ਨਿਊਜ਼ੀਲੈਂਡ ਰਚੇਗਾ ਇਤਿਹਾਸ ਜਾਂ ਭਾਰਤੀ ਟੀਮ ਦੇਵੇਗੀ ਕਰਾਰਾ ਜਵਾਬ, ਜਾਣੋ ਕੌਣ ਕਿਸ 'ਤੇ ਭਾਰੀ

ਸਪੋਰਟਸ ਡੈਸਕ : ਭਾਰਤੀ ਟੀਮ ਇਸ ਸਮੇਂ ਨਿਊਜ਼ੀਲੈਂਡ ਖਿਲਾਫ ਘਰੇਲੂ ਮੈਦਾਨ 'ਤੇ 3 ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡ ਰਹੀ ਹੈ। ਇਸ ਦਾ ਦੂਜਾ ਮੈਚ 24 ਅਕਤੂਬਰ ਤੋਂ ਪੁਣੇ ਦੇ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ ਸਟੇਡੀਅਮ ਵਿਚ ਖੇਡਿਆ ਜਾਵੇਗਾ। ਇਹ ਮੈਚ ਸਵੇਰੇ 9.30 ਵਜੇ ਸ਼ੁਰੂ ਹੋਵੇਗਾ।

ਨਿਊਜ਼ੀਲੈਂਡ ਦੀ ਟੀਮ ਇਸ ਮੈਦਾਨ 'ਤੇ ਆਪਣਾ ਪਹਿਲਾ ਟੈਸਟ ਖੇਡੇਗੀ। ਮੌਜੂਦਾ ਸੀਰੀਜ਼ ਦਾ ਪਹਿਲਾ ਮੈਚ 16 ਅਕਤੂਬਰ ਤੋਂ ਬੈਂਗਲੁਰੂ 'ਚ ਖੇਡਿਆ ਗਿਆ ਸੀ, ਜਿਸ 'ਚ ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ 8 ਵਿਕਟਾਂ ਨਾਲ ਹਾਰ ਗਈ ਸੀ। ਪਹਿਲਾ ਟੈਸਟ ਜਿੱਤ ਕੇ ਕੀਵੀ ਟੀਮ ਨੇ ਸੀਰੀਜ਼ 'ਚ 1-0 ਦੀ ਬੜ੍ਹਤ ਬਣਾ ਲਈ ਹੈ।

ਭਾਰਤ ਅਤੇ ਨਿਊਜ਼ੀਲੈਂਡ ਦਾ ਟੈਸਟ ਇਤਿਹਾਸ
ਹੁਣ ਤੱਕ ਨਿਊਜ਼ੀਲੈਂਡ ਦੀ ਟੀਮ ਭਾਰਤੀ ਧਰਤੀ 'ਤੇ ਕੋਈ ਵੀ ਦੁਵੱਲੀ ਟੈਸਟ ਸੀਰੀਜ਼ ਨਹੀਂ ਜਿੱਤ ਸਕੀ ਹੈ। ਕੀਵੀ ਟੀਮ ਨੇ 1955 'ਚ ਪਹਿਲੀ ਵਾਰ ਭਾਰਤ ਦਾ ਦੌਰਾ ਕੀਤਾ ਸੀ, ਜਦੋਂ ਉਸ ਨੂੰ 5 ਮੈਚਾਂ ਦੀ ਟੈਸਟ ਸੀਰੀਜ਼ 'ਚ 2-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਸੀਰੀਜ਼ ਦੇ ਤਿੰਨ ਮੈਚ ਡਰਾਅ ਰਹੇ।

