ਹੰਪੀ ਨੇ FIDE ਮਹਿਲਾ ਗ੍ਰਾਂ ਪ੍ਰੀ ਵਿੱਚ ਸਿੰਗਲ ਬੜ੍ਹਤ ਕੀਤੀ ਹਾਸਲ

ਪੁਣੇ- ਭਾਰਤੀ ਗ੍ਰੈਂਡਮਾਸਟਰ ਕੋਨੇਰੂ ਹੰਪੀ ਨੇ ਸੋਮਵਾਰ ਨੂੰ ਇੱਥੇ ਚੀਨ ਦੀ ਝੂ ਜਿਨਰ ਨੂੰ ਹਰਾ ਕੇ FIDE ਮਹਿਲਾ ਗ੍ਰਾਂ ਪ੍ਰੀ ਸ਼ਤਰੰਜ ਟੂਰਨਾਮੈਂਟ ਦੇ ਸੱਤਵੇਂ ਦੌਰ ਤੋਂ ਬਾਅਦ 5.5 ਅੰਕਾਂ ਨਾਲ ਇੱਕਮਾਤਰ ਬੜ੍ਹਤ ਬਣਾ ਲਈ। ਭਾਰਤ ਦੀ ਦਿਵਿਆ ਦੇਸ਼ਮੁਖ ਨੇ ਮੁੰਗੰਟੁਲ ਬਾਤਖੁਆਗ ਨੂੰ ਹਰਾਇਆ ਅਤੇ ਪੰਜ ਅੰਕਾਂ ਨਾਲ ਝੂ ਨਾਲ ਸਾਂਝੇ ਤੌਰ 'ਤੇ ਦੂਜੇ ਸਥਾਨ 'ਤੇ ਹੈ, ਜੋ ਹੰਪੀ ਤੋਂ ਅੱਧਾ ਅੰਕ ਪਿੱਛੇ ਹੈ। ਦਸ ਖਿਡਾਰੀਆਂ ਵਾਲੇ ਇਸ ਰਾਊਂਡ-ਰੋਬਿਨ ਮੁਕਾਬਲੇ ਵਿੱਚ ਸਿਰਫ਼ ਦੋ ਦੌਰ ਦੇ ਖੇਡ ਬਾਕੀ ਹਨ। ਹੋਰ ਮੈਚਾਂ ਵਿੱਚ, ਆਰ ਵੈਸ਼ਾਲੀ ਅਤੇ ਡੀ ਹਰਿਕਾ ਨੂੰ ਡਰਾਅ ਨਾਲ ਸਬਰ ਕਰਨਾ ਪਿਆ ਅਤੇ ਦੋਵੇਂ ਖਿਤਾਬ ਦੀ ਦੌੜ ਤੋਂ ਬਾਹਰ ਹੋ ਗਈਆਂ।