ਭਾਰਤ ਦੇ ਖਿਲਾਫ ਮੈਚ ਪਾਕਿ ਲਈ ਕਰੋ ਜਾਂ ਮਰੋ ਵਰਗਾ : ਇਮਾਮ

ਟਾਂਟਨ— ਪਾਕਿਸਤਾਨੀ ਸਲਾਮੀ ਬੱਲੇਬਾਜ਼ ਇਮਾਮ ਉਲ ਹੱਕ ਨੇ ਭਾਰਤ ਦੇ ਖਿਲਾਫ ਐਤਵਾਰ ਨੂੰ ਹੋਣ ਵਾਲੇ ਵਿਸ਼ਵ ਕੱਪ ਮੈਚ ਨੂੰ 'ਭਾਰੀ ਦਬਾਅ ਵਾਲਾ ਕਰਾਰ ਦਿੱਤਾ ਜੋ ਕਿ ਆਸਟਰੇਲੀਆ ਵਲੋਂ ਹਾਰ ਦੇ ਬਾਅਦ ਉਨ੍ਹਾਂ ਦੀ ਟੀਮ ਲਈ ਕਰੋ ਜਾਂ ਮਰੋ ਵਰਗਾ ਬਣ ਗਿਆ ਹੈ। ਕਪਤਾਨ ਸਰਫਰਾਜ ਅਹਿਮਦ ਤੇ ਨੌਵਾਂ ਨੰਬਰ ਦੇ ਬੱਲੇਬਾਜ਼ ਵਹਾਬ ਰਿਆਜ਼ ਦੇ ਆਖਰੀ ਪਲਾਂ 'ਚ ਚੰਗੀ ਬੱਲੇਬਾਜੀ ਦੇ ਬਾਵਜੂਦ ਪਾਕਿਸਤਾਨ ਨੂੰ ਬੁੱਧਵਾਰ ਨੂੰ ਇੱਥੇ ਆਸਟਰੇਲੀਆ ਤੋਂ 41 ਦੌੜਾਂ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਹਾਰ ਤੋਂ ਬਾਅਦ ਉਹ ਪੁਆਇੰਟ ਟੇਬਲ 'ਚ ਅੱਠਵੇਂ ਸਥਾਨ 'ਤੇ ਖਿਸਕ ਗਿਆ ਹੈ।ਇਮਾਮ ਤੋਂ ਪੁੱਛਿਆ ਗਿਆ ਕਿ ਕੀ ਇਸ ਹਾਰ ਤੋਂ ਓਲਡ ਟਰੈਫਰਡ 'ਚ ਹੋਣ ਵਾਲਾ ਭਾਰੀ ਦਬਾਅ ਵਾਲਾ ਮੈਚ ਉਨ੍ਹਾਂ ਦੇ ਲਈ ਕਰੋ ਜਾਂ ਮਰੋ ਵਰਗਾ ਬਣ ਗਿਆ ਹੈ, ਉਨ੍ਹਾਂ ਨੇ ਕਿਹਾ, ''ਹਾਂ, ਸਾਡਾ ਇਕ ਮੈਚ ਮੀਂਹ ਨਾਲ ਧੁੱਲ ਗਿਆ ਸੀ ਜੋ ਕਿ ਸਾਡੇ ਲਈ ਮਹੱਤਵਪੂਰਨ ਸੀ। ਸਾਡੇ ਲਈ ਹੁਣ ਹਰ ਇਕ ਮੈਚ ਮਹੱਤਵਪੂਰਨ ਬਣ ਗਿਆ ਹੈ, ਇਸ ਲਈ ਹਾਂ, ਤੁਸੀਂ ਅਜਿਹਾ ਕਹਿ ਸਕਦੇ ਹਨ। ਉਨ੍ਹਾਂ ਨੇ ਕਿਹਾ, ''ਨਿਸ਼ਚਿਤ ਤੌਰ 'ਤੇ ਇਸ ਤਰ੍ਹਾਂ ਦੇ ਮੈਚ ਦਾ ਹਿੱਸਾ ਹੋਣਾ ਸ਼ਾਨਦਾਰ ਹੈ। ਇਹ ਮੈਨਚੇਸਟਰ 'ਚ ਹੋਵੇਗਾ ਜਿੱਥੇ ਕਾਫ਼ੀ ਪਾਕਿਸਤਾਨੀ ਪ੍ਰਸ਼ੰਸਕ ਹੈ, ਇਸ ਲਈ ਮੈਂ ਅਸਲ 'ਚ ਇਸ ਨੂੰ ਲੈ ਕੇ ਉਤਸ਼ਾਹਿਤ ਹਾਂ।ਪਾਕਿਸਤਾਨ ਤੇ ਭਾਰਤ, ਇਸ ਦੇ ਪਿੱਛੇ ਬਹੁਤ ਸਾਰੇ ਰਾਜ ਹਨ ਪਰ ਅਸੀਂ ਸਿਰਫ ਕ੍ਰਿਕਟ 'ਚ ਆਪਣੇ ਮਜਬੂਤ ਪੱਖਾਂ ਤੇ ਉਨ੍ਹਾਂ ਨੂੰ ਬਿਹਤਰ ਕਰਨ 'ਤੇ ਧਿਆਨ ਦੇ ਰਹੇ ਹਨ। ਇਮਾਮ ਆਸਟਰੇਲੀਆ ਦੇ ਖਿਲਾਫ 53 ਦੌੜਾਂ ਬਣਾ ਕੇ ਆਊਟ ਹੋਏ ਤੇ ਇਸ ਨਾਲ ਉਹ ਕਾਫ਼ੀ ਨਿਰਾਸ਼ ਹੋਏ।