ਇਜ਼ਮਾਮ ਉਲ ਹੱਕ ਨੇ ਕਿਹਾ, ਮੇਰਾ ਬੇਟਾ ਸਚਿਨ ਦਾ ਫੈਨ ਹੈ

ਨਵੀਂ ਦਿੱਲੀ— ਕ੍ਰਿਕਟ ਦੀ ਦੁਨੀਆ 'ਚ ਸਚਿਨ-ਵੀਰੂ ਦੀ ਸਲਾਮੀ ਜੋੜੀ ਦਾ ਨਾਮ ਸਭ ਵਧੀਆ ਓਪਨਿੰਗ ਜੋੜੀਆਂ 'ਚ ਆਉਂਦਾ ਹੈ। ਹਾਲ ਹੀ 'ਚ ਜਾਰੀ ਨੂੰ ਵਾਇਟ ਦ ਹਕ ਸ਼ੋਅ-3' 'ਚ ਸਚਿਨ ਤੇਂਦੁਲਕਰ ਅਤੇ ਵਰਿੰਦਰ ਸਹਿਵਾਗ ਨੇ ਆਪਣੇ ਜਮਾਨੇ ਦੇ ਕਈ ਅਨੁਭਵ ਸ਼ੇਅਰ ਕੀਤੇ ਹਨ। ਸਚਿਨ ਨੇ ਇਸ ਸ਼ੋਅ ਦੇ ਦੌਰਾਨ ਪਾਕਿਸਤਾਨੀ ਦਿੱਗਜ਼ ਇਜ਼ਮਾਮ ਉਲ ਹੱਕ ਦਾ ਵੀ ਜ਼ਿਕਰ ਕੀਤਾ। ਇਨ੍ਹਾਂ ਇੰਜਮਾਮ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਉਹ ਭਾਰਤੀ ਖਿਡਾਰੀਆਂ ਨਾਲ ਬਹੁਤ ਇੱਜ਼ਤ ਅਤੇ ਪਿਆਰ ਨਾਲ ਗੱਲ ਕਰਦੇ ਸਨ। 

ਸਚਿਨ ਨੇ ਇਸ ਦੌਰਾਨ ਇਕ ਦਿਲਚਸਪ ਗੱਲ ਸੁਣਾਈ, ਉਨ੍ਹਾਂ ਕਿਹਾ, 'ਮੈਨੂੰ ਯਾਦ ਹੈ ਜਦੋਂ ਅਸੀਂ ਪਾਕਿਸਤਾਨ ਦੇ ਦੌਰੇ 'ਤੇ ਸਨ, ਤਾਂ ਲਾਹੌਰ 'ਚ ਪਾਕਿਸਤਾਨ ਦੀ ਟੀਮ ਦੇ ਬਾਅਦ ਸਾਡਾ ਨੈੱਟ ਅਭਿਆਸ ਸ਼ੁਰੂ ਹੋਣ ਵਾਲਾ ਸੀ। ਇਸ ਵਿਚਕਾਰ ਇਜ਼ਮਾਮ ਉਲ ਹੱਕ  ਮੇਰੇ ਕੋਲ ਆਪਣੇ ਬੇਟੇ ਨੂੰ ਲੈ ਕੇ ਆਏ, ਇਜ਼ਮਾਮ ਨੇ ਕਿਹਾ ਇਹ ਬੇਟਾ ਚਾਹੇ ਮੇਰਾ ਹੈ ਪਰ ਕ੍ਰਿਕਟ 'ਚ ਇਹ ਤੁਹਾਡਾ ਫੈਨ ਹੈ। ਸਚਿਨ ਨੇ ਕਿਹਾ,' ਇਜ਼ਮਾਮ ਦੀ ਗੱਲ ਸੁਣ ਕੇ ਬਹੁਤ ਚੰਗਾ ਲੱਗਾ, ਇਸਦੇ ਬਾਅਦ ਮੈਂ ਥੋੜਾ ਸਮਾਂ ਇਜ਼ਮਾਮ ਦੇ ਬੇਟੇ ਨਾਲ ਬਿਤਾਇਆ।