ਸੈਂਕੜਾ ਠੋਕਦੇ ਹੀ KL ਰਾਹੁਲ ਦਾ ਟੁੱਟਾ ਦਿਲ, 12 ਮਹੀਨਿਆਂ ''ਚ ਤੀਜੀ ਵਾਰ ਕਰ''ਤੀ ਇਹ ਗਲਤੀ

ਸਪੋਰਟਸ ਡੈਸਕ- ਭਾਰਤ ਅਤੇ ਅਫਗਾਨਿਸਤਾਨ ਵਿਚਾਲੇ ਇਕਲੌਤਾ ਟੈਸਟ ਮੈਚ ਚੰਡੀਗੜ੍ਹ ਦੇ ਮੁੱਲਾਪੁਰ ਦੇ ਮਹਾਰਾਜਾ ਯਾਦਵਿੰਦਰ ਸਿੰਘ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ 'ਚ ਖੇਡਿਆ ਜਾ ਰਿਹਾ ਹੈ। ਇਸ ਮੁਕਾਬਲੇ ਦੇ ਪਹਿਲੇ ਦਿਨ ਟੀਮ ਇੰਡੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ ਅਤੇ ਕੇ.ਐੱਲ. ਰਾਹੁਲ ਨੇ ਇਕ ਕਮਾਲ ਦੀ ਪਾਰੀ ਖੇਡੀ। ਉਨ੍ਹਾਂ ਨੇ 164 ਗੇਂਦਾਂ 'ਚ ਆਪਣਾ ਸੈਂਕੜਾ ਪੂਰਾ ਕਰਦੇ ਹੋਏ ਭਾਰਤੀ ਟੀਮ ਨੂੰ ਇਕ ਮਜ਼ਬੂਤ ਸਥਿਤੀ 'ਚ ਪਹੁੰਚਾ ਦਿੱਤਾ ਪਰ ਉਹ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਜ਼ਿਆਦਾ ਦੇਰ ਕ੍ਰੀਜ਼ 'ਤੇ ਨਹੀਂ ਟਿਕ ਸਕੇ। 

ਸੈਂਕੜਾ ਠੋਕਦੇ ਹੀ ਕੇ.ਐੱਲ. ਰਾਹੁਲ ਦਾ ਟੁੱਟਾ ਦਿਲ

ਇਹ ਕੇਂ.ਐੱਲ. ਰਾਹੁਲ ਦੇ ਕਰੀਅਰ ਦਾ 12ਵਾਂ ਟੈਸਟ ਸੈੰਕੜਾ ਹੈ। ਉਥੇ ਹੀ ਭਾਰਤ ਦੀ ਧਰਤੀ 'ਤੇ ਉਨ੍ਹਾਂ ਨੇ ਤੀਜੀ ਵਾਰ ਟੈਸਟ 'ਚ ਸੈਂਕੜਾ ਲਗਾਉਣ ਦਾ ਕਾਰਨਾਮਾ ਕੀਤਾ ਹੈ। ਉਨ੍ਹਾਂ ਨੇ ਆਪਣੀ ਪਾਰੀ 'ਚ 11 ਚੌਕੇ ਲਗਾਏ ਅਤੇ ਕਾਫੀ ਸੰਯਮ ਨਾਲ ਬੱਲੇਬਾਜ਼ੀ ਕੀਤੀ। ਕੇ.ਐੱਲ. ਰਾਹੁਲ ਹਮੇਸ਼ਾ ਵਿਦੇਸ਼ੀ ਪਿੱਚਾਂ 'ਤੇ ਆਪਣੀ ਬਿਹਤਰੀਨ ਤਕਨੀਕ ਲਈ ਜਾਣੇ ਜਾਂਦੇ ਹਨ ਪਰ ਇਸ ਮੈਚ 'ਚ ਉਨ੍ਹਾਂ ਨੇ ਦਿਖਾਇਆ ਕਿ ਉਹ ਘਰੇਲੂ ਮੈਦਾਨ 'ਤੇ ਵੀ ਓਨੀ ਹੀ ਬਿਹਤਰ ਖੇਡ ਸਕਦੇ ਹਨ। 

ਹਾਲਾਂਕਿ, ਉਹ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਕੈਚ ਆਊਟ ਹੋ ਗਏ। ਪਿਛਲੇ 12 ਮਹੀਨਿਆਂ 'ਚ ਇਹ ਤੀਜਾ ਮੌਕਾ ਹੈ ਜਦੋਂ ਉਹ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਆਪਣੀ ਪਾਰੀ ਨੂੰ ਅੱਗੇ ਨਹੀਂ ਵਧਾ ਸਕੇ, ਜੋ ਇਕ ਵੱਡੀ ਟੈਨਸ਼ਨ ਬਣਦਾ ਜਾ ਰਿਹਾ ਹੈ। 

1⃣0⃣0⃣ for KL Rahul! 👏 👏

His 12th 💯 in Test cricket! 👌 👌

A fine knock this is from the #TeamIndia vice-captain! 👍

Updates ▶️ https://t.co/Au50EfVM30#INDvAFG | @IDFCFIRSTBank pic.twitter.com/llHn2O8xIE

— BCCI (@BCCI) June 6, 2026

ਕੇ.ਐੱਲ. ਰਾਹੁਲ ਦੇ ਆਖਰੀ 3 ਟੈਸਟ ਸੈਂਕੜੇ

ਇੰਗਲੈਂਡ ਖ਼ਿਲਾਫ਼ 100 ਦੌੜਾਂ ਬਣਾਈਆਂ ਅਤੇ ਆਊਟ ਹੋ ਗਏ।

ਵੈਸਟ ਇੰਡੀਜ਼ ਖ਼ਿਲਾਫ਼ 100 ਦੌੜਾਂ ਬਣਾਈਆਂ ਅਤੇ ਆਊਟ ਹੋ ਗਏ।

ਅਫਗਾਨਿਸਤਾਨ ਖ਼ਿਲਾਫ਼ 100 ਦੌੜਾਂ ਬਣਾਈਆਂ ਅਤੇ ਆਊਟ ਹੋ ਗਏ।