ਇਸ ਤੋਂ ਬਾਅਦ 1965 'ਚ ਨਿਊਜ਼ੀਲੈਂਡ ਦੀ ਟੀਮ ਭਾਰਤ ਆਈ ਅਤੇ ਇਸ ਵਾਰ ਵੀ ਉਸ ਨੂੰ ਇਕ ਵੀ ਟੈਸਟ ਜਿੱਤਣ ਦਾ ਮੌਕਾ ਨਹੀਂ ਮਿਲਿਆ। ਉਦੋਂ ਭਾਰਤ ਨੇ 4 ਟੈਸਟ ਸੀਰੀਜ਼ 'ਚ 1-0 ਨਾਲ ਹਰਾਇਆ ਸੀ। 3 ਟੈਸਟ ਡਰਾਅ ਰਹੇ ਸਨ। ਫਿਰ 4 ਸਾਲ ਬਾਅਦ ਯਾਨੀ 1969 'ਚ ਕੀਵੀ ਟੀਮ ਨੇ ਇਕ ਵਾਰ ਭਾਰਤ ਦਾ ਦੌਰਾ ਕੀਤਾ ਅਤੇ ਇਸ ਵਾਰ ਭਾਰਤੀ ਧਰਤੀ 'ਤੇ ਪਹਿਲਾ ਟੈਸਟ ਜਿੱਤਿਆ। ਇਸ ਵਾਰ ਨਿਊਜ਼ੀਲੈਂਡ 3 ਮੈਚਾਂ ਦੀ ਟੈਸਟ ਸੀਰੀਜ਼ 1-1 ਨਾਲ ਬਰਾਬਰ ਕਰਨ 'ਚ ਸਫਲ ਰਿਹਾ। ਇਸ ਵਾਰ ਵੀ ਇਕ ਮੈਚ ਡਰਾਅ ਰਿਹਾ।

ਇਹ ਵੀ ਪੜ੍ਹੋ : ICC Rankings: ਟੈਸਟ 'ਚ ਵਿਰਾਟ ਕੋਹਲੀ ਤੋਂ ਅੱਗੇ ਨਿਕਲੇ ਰਿਸ਼ਭ ਪੰਤ

ਨਿਊਜ਼ੀਲੈਂਡ ਦੀ ਟੀਮ ਨੂੰ ਪਿਛਲੀ ਸੀਰੀਜ਼ 'ਚ ਮਿਲੀ ਸੀ ਹਾਰ
ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਆਖਰੀ ਟੈਸਟ ਸੀਰੀਜ਼ ਨਵੰਬਰ 2021 'ਚ ਹੋਈ ਸੀ। ਇਹ ਸੀਰੀਜ਼ ਭਾਰਤ ਦੀ ਧਰਤੀ 'ਤੇ ਹੀ ਹੋਈ, ਜਿੱਥੇ ਨਿਊਜ਼ੀਲੈਂਡ ਨੂੰ 2 ਮੈਚਾਂ ਦੀ ਟੈਸਟ ਸੀਰੀਜ਼ 'ਚ 1-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਜੇਕਰ ਅਸੀਂ ਸਮੁੱਚੀ ਟੈਸਟ ਸੀਰੀਜ਼ ਅਤੇ ਮੈਚ ਦੇ ਰਿਕਾਰਡਾਂ 'ਤੇ ਨਜ਼ਰ ਮਾਰੀਏ ਤਾਂ ਇਸ 'ਚ ਵੀ ਭਾਰਤੀ ਟੀਮ ਦਾ ਹੀ ਹੱਥ ਹੈ। ਇਹ ਦੋਵੇਂ ਰਿਕਾਰਡ ਹੇਠਾਂ ਦੇਖੇ ਜਾ ਸਕਦੇ ਹਨ।

ਭਾਰਤ 'ਚ ਨਿਊਜ਼ੀਲੈਂਡ ਟੀਮ ਦਾ ਟੈਸਟ ਸੀਰੀਜ਼ 'ਚ ਰਿਕਾਰਡ
ਕੁੱਲ ਸੀਰੀਜ਼ : 12
ਭਾਰਤ ਜਿੱਤਿਆ : 10
ਨਿਊਜ਼ੀਲੈਂਡ ਜਿੱਤਿਆ : 00
ਡਰਾਅ : 2

