗਲੀ ਹੀ ਗੇਂਦ 'ਤੇ ਸੰਜੂ ਸੈਮਸਨ ਨੂੰ ਆਊਟ ਕਰਕੇ ਰਾਜਸਥਾਨ ਨੂੰ ਬੈਕਫੁੱਟ 'ਤੇ ਧਕੇਲ ਦਿੱਤਾ। ਇਸ ਮੌਕੇ ਚਾਹਲ ਦੀ ਮੰਗੇਤਰ ਧਨਾਸ਼੍ਰੀ ਵਰਮਾ ਵੀ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿਚ ਮੈਚ ਦੇਖਣ ਪਹੁੰਚੀ ਸੀ।
ਇਹ ਵੀ ਪੜ੍ਹੋ: ਡਿਲਿਵਰੀ ਪੈਕੇਟ ਗੁਆਚਣ 'ਤੇ ਸ਼ਖ਼ਸ ਨੇ ਕੀਤੀ Amazon ਦੇ CEO ਨੂੰ ਸ਼ਿਕਾਇਤ, ਮਿਲਿਆ ਇਹ ਜਵਾਬ
— pant shirt fc (@pant_fc) October 17, 2020
ਆਪਣੇ ਹੋਣ ਵਾਲੇ ਪਤੀ ਦੀ ਗੇਂਦਬਾਜੀ ਨੂੰ ਵੇਖ ਕੇ ਧਨਾਸ਼੍ਰੀ ਆਪਣੇ ਸੀਟ ਤੋਂ ਖੜ੍ਹੀ ਹੋ ਗਈ ਅਤੇ ਆਪਣੇ ਹੋਣ ਵਾਲੇ ਪਤੀ ਲਈ ਤਾੜੀਆਂ ਵਜਾਉਂਦੀ ਹੋਈ ਨਜ਼ਰ ਆਈ। ਧਨਾਸ਼੍ਰੀ ਚਾਹਲ ਦੀ ਪਰਫਾਰਮੈਂਸ ਨੂੰ ਵੇਖ ਕੇ ਕਾਫ਼ੀ ਖ਼ੁਸ਼ ਵਿਖਾਈ ਦਿੱਤੀ। ਦੱਸ ਦੇਈਏ ਕਿ ਕੁੱਝ ਦਿਨ ਪਹਿਲਾਂ ਹੀ ਧਨਾਸ਼੍ਰੀ ਯੂ.ਏ.ਈ. ਪਹੁੰਚੀ ਹੈ।
ਚਾਹਲ ਨੇ ਹੁਣ ਤੱਕ ਆਈ.ਪੀ.ਐਲ. ਵਿਚ 13 ਵਿਕਟਾਂ ਲਈਆਂ ਹਨ। ਆਈ.ਪੀ.ਐਲ. 2020 ਵਿਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਟਾਪ 5 ਲਿਸਟ ਵਿਚ ਚਾਹਲ ਇਕੱਲੇ ਸਪਿਨਰ ਹਨ। ਯੁਜਵੇਂਦਰ ਚਾਹਲ ਨੇ ਹੁਣ ਤੱਕ ਆਈ.ਪੀ.ਐਲ. ਕਰੀਅਰ ਵਿਚ 113 ਵਿਕਟਾਂ ਲੈ ਚੁੱਕੇ ਹਨ।
