ਪੰਡਯਾ ਤੇ ਰਾਹੁਲ ਮੁੰਬਈ ''ਚ ਹੋਏ ਪੇਸ਼, BCCI ਲੋਕਪਾਲ ਲੈਣਗੇ ਫੈਸਲਾ

ਨਵੀਂ ਦਿੱਲੀ — ਸੁਪਰੀਮ ਕੋਰਟ ਤੋਂ ਨਿਯੁਕਤ ਬੀ. ਸੀ. ਸੀ. ਆਈ ਲੋਕਪਾਲ ਜਸਟੀਸ (ਰਿਟਾਇਰਡ) ਡੀ.ਕੇ. ਜੈਨ ਨੇ ਬੁੱਧਵਾਰ ਨੂੰ ਕਿਹਾ ਕਿ ਆਲਰਾਊਂਡਰ ਹਾਰਦਿਕ ਪੰਡਯਾ ਤੇ ਬ੍ਰਹਮਾ ਰਾਹੁਲ ਦੇ ਮਾਮਲੇ 'ਤੇ ਉਹ ਜਲਦ ਫੈਸਲਾ ਲੈਣਗੇ। ਫਿਲਮਮੇਕਰ ਕਰਣ ਜੌਹਰ ਦੇ ਟੀ. ਵੀ ਸ਼ੋਅ ਕਾਫ਼ੀ ਵਿੱਦ ਕਰਨ 'ਚ ਵਿਵਾਦਿਤ ਟਿੱਪਣੀ ਮਾਮਲੇ 'ਚ ਫਸੇ ਐੱਲ. ਰਾਹੁਲ ਬੁੱਧਵਾਰ ਨੂੰ ਉਨ੍ਹਾਂ ਦੇ ਸਾਹਮਣੇ ਪੇਸ਼ ਹੋਏ ਤੇ ਆਪਣਾ ਪੱਖ ਰੱਖਿਆ। ਇਸ ਤੋਂ ਇਕ ਦਿਨ ਪਹਿਲਾਂ ਹਾਰਦਿਕ ਪੰਡਯਾ ਮੁੰਬਈ 'ਚ ਸੁਣਵਾਈ ਦੇ ਦੌਰਾਨ ਪੇਸ਼ ਹੋਏ ਸਨ।

ਜਸਟੀਸ ਜੈਨ ਨੇ ਟੀ. ਵੀ ਸ਼ੋਅ 'ਚ ਵਿਵਾਦਿਤ ਬਿਆਨ ਦੇਣ ਦੇ ਮਾਮਲੇ 'ਚ ਰਾਹੁਲ ਤੇ ਪੰਡਯਾ ਨੂੰ ਪਿਛਲੇ ਹਫ਼ਤੇ ਨੋਟਿਸ ਜਾਰੀ ਕਰ ਉਨ੍ਹਾਂ ਨੂੰ ਸੁਣਵਾਈ ਲਈ ਪੇਸ਼ ਹੋਣ ਦਾ ਨਿਰਦੇਸ਼ ਦਿੱਤਾ ਸੀ। ਜੈਨ ਪੂਰਵ ਸੀ. ਏ. ਜੀ. ਵਿਨੋਦ ਰਾਏ ਦੀ ਪ੍ਰਧਾਨਤਾ ਵਾਲੀ ਸੀ. ਓ. ਏ ਨੂੰ ਮਾਮਲੇ ਦੀ ਰਿਪੋਰਟ ਸੌਂਪਾਂਗੇ। ਏ. ਐੱਨ. ਆਈ ਨੇ ਉਨ੍ਹਾਂ ਦੇ ਹਵਾਲੇ ਤੋਂ ਦੱਸਿਆ ਕਿ ਜਸਟੀਸ ਜੈਨ ਦੇ ਸਾਹਮਣੇ ਸੁਣਵਾਈ ਦੇ ਦੌਰਾਨ ਐੱਲ ਰਾਹੁਲ ਤੇ ਪੰਡਯਾ ਪੇਸ਼ ਹੋ ਚੁੱਕੇ ਹਨ ਤੇ ਹੁਣ ਉਹ ਇਸ ਮਾਮਲੇ 'ਤੇ ਆਪਣਾ ਫੈਸਲਾ ਸੁਣਾਉਗੇ। ਚੈਟ ਸ਼ੋਅ ਦਾ ਵਿਵਾਦਿਤ ਐਪਿਸੋਡ ਜਨਵਰੀ ਦੇ ਪਹਿਲੇ ਹਫਤੇ 'ਚ ਪ੍ਰਸਾਰਿਤ ਹੋਇਆ ਸੀ ਜਿਸ ਤੋਂ ਬਾਅਦ ਕਾਫ਼ੀ ਵਿਵਾਦ ਹੋਇਆ ਸੀ।
ਵਿਵਾਦ ਵਧਣ ਤੋਂ ਬਾਅਦ ਸੀ. ਓ. ਏ ਨੇ ਆਸਟ੍ਰੇਲੀਆ ਦੌਰੇ 'ਤੋਂ ਦੋਨਾਂ ਨੂੰ ਵਾਪਿਸ ਬੁਲਾ ਲਿਆ ਸੀ। ਦੋਨਾਂ ਨੂੰ ਅਸਥਾਈ ਤੌਰ 'ਤੇ ਮੁਅਤਲ ਕੀਤਾ ਸੀ। ਦੋਨਾਂ ਨੇ ਇਸ ਤੋਂ ਬਾਅਦ ਬਿਨਾਂ ਸ਼ਰਤ ਮਾਫੀ ਮੰਗੀ ਸੀ ਤੇ ਜਾਂਚ ਪੈਂਡਿੰਗ ਰਹਿਣ ਤੱਕ ਅਸਥਾਈ ਤੌਰ 'ਤੇ ਉਨ੍ਹਾਂ ਦੀ ਰੋਕ ਹੱਟਾ ਦਿੱਤੀ ਗਈ ਸੀ। ਰਾਹੁਲ ਫਿਲਹਾਲ ਆਈ. ਪੀ. ਐੱਲ 'ਚ ਕਿੰਗਸ ਇਲੈਵਨ ਪੰਜਾਬ ਵਲੋਂ ਖੇਡ ਰਹੇ ਹਨ ਜਦ ਕਿ ਪੰਡਯਾ 3 ਵਾਰ ਦੀ ਚੈਪੀਅਨ ਟੀਮ ਮੁੰਬਈ ਇੰਡੀਅਨਸ ਦਾ ਹਿੱਸਾ ਹੈ।