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਓਵਰਆਲ ਸੀਰੀਜ਼ ਦਾ ਰਿਕਾਰਡ 
ਕੁੱਲ ਟੈਸਟ ਸੀਰੀਜ਼ : 23
ਭਾਰਤ ਜਿੱਤਿਆ : 12
ਨਿਊਜ਼ੀਲੈਂਡ ਜਿੱਤਿਆ : 7
ਡਰਾਅ : 4

ਭਾਰਤ 'ਚ ਨਿਊਜ਼ੀਲੈਂਡ ਟੀਮ ਦਾ ਟੈਸਟ ਮੈਚਾਂ 'ਚ ਰਿਕਾਰਡ
ਕੁੱਲ ਟੈਸਟ ਮੈਚ : 37
ਭਾਰਤ ਜਿੱਤਿਆ : 17
ਨਿਊਜ਼ੀਲੈਂਡ ਜਿੱਤਿਆ : 3
ਡਰਾਅ : 17

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਓਵਰਆਲ ਟੈਸਟ ਰਿਕਾਰਡ
ਕੁੱਲ ਟੈਸਟ ਮੈਚ : 63
ਭਾਰਤ ਜਿੱਤਿਆ : 22
ਨਿਊਜ਼ੀਲੈਂਡ ਜਿੱਤਿਆ : 14
ਡਰਾਅ : 27

ਟੈਸਟ ਸੀਰੀਜ਼ ਲਈ ਭਾਰਤ-ਨਿਊਜ਼ੀਲੈਂਡ ਦੀਆਂ ਟੀਮਾਂ :
ਭਾਰਤੀ ਟੀਮ : ਰੋਹਿਤ ਸ਼ਰਮਾ (ਕਪਤਾਨ), ਜਸਪ੍ਰੀਤ ਬੁਮਰਾਹ (ਉਪ-ਕਪਤਾਨ), ਯਸ਼ਸਵੀ ਜਾਇਸਵਾਲ, ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਕੇਐੱਲ ਰਾਹੁਲ, ਸਰਫਰਾਜ਼ ਖਾਨ, ਰਿਸ਼ਭ ਪੰਤ (ਵਿਕਟਕੀਪਰ), ਧਰੁਵ ਜੁਰੇਲ (ਵਿਕਟਕੀਪਰ), ਰਵੀਚੰਦਰਨ ਅਸ਼ਵਿਨ, ਰਵਿੰਦਰ ਜਡੇਜਾ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ, ਮੁਹੰਮਦ ਸਿਰਾਜ, ਆਕਾਸ਼ ਦੀਪ, ਵਾਸ਼ਿੰਗਟਨ ਸੁੰਦਰ।

ਨਿਊਜ਼ੀਲੈਂਡ ਦੀ ਟੀਮ : ਟੌਮ ਲੈਥਮ (ਕਪਤਾਨ), ਟੌਮ ਬਲੰਡਲ (ਵਿਕਟਕੀਪਰ), ਮਾਈਕਲ ਬ੍ਰੇਸਵੈੱਲ (ਸਿਰਫ਼ ਪਹਿਲਾ ਟੈਸਟ), ਮਾਰਕ ਚੈਪਮੈਨ, ਡੇਵੋਨ ਕੌਨਵੇ, ਮੈਟ ਹੈਨਰੀ, ਡੇਰਿਲ ਮਿਸ਼ੇਲ, ਵਿਲ ਓਰੂਰਕੇ, ਏਜਾਜ਼ ਪਟੇਲ, ਗਲੇਨ ਫਿਲਿਪਸ, ਰਚਿਨ ਰਵਿੰਦਰਾ, ਮਿਸ਼ੇਲ ਸੈਂਟਨਰ, ਬੇਨ ਸੀਅਰਸ, ਈਸ਼ ਸੋਢੀ (ਸਿਰਫ਼ ਦੂਜਾ ਅਤੇ ਤੀਜਾ ਟੈਸਟ), ਟਿਮ ਸਾਊਥੀ, ਕੇਨ ਵਿਲੀਅਮਸਨ, ਵਿਲ ਯੰਗ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8