ਆਸਟ੍ਰੇਲੀਆ ''ਚ ''ਗਾਇਬ'' ਹੋ ਗਿਆ ਭਾਰਤੀ ਖਿਡਾਰੀ! ਭੜਕ ਉੱਠੇ ਰੋਹਿਤ ਸ਼ਰਮਾ

ਸਪੋਰਟਸ ਡੈਸਕ- ਭਾਰਤੀ ਟੀਮ ਤੇ ਆਸਟ੍ਰੇਲੀਆ ਦਰਮਿਆਨ ਬਾਰਡਰ ਗਾਵਸਕਰ ਟਰਾਫੀ ਦਾ ਤੀਜਾ ਮੁਕਾਬਲਾ 14 ਦਸੰਬਰ ਨੂੰ ਬ੍ਰਿਸਬੇਨ ਦੇ ਗਾਬਾ ਸਟੇਡੀਅਮ 'ਚ ਹੋਣਾ ਹੈ। ਭਾਰਤ ਤੇ ਆਸਟ੍ਰੇਲੀਆ ਵਿਚਾਲੇ ਇਹ 5 ਮੈਚਾਂ ਦੀ ਟੈਸਟ ਸੀਰੀਜ਼ 1-1 ਦੀ ਬਰਾਬਰੀ 'ਤੇ ਹੈ। ਐਡੀਲੇਡ ਟੈਸਟ ਹਾਰਨ ਤੋਂ ਬਾਅਦ ਭਾਰਤੀ ਟੀਮ ਹੁਣ ਬ੍ਰਿਸਬੇਨ ਪੁੱਜ ਗਈ ਹੈ। 

ਬੁੱਧਵਾਰ ਨੂੰ ਟੀਮ ਇੰਡੀਆ ਨੂੰ ਐਡੀਲੇਡ ਤੋਂ ਬ੍ਰਿਸਬੇਨ ਲਈ ਰਵਾਨਾ ਹੋਣਾ ਸੀ। ਟੀਮ ਦੀ ਫਲਾਈਟ ਸਵੇਰੇ 10 ਵਜੇ ਦੀ ਸੀ ਤੇ ਟੀਮ ਇੰਡੀਆ ਨੂੰ ਹੋਟਲ ਤੋਂ 8.30 ਵਜੇ ਨਿਕਲਣਾ ਸੀ। ਭਾਰਤੀ ਟੀਮ ਨੂੰ ਏਅਰਪੋਰਟ ਤਕ ਦੋ ਬੱਸਾਂ 'ਚ ਜਾਣਾ ਸੀ। ਇਸ ਦੌਰਾਨ ਇਕ ਘਟਨਾ ਵਾਪਰੀ। ਓਪਨਰ ਯਸ਼ਸਵੀ ਜਾਇਸਵਾਲ ਅਚਾਨਕ ਗਾਇਬ ਹੋ ਗਏ। ਉਹ ਸਮੇਂ 'ਤੇ ਬੱਸ ਲਈ ਨਹੀਂ ਪੁੱਜੇ। ਜਾਇਸਵਾਲ ਕਾਰਨ ਕੋਚ ਗੌਤਮ ਗੰਭੀਰ, ਰੋਹਿਤ ਸ਼ਰਮਾ ਤੇ ਅਜੀਤ ਅਗਰਕਰ ਨੂੰ ਇੰਤਜ਼ਾਰ ਕਰਨਾ ਪਿਆ। ਸਾਰਿਆਂ ਨੇ ਲਗਭਗ 20 ਮਿੰਟ ਤਕ ਇੰਤਜ਼ਾਰ ਕੀਤਾ। ਇਸ ਦੌਰਾਨ ਕਪਤਾਨ ਰੋਹਿਤ ਸ਼ਰਮਾ ਗੁੱਸਾ ਵੀ ਹੋਏ ਤੇ ਉਨ੍ਹਾਂ ਨੇ ਯਸ਼ਸਵੀ ਜਾਇਸਵਾਲ ਨੂੰ ਲੱਭਣ ਲਈ ਸਪੋਰਟ ਸਟਾਫ ਵੀ ਭੇਜਿਆ। ਪਰ ਕਾਫੀ ਇੰਤਜ਼ਾਰ ਤੋਂ ਬਾਅਦ ਭਾਰਤੀ ਟੀਮ ਦੀ ਬੱਸ ਯਸ਼ਸਵੀ ਨੂੰ ਛੱਡ ਚਲੀ ਗਈ।