ਜਦੋਂ ਤੱਕ ਚੱਲ ਸਕਾਂਗਾ ਮੈਂ ਆਈ. ਪੀ. ਐਲ. ਖੇਡਦਾ ਰਹਾਂਗਾ : ਮੈਕਸਵੈੱਲ

ਮੈਲਬੌਰਨ,(ਭਾਸ਼ਾ)- ਆਸਟਰੇਲੀਆ ਦੇ ਸਟਾਰ ਆਲਰਾਊਂਡਰ ਗਲੇਨ ਮੈਕਸਵੈੱਲ ਨੇ ਕਿਹਾ ਹੈ ਕਿ ਜਦੋਂ ਤੱਕ ਉਹ ਚੱਲਣ ਦੇ ਸਮਰੱਥ ਹੈ, ਉਹ ਦੁਨੀਆ ਦੀ ਸਭ ਤੋਂ ਵੱਡੀ ਕ੍ਰਿਕਟ ਲੀਗ ਆਈ.ਪੀ.ਐੱਲ. 'ਚ ਖੇਡਦੇ ਰਹਿਣਗੇ।  ਪੈਂਤੀ ਸਾਲਾ ਮੈਕਸਵੈੱਲ ਆਸਟ੍ਰੇਲੀਆ ਦੀ ਹਾਲੀਆ ਵਿਸ਼ਵ ਕੱਪ ਜਿੱਤ ਦੇ ਨਾਇਕਾਂ ਵਿੱਚੋਂ ਇੱਕ ਸੀ। ਉਹ ਅਗਲੇ ਸਾਲ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਰਾਇਲ ਚੈਲੰਜਰਜ਼ ਬੰਗਲੌਰ ਲਈ ਖੇਡੇਗਾ। 

ਇਹ ਵੀ ਪੜ੍ਹੋ : ਟੀਮ ਇੰਡੀਆ ਲਈ ਅੱਜ ਸੈਲੀਬ੍ਰੇਸ਼ਨ ਦਾ ਦਿਨ : ਅੱਜ ਇਕੱਠੇ 5 ਕ੍ਰਿਕਟ ਖਿਡਾਰੀਆਂ ਦਾ ਜਨਮ ਦਿਨ

ਮੈਕਸਵੈੱਲ ਨੇ ਕਿਹਾ, ''ਆਈ. ਪੀ. ਐਲ. ਸ਼ਾਇਦ ਆਖਰੀ ਟੂਰਨਾਮੈਂਟ ਹੋਵੇਗਾ ਜੋ ਮੈਂ ਖੇਡਦਾ ਰਹਾਂਗਾ। ਜਦੋਂ ਤੱਕ ਮੈਂ ਚੱਲ ਸਕਦਾ ਹਾਂ, ਮੈਂ ਆਈਪੀਐਲ ਖੇਡਦਾ ਰਹਾਂਗਾ।'' ਉਸ ਨੇ ਕਿਹਾ, ''ਆਈਪੀਐਲ ਨੇ ਮੇਰੇ ਪੂਰੇ ਕਰੀਅਰ ਵਿੱਚ ਵੱਡੀ ਭੂਮਿਕਾ ਨਿਭਾਈ ਹੈ। ਜਿਨ੍ਹਾਂ ਲੋਕਾਂ ਨੂੰ ਮੈਂ ਮਿਲਿਆ ਹਾਂ ਜਾਂ ਜਿਨ੍ਹਾਂ ਕੋਚਾਂ ਦੇ ਅਧੀਨ ਮੈਂ ਖੇਡਿਆ ਹੈ ਜਾਂ ਜਿਨ੍ਹਾਂ ਅੰਤਰਰਾਸ਼ਟਰੀ ਖਿਡਾਰੀ ਨਾਲ ਮੈਂ ਖੇਡਿਆ ਹੈ ਇਸ ਦਾ ਮੈਨੂੰ ਕਾਫੀ ਫਾਇਦਾ ਹੋਇਆ ਹੈ।''

ਇਹ ਵੀ ਪੜ੍ਹੋ : ਹਾਰਦਿਕ ਪੰਡਯਾ ਕ੍ਰਿਕਟ ਤੋਂ 18 ਹਫਤਿਆਂ ਲਈ ਦੂਰ, ਸਿੱਧਾ IPL ਖੇਡੇਗਾ

ਉਸ ਨੇ ਕਿਹਾ, ''ਤੁਹਾਨੂੰ ਏਬੀ ਡਿਵਿਲੀਅਰਸ ਅਤੇ ਵਿਰਾਟ ਕੋਹਲੀ ਵਰਗੇ ਖਿਡਾਰੀਆਂ ਨਾਲ ਦੋ ਮਹੀਨੇ ਖੇਡਣ ਦਾ ਮੌਕਾ ਮਿਲ ਰਿਹਾ ਹੈ। ਦੂਸਰੇ ਮੈਚ ਦੇਖਦੇ ਹੋਏ ਉਨ੍ਹਾਂ ਨਾਲ ਗੱਲ ਕਰਨ ਦੇ ਯੋਗ ਹੁੰਦੇ ਹਾਂ। ਇਸ ਤੋਂ ਵੱਧ ਸਿੱਖਣ ਦਾ ਮੌਕਾ ਕੀ ਹੋ ਸਕਦਾ ਹੈ? ਮੈਕਸਵੈੱਲ ਦਾ ਮੰਨਣਾ ਹੈ ਕਿ ਆਸਟ੍ਰੇਲੀਆਈ ਕ੍ਰਿਕਟਰਾਂ ਨੂੰ ਅਗਲੇ ਸਾਲ ਅਮਰੀਕਾ ਅਤੇ ਵੈਸਟਇੰਡੀਜ਼ 'ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਆਈ.ਪੀ.ਐੱਲ. ਖੇਡਣਾ ਚਾਹੀਦਾ ਹੈ।  ਉਸ ਨੇ ਕਿਹਾ, ''ਉਮੀਦ ਹੈ ਕਿ ਬਹੁਤ ਸਾਰੇ ਆਸਟ੍ਰੇਲੀਆਈ ਖਿਡਾਰੀ ਆਈ.ਪੀ.ਐੱਲ. ਖੇਡਣਗੇ। ਇੱਥੇ ਹਾਲਾਤ ਵੈਸਟਇੰਡੀਜ਼ ਵਰਗੇ ਹੋਣਗੇ ਅਤੇ ਗੇਂਦ ਸਪਿਨ ਲਵੇਗੀ। ਮੈਕਸਵੈੱਲ ਬਿਗ ਬੈਸ਼ ਲੀਗ ਦੇ ਪਹਿਲੇ ਮੈਚ 'ਚ ਬ੍ਰਿਸਬੇਨ ਹੀਟਸ ਦੇ ਖਿਲਾਫ ਮੈਲਬੋਰਨ ਸਟਾਰਸ ਦੇ ਕਪਤਾਨ ਹੋਣਗੇ। 

